ଲୋକଜନନୀ ପଣ୍ଡା
ଲୋକଜନନୀ ପଣ୍ଡା ( ୦୪ ଜୁନ ୧୯୩୪ - ୦୪ ମାର୍ଚ୍ଚ ୨୦୨୦ ) ଜଣେ ଓଡ଼ିଆ ଓ ସମ୍ବଲପୁରୀ ଭାଷାର ଗୀତିକାର ଥିଲେ । ସେ ଆକାଶବାଣୀଦ୍ୱାରା ସ୍ୱୀକୃତିପ୍ରାପ୍ତ ସମ୍ବଲପୁରୀ ଭାଷାର ପ୍ରଥମ ମହିଳା ଗୀତିକାର ଥିଲେ । ଆକାଶବାଣୀ କଟକରୁ ପ୍ରସାରିତ ନଈ ସେପାରୀ କନକ ଗୋରୀ, ଆଷାଢ଼ର ଆକାଶରେ ଯେବେ ତୁମେ ମେଘ ହୋଇ ଭାସିବ ଆଦି ଗୀତ ପାଇଁ ସେ ପରିଚିତ ।
ଲୋକଜନନୀ ପଣ୍ଡା | |
|---|---|
| ଜନ୍ମ | ୪ ଜୁନ ୧୯୩୪ ଝାଡୁଆପଡା, ସମ୍ବଲପୁର |
| ମୃତ୍ୟୁ | ୪ ମାର୍ଚ୍ଚ ୨୦୨୦ (ବୟସ ୮୫) |
| ଜାତୀୟତା | ଭାରତୀୟ |
| ବୈବାହିକ-ସାଥୀ | ଉମାଶଙ୍କର ପଣ୍ଡା |
| ସନ୍ତାନ | ଶଶାଙ୍କ, ଉଦୟନ, ସୌଭାଗ୍ୟ, ବ୍ରଜେନ୍ଦ୍ର, ଜୟଶ୍ରୀ |
| ପିତାମାତା | ଗୋକୁଳାନନ୍ଦ ପଣ୍ଡା ଶୁକ୍ରାବତୀ ଦେବୀ |
ଜୀବନୀ
ଲୋକଜନନୀ, ସମ୍ବଲପୁରର ଝାଡୁଆପଡାଠାରେ ୧୯୩୪ ମସିହାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଗୋକୁଳାନନ୍ଦ ପଣ୍ଡା ଓ ମାତାଙ୍କ ନାମ ଶୁକ୍ରାବତୀ ଦେବୀ ଥିଲା । ଲେଡ଼ି ଲୁଇସ ବିଦ୍ୟାଳୟ ଓ ଗଙ୍ଗାଧର ମେହେର ମହାବିଦ୍ୟାଳୟରେ ଅଧ୍ୟୟନ କରିଥିଲେ । ୧୯୫୨ରେ ଗଙ୍ଗାଧର ମେହେର ମହାବିଦ୍ୟାଳୟରେ ପଢୁଥିବା ୫ ଜଣ ଛାତ୍ରୀଙ୍କ ମଧ୍ୟରୁ ଲୋକଜନନୀ ଜଣେ ଥିଲେ । ସେ ସାହିତ୍ୟିକ ଉମାଶଙ୍କର ପଣ୍ଡାଙ୍କୁ ବିବାହ କରିଥିଲେ । ତାଙ୍କର ୪ ଜଣ ପୁଅ ଶଶାଙ୍କ, ଉଦୟନ, ସୌଭାଗ୍ୟ, ବ୍ରଜେନ୍ଦ୍ର ଓ ଜଣେ ଝିଅ ଜୟଶ୍ରୀ ଅଛନ୍ତି ।
ସେ ୧୯୬୦ ମସିହାରୁ ଆକାଶବାଣୀ କଟକରେ ଗୀତିକାର ଭାବରେ କାର୍ଯ୍ୟ ଆରମ୍ଭ କରିଥିଲେ । ତାଙ୍କ ରଚିତ ଗୀତକୁ ସେ ସମୟର ପ୍ରମୂଖ କଣ୍ଠଶିଳ୍ପୀମାନେ ଗାୟନ କରିଥିଲେ । ୧୯୬୬ ମସିହାରେ ଆକାଶବାଣୀ କଟକରୁ ସମ୍ବଲପୁରୀ ଭାଷାର ପ୍ରସାରଣ ଆରମ୍ଭ ହୋଇଥିଲା ଓ ତାଙ୍କର ସମ୍ବଲପୁରୀ ଭାଷାର ଗୀତ ସବୁ ପ୍ରସାରିତ ହୋଇଥିଲା । ୨୦୧୨ ମସିହାରେ ଗୀତିଗୁଞ୍ଜନ ନାମକ ତାଙ୍କର ଏକ ଗୀତିକବିତା ପୁସ୍ତକ ପ୍ରକାଶ ପାଇଥିଲା ।
୨୦୨୦ ମାର୍ଚ୍ଚ ୪ ତାରିଖରେ ସମ୍ବଲପୁର ଧନୁପାଲୀଠାରେ ତାଙ୍କର ପରଲୋକ ଘଟିଥିଲା ।
ଆଧାର
This article uses material from the Wikipedia ଓଡ଼ିଆ article ଲୋକଜନନୀ ପଣ୍ଡା, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.