ଭାଗିରଥୀ ନେପାକ: ଓଡ଼ିଆ ସାହିତ୍ୟିକ
ଭାଗିରଥୀ ନେପାକ (୧ ଏପ୍ରିଲ ୧୯୩୧ - ୩ ଜାନୁଆରୀ ୨୦୦୭) ଜଣେ ଭାରତୀୟ ସମ୍ବଲପୁରୀ ଓ ଓଡ଼ିଆ-ଭାଷୀ ଲେଖକ ଓ ଗବେଷକ ଥିଲେ । ସେ ଓଡ଼ିଶାର ସୁବର୍ଣ୍ଣପୁର ଜିଲ୍ଲାରେ ଜନ୍ମିତ ଏବଂ ମହିମା ଧର୍ମ ଓ ଭୀମ ଭୋଇଙ୍କ ଉପରେ ଗବେଷଣା ପାଇଁ ଜଣାଶୁଣା । ତାଙ୍କର ସାହିତ୍ୟ ରଚନା ନିମନ୍ତେ ସେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରରେ ସମ୍ମାନୀତ ହୋଇଥିଲେ ।
ଭାଗିରଥୀ ନେପାକ | |
|---|---|
 ଭାଗିରଥୀ ନେପାକ | |
| ଜନ୍ମ ଓ ଜନ୍ମସ୍ଥାନ | ଭାଗିରଥୀ ନେପାକ ୧ ଅପ୍ରେଲ ୧୯୩୧ ବିନିକା, ସୁବର୍ଣ୍ଣପୁର, ଓଡ଼ିଶା, ଭାରତ |
| ମୃତ୍ୟୁ | ୩ ଜାନୁଆରୀ ୨୦୦୭ (ବୟସ ୭୫) ଭୁବନେଶ୍ୱର |
| ଭାଷା | ସମ୍ବଲପୁରୀ, ଓଡ଼ିଆ |
| ଶିକ୍ଷା | ଦର୍ଶନରେ ସ୍ନାତକ |
| ଶିକ୍ଷାନୁଷ୍ଠାନ | ଗଙ୍ଗାଧର ମେହେର ମହାବିଦ୍ୟାଳୟ |
| ପୁରସ୍କାର | ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର |
| ଜୀବନସାଥୀ | ଅନସୂୟା ନେପାକ |
| ସନ୍ତାନ | ମନୋରମା, ରାଜେନ୍ଦ୍ର, ନିରୁପମା, ଦେବେନ୍ଦ୍ର, ଶୁଭେନ୍ଦ୍ର, ପ୍ରତିମା, ନରେନ୍ଦ୍ର |
ଜୀବନୀ
ଭାଗିରଥୀ ନେପାକ ଓଡ଼ିଶାର ସୁବର୍ଣ୍ଣପୁର ଜିଲ୍ଲା ଅନ୍ତର୍ଗତ ବିନିକାଠାରେ ୧୯୩୧ ମସିହା ଅପ୍ରେଲ ୧ ତାରିଖରେ ପିତା ସଦାନନ୍ଦ ନେପାକଙ୍କ ଔରସ୍ୟରୁ ମାତା ଶ୍ରୀମତୀ ଦେବୀଙ୍କଠାରୁ ଜନ୍ମଗ୍ରହଣ କରିଥିଲେ । ତାଙ୍କ ଜନ୍ମ ପରେ ତାଙ୍କ ପରିବାର ସୁବର୍ଣ୍ଣପୁରର ଲଛିପୁର ଗ୍ରାମକୁ ଚାଲିଯାଇଥିଲେ । ସେ ସମ୍ବଲପୁରର ଗଙ୍ଗାଧର ମେହେର ମହାବିଦ୍ୟାଳୟରୁ ଦର୍ଶନରେ ସ୍ନାତକୋତ୍ତର ସମାପ୍ତ କରିବା ପରେ ଓଡ଼ିଶା ସରକାରଙ୍କ ଅଧୀନରେ ଜଣେ ଅଡିଟର ଭାବରେ କାର୍ଯ୍ୟ ଆରମ୍ଭ କରିଥିଲେ ।
ସାହିତ୍ୟ ରଚନା
ସେ ନିଜ ବିଦ୍ୟାଳୟ ପଢ଼ା କାଳରେ "କାଉ ଓ କୋଇଲି" ଲେଖିବା ଆରମ୍ଭ କରିଥିଲେ । ପରେ ସେ ଗବେଷଣା ପୁସ୍ତକ, ଉପନ୍ୟାସ, କ୍ଷୁଦ୍ରଗଳ୍ପ, କବିତା ଇତ୍ୟାଦି ସମେତ ଅନେକ ପୁସ୍ତକ ରଚନା କରିଥିଲେ । ତାଙ୍କର ୨୨୯ରୁ ଅଧିକ ରଚନାବଳୀ ପ୍ରକାଶିତ ହୋଇଛି । ସେଥିମଧ୍ୟରେ ୩୪ଟି ଉପନ୍ୟାସ, ୩ଟି କବିତା ସଂକଳନ ସମେତ ଅନେକ ଜୀବନୀ, ଶିଶୁ ସାହିତ୍ୟ, କ୍ଷୁଦ୍ର ନାଟକ ଅନ୍ତର୍ଭୁକ୍ତ । ସେ ନିଜର ଗବେଷଣା ଓ ସାହିତ୍ୟ ରଚନାରେ ମହିମା ଧର୍ମକୁ ଲୋକପ୍ରିୟ କରାଇଛନ୍ତି ।
ରଚନାବଳୀ
ପ୍ରବନ୍ଧ
- ଓଡ଼ିଶାର ଆଦିବାସୀ
- ଭୀମ ଭୋଇ ଓ ଅନ୍ୟ ପ୍ରସଙ୍ଗ
ଉପନ୍ୟାସ
- ପୁନରାବୃତ୍ତି
- ସୂଚନା
- ପଟେଲ ବଧୁ ଯାଇକଢ଼ି
- କାଲି, ଆଜି, ପରାଦିନ
- ଜୁନ୍ ତେଇଶ ସୁଜାତାର ସ୍ୱପ୍ନ
କ୍ଷୁଦ୍ରଗଳ୍ପ
- କଥା ବିଚିତ୍ରା
- ଚିର ସବୁଜ ଗଳ୍ପ
- ଚିର ନୂତନ ଗଳ୍ପ
ଆଧାର
This article uses material from the Wikipedia ଓଡ଼ିଆ article ଭାଗିରଥୀ ନେପାକ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.