ଭାରତୀୟ ପ୍ରବନ୍ଧ ଅନୁଷ୍ଠାନ ସମ୍ବଲପୁର(ଇଂରାଜୀ : Indian Institute of Management Sambalpur) , ଏକ ସ୍ୱୟଂଶାସିତ ମ୍ୟାନେଜମେଣ୍ଟ ଶିକ୍ଷା ଅନୁଷ୍ଠାନ । ଏହା ଭାରତୀୟ ରାଜ୍ୟ ଓଡ଼ିଶାର ସମ୍ବଲପୁରଠାରେ ଅବସ୍ଥିତ । ୨୦୧୮-୨୦ ବ୍ୟାଚରେ ଗୋଟିଏ ମଧ୍ୟ ଝିଅ ଏହି ଅନୁଷ୍ଠାନରେ ନାମ ଲେଖାଇ ନଥିବା ବେଳେ, ୨୦୧୯-୨୧ ବ୍ୟାଚରେ ୯୮ଟି ସିଟ ମଧ୍ୟରୁ ୫୦ ଜଣ ଝିଅ ଥିଲେ । ଭାରତର ସମସ୍ତ ଆଇଆଇଏମ ମଧ୍ୟରୁ ଏହ ହାର ସର୍ବାଧିକ ।
ଭାରତୀୟ ପ୍ରବନ୍ଧ ଅନୁଷ୍ଠାନ ସମ୍ବଲପୁର | |
---|---|
ସ୍ଥାପିତ | ୨୦୧୫ |
ଅବସ୍ଥାନ | ସମ୍ବଲପୁର, ଓଡ଼ିଶା, ଭାରତ |
ପରିସର | ସହରାଞ୍ଚଳ |
ୱେବସାଇଟ | iimsambalpur |
ଭାରତୀୟ ପ୍ରବନ୍ଧ ଅନୁଷ୍ଠାନ ସମ୍ବଲପୁର , ଭାରତର ଉନବିଂଶତମ ମ୍ୟାନେଜମେଣ୍ଟ ଶିକ୍ଷା ଅନୁଷ୍ଠାନ । ଏଠାରେ ପୋଷ୍ଟ ଗ୍ରାଜୁଏଟ ପ୍ରୋଗ୍ରାମ(PGP) ୨୩ ସେପ୍ଟେମ୍ବର ୨୦୧୫ରେ ଆରମ୍ଭ ହୋଇଥିଲା । ବର୍ତ୍ତମାନ ଏହି ଅନୁଷ୍ଠାନ ଅସ୍ଥାୟୀ ଭାବରେ ସମ୍ବଲପୁର ସନ୍ନିକଟ ଶାସନଠାରେ ଥିବା ସିଲିକନ ଇନଷ୍ଟିଚୁଟରେ ଚାଲିଛି ।
ଏହି ଅନୁଷ୍ଠାନ ବର୍ତ୍ତମାନ ଭାରତୀୟ ପ୍ରବନ୍ଧ ଅନୁଷ୍ଠାନ ଇନ୍ଦୋରର ପ୍ରତ୍ୟକ୍ଷ ତତ୍ତ୍ୱାବଧାନରେ ପରିଚାଳିତ ହେଉଛି । ସମ୍ବଲପୁର ସହର ରାୟପୁର, ଭୁବନେଶ୍ୱର ଓ କଲିକତା ସହ ସଡ଼କ ପଥ ଓ ରେଳପଥଦ୍ୱାରା ଏବଂ ଭୁବନେଶ୍ୱର ସହ ଆକାଶପଥଦ୍ୱାରା ସଂଯୁକ୍ତ ହେଇଥିବାରୁ ଏହି ଅନୁଷ୍ଠାନ ପାଇଁ ଉପଯୁକ୍ତ ସ୍ଥାନ ବୋଲି ବିଚାର କରା ଯାଇଥିଲା । ୨୦୧୪ରେ ଏହି ଅନୁଷ୍ଠାନ ସ୍ଥାପନ ପାଇଁ କେନ୍ଦ୍ର ସରକାରଙ୍କ ମଞ୍ଜୁରୀ ପ୍ରାପ୍ତ ହେଇଥିଲା ।
ଏଥିପାଇଁ ସ୍ଥାୟୀ ଭବନ ନିର୍ମାଣ ପାଇଁ ଓଡ଼ିଶା ସରକାରଙ୍କ ତରଫରୁ ବସନ୍ତପୁର ଗ୍ରାମ ସନ୍ନିକଟରେ ୨୩୭ ଏକର ଜମି ଚିହ୍ନଟ କରାଯାଇଛି ।
This article uses material from the Wikipedia ଓଡ଼ିଆ article ଭାରତୀୟ ପ୍ରବନ୍ଧ ଅନୁଷ୍ଠାନ ସମ୍ବଲପୁର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.