ସଦାନନ୍ଦ ଅଗ୍ରୱାଲ ଜଣେ ଓଡ଼ିଆ ଐତିହାସିକ ଓ ଲିପିତତ୍ତ୍ୱ ବିଶାରଦ ଥିଲେ । ସେ ଓଡ଼ିଶାର ପ୍ରଥମ ଲିପିତତ୍ତ୍ୱବିଦ ଭାବରେ ପରିଗଣିତ । ଏହାସହ ଏକାଧାରରେ ଜଣେ ଗବେଷକ,ସାମ୍ବାଦିକ,ନାଟ୍ୟକାର, ସଂଗୀତଜ୍ଞ, ଲେଖକ, ସମାଜସେବୀ, ସାହିତ୍ଯିକ ଭାବରେ ପରିଚିତ ଥିଲେ। ମହିମା ଧର୍ମ ଓ ଭୀମଭୋଇଙ୍କ ପ୍ରଚାର ପ୍ରସାରରେ ତାଙ୍କର ଅନନ୍ୟ ଭୂମିକା ଥିଲା। କୌଣସି ବିଶ୍ବବିଦ୍ୟାଳୟରେ ନିଜେ ପାଠ ନପଢି ମଧ୍ୟ ସେ ବିଶ୍ବଭାରତୀ ଶାନ୍ତିନିକେତନରେ ପ୍ରାଚୀନ ଲିପି ଉପରେ ଶିକ୍ଷା ଦାନ କରିଥିଲେ।
ସଦାନନ୍ଦ ଅଗ୍ରୱାଲ | |
---|---|
ଜନ୍ମ | ସଦାନନ୍ଦ ଅଗ୍ରୱାଲ ୭ ନଭେମ୍ବର ୧୯୫୨ ମେଣ୍ଡା, ତରଭା, ସୁବର୍ଣ୍ଣପୁର |
ମୃତ୍ୟୁ | ୧ ଅଗଷ୍ଟ ୨୦୧୭ ବଲାଙ୍ଗୀର | (ବୟସ ୬୪)
ଜାତୀୟତା | ଭାରତୀୟ |
ଶିକ୍ଷା | ଏକାଦଶ ଶ୍ରେଣୀ ମେଣ୍ଡା ହାଇ ସ୍କୁଲରୁ ପ୍ରଥମ ସ୍ଥାନରେ ପାସ କରିଥିଲେ |
ପ୍ରସିଦ୍ଧି | ଐତିହାସିକ, ଲିପିତତ୍ତ୍ୱବିଦ |
ବୈବାହିକ-ସାଥୀ | ତାରା ଅଗ୍ରୱାଲ |
ସନ୍ତାନ | ନମିତା, ଇତିସ୍ମିତା, ସିଦ୍ଧାର୍ଥ(ଆଶିଷ) |
ପିତାମାତା(s) | ଭାନିରାମ, ରାମବାଇ |
ପୁରସ୍କାର | ଡିଲିଟ ଉପାଧି, ରାଷ୍ଟ୍ରୀୟ ସଂସ୍କୃତ ବିଦ୍ଯାପୀଠ ତିରୁପତି |
ସଦାନନ୍ଦ, ୧୯୫୨ ମସିହା ନଭେମ୍ବର ୭ତାରିଖରେ ସୁବର୍ଣ୍ଣପୁର ଜିଲ୍ଲାର ତରଭା ବ୍ଲକ ଅନ୍ତର୍ଗତ ମେଣ୍ଡା ଗ୍ରାମରେ ଜନ୍ମଗ୍ରହଣ କରିଥିଲେ । ପିତାଙ୍କ ନାମ ଥିଲା ଭାନିରାମ ଅଗ୍ରୱାଲ ଓ ମା'ଙ୍କ ନାମ ରାମବାଇ । ମାତାପିତାଙ୍କର ଚାରି ଝିଅ ଥିଲେ ଓ ଏକମାତ୍ର ପୁଅ ଥିଲେ ସଦାନନ୍ଦ । ସଦାନନ୍ଦ ମେଣ୍ଡା ହାଇସ୍କୁଲରୁ ପ୍ରଥମ ଶ୍ରେଣୀରେ ମାଟ୍ରିକ ପାସ କରିଥିଲେ ।
ଆର୍ଥିକ ଅନାଟନ ଯୋଗୁ ମାଟ୍ରିକରୁ ଆଗକୁ ପଢିପାରିନଥିଲେ ମଧ୍ୟ ସାହିତ୍ୟ, ଇତିହାସ, କଳାସଂସ୍କୃତି ଉପରେ ସେ ନିଜେ ଗବେଷଣା କରୁଥିଲେ । ୧୯୮୦ମସିହାରେ "ସୋନପୁର ଇତିହାସ" ନାମରେ ଗବେଷଣାଧର୍ମୀ ପୁସ୍ତକ ଦୁଇଭାଗରେ ପ୍ରକାଶ ପାଇଥିଲା । ଏହି ପୁସ୍ତକ ତାଙ୍କୁ ପରିଚିତି ଆଣି ଦେଇଥିଲା ଓ ପରବର୍ତ୍ତୀ ସମୟରେ ସେ ବହୁ ପୁସ୍ତକ, ପ୍ରବନ୍ଧ, ନାଟକ ଆଦି ରଚନା କରିଥିଲେ । ଭାରତ ସରକାରଙ୍କଦ୍ୱାରା ପ୍ରସ୍ତୁତ ପ୍ରାମାଣିକ ଚଳଚ୍ଚିତ୍ର "ଭୀମଭୋଇ" ନିର୍ମାଣରେ ସେ ଜଣେ ବିଶେଷ ବିଶେଷଜ୍ଞ ଏବଂ ସଙ୍ଗୀତ ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ । ମହିମା ଧର୍ମର ପ୍ରଚାର କ୍ଷେତ୍ରରେ ସେ କାର୍ଯ୍ୟ କରିଥିଲେ । "ଖଲିଆପାଲି"ରେ ଥିବା ଭୀମ ଭୋଇଙ୍କ ସମାଧି ପୀଠର ଉନ୍ନତି ପାଇଁ ସେ ନିଜ ଶେଷ ସମୟ ପର୍ଯ୍ୟନ୍ତ କାର୍ଯ୍ୟ କରୁଥିଲେ । ବଲାଙ୍ଗୀରରେ ପ୍ରସ୍ତାବିତ ମେଡିକାଲ କଲେଜକୁ ସନ୍ତକବି ଭୀମ ଭୋଇ ମେଡିକାଲ କଲେଜ କରାଯିବାକୁ ସେ ଚେଷ୍ଟିତ ଥିଲେ ।
୨୦୧୭ ମସିହା ଅଗଷ୍ଟ ୧ତାରିଖ ଦିନ ବଲାଙ୍ଗୀର ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କର ପରଲୋକ ଘଟିଥିଲା ।
This article uses material from the Wikipedia ଓଡ଼ିଆ article ସଦାନନ୍ଦ ଅଗ୍ରୱାଲ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.