ଏରୋଡ଼ ଭେଙ୍କଟ ନାୟକର ରାମାସ୍ୱାମୀ (୧୭ ସେପ୍ଟେମ୍ବର ୧୮୭୯-୨୪ ଡିସେମ୍ବର ୧୯୭୩) ଯିଏ ପେରିୟାର ନାମରେ ମଧ୍ୟ ଜଣାଶୁଣା, ତାମିଲନାଡୁର ଏକ ବିଶିଷ୍ଟ ରାଜନେତା ଥିଲେ । ସେ ଜଷ୍ଟିସ ପାର୍ଟି ନାମରେ ଏକ ଦଳ ତିଆରି କରିଥିଲେ ଯାହା କଠୋରପନ୍ଥୀ ହିନ୍ଦୁତ୍ତ୍ୱର ବିରୋଧ କରିଥିଲା । ହିନ୍ଦୀର ବାଧ୍ୟତାମୂଳକ ଶିକ୍ଷର ମଧ୍ୟ ସେ ଘୋର ବିରୋଧୀ ଥିଲେ । ଭାରତୀୟ ବିଶେଷ କରି ଦକ୍ଷିଣ ଭାରତୀୟ ସମାଜରେ ଶୋଷିତ ଲୋକଙ୍କ ସ୍ଥିତି ସୁଧାରିବାରେ ତାଙ୍କର ମହତ୍ତ୍ୱପୂର୍ଣ୍ଣ ଭୂମିକା ରହିଛି ।
ପେରିୟାରଙ୍କ ଜନ୍ମ ପଶ୍ଚିମ ତାମିଲନାଡୁର ଏରୋଡ଼ଠାରେ ଏକ ସମ୍ଭ୍ରାନ୍ତ ପ୍ରମ୍ପରବାଦୀ ହିନ୍ଦୁ ପରିବାରରେ ହୋଇଥିଲା । ମାତ୍ର ୫ ବର୍ଷର ଶିକ୍ଷା ପରେ ତାଙ୍କୁ ତାଙ୍କ ପିତାଙ୍କ ବ୍ୟବସାୟ ସମ୍ଭାଳିବାକୁ ପଡ଼ିଲା । ବାଳକ ଅବସ୍ଥାରେ ଘରେ ଶୁଣୁଥିବା ଉପଦେଶ ପ୍ରବଚନ ଇତ୍ୟାଦିର ସତ୍ୟତା ସମ୍ପର୍କରେ ସେ ପ୍ରଶ୍ନ କରୁଥିଲେ । ହିନ୍ଦୁ ପୁରାଣରେ ଥିବା ଅନେକ ପରସ୍ପର ବିରୋଧୀ କାହାଣୀକୁ ନେଇ ସେ ପ୍ରଶ୍ନ କରୁଥିଲେ । ସେ ଦେବଦାସୀ, ବାଲ୍ୟବିବାହ ଆଦିର ବିରୋଧ କରିଥିଲେ ଓ ଦଳିତ ଓ ନାରୀ ଶୋଷଣ ବିରୋଧରେ ସ୍ୱର ଉତ୍ତୋଳନ କରିଥିଲେ । ସେ ଜାତି ପ୍ରଥାର ମଧ୍ୟ ଦୃଢ଼ ବିରୋଧୀ ଥିଲେ । କାଶୀରେ କିଛି ତିକ୍ତ ଅନୁଭୂତି ପରେ ସେ ଧର୍ମ ବିଶ୍ୱାସ ଛାଡ଼ି ନାସ୍ତିକରେ ପରିଣତ ହୋଇଥିଲେ ତଥା ହିନ୍ଦୁ କୁସଂସ୍କାରର ଦୃଢ଼ ବିରୋଧ କରିଥିଲେ ।
ଚକ୍ରବର୍ତ୍ତୀ ରାଜଗୋପଳଚାରୀଙ୍କ ଅନୁରୋଧରେ ସେ କଂଗ୍ରେସର ସଦସ୍ୟ ହୋଇଥିଲେ । ଖୁବ କମ ସମୟ ମଧ୍ୟରେ ସେ ତାମିଲନାଡୁର ପ୍ରମୁଖ ହୋଇଯାଇଥିଲେ । କେରଳର ନେତାମାନଙ୍କ ଅନୁରୋଧ କ୍ରମେ ସେ ମନ୍ଦିର ସାମ୍ନାରେ ଦଳିତମାନଙ୍କ ଚାଲିବାକୁ ନିଷେଧାଦେଶର ବିପକ୍ଷରେ ଆନ୍ଦୋଳନ କଲେ । ଏହି ଆନ୍ଦୋଳନରେ ତାଙ୍କ ପତ୍ନୀ ଓ ବନ୍ଧୁମାନେ ମଧ୍ୟ ଅଂଶଗ୍ରହଣ କଲେ ।
କଂଗ୍ରେସରେ ଦଳିତଙ୍କ ପାଇଁ ସରଣକ୍ଷର ଦାବୀରେ ଅସଫଳ ହେବ ପରେ ସେ କଂଗ୍ରେସ ତ୍ୟାଗ କରିଥିଲେ ।
This article uses material from the Wikipedia ଓଡ଼ିଆ article ପେରିୟାର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.