ପଦ୍ମପୁର
ପଦ୍ମପୁର ବା ପଦମପୁର ନାମରେ ପରିଚିତ ସହର ଭାରତର ଓଡ଼ିଶା ରାଜ୍ୟର ବରଗଡ ଜିଲ୍ଲାରେ ଥିବା ଏକ NAC । ଏହାର ପୂର୍ବତନ ନାମ ରାଜବୋଡ଼ାସମ୍ବର ଏବଂ ଏହା ପ୍ରାକ ସ୍ୱାଧୀନତା କାଳରେ ଏକ ଜମିଦାରୀ ଥିଲା । ଏହାକୁ ' ବରିହା ସଂପ୍ରଦାଯର ଜମିଦାର ଶାସନ କରୁଥିଲେ ।
| ପଦ୍ମପୁର | |
| — ସହର — | |
| ଦିଗବାରେଣି | 21°00′N 83°04′E / 21.0°N 83.07°E |
| ଦେଶ | ଭାରତ |
| ରାଜ୍ୟ | ଓଡ଼ିଶା |
| ଭାରତର ଜିଲାସବୁ | ବରଗଡ଼ |
| ଲୋକସଂଖ୍ୟା | ୧୫,୪୩୮ (2001[update]) |
| ସମୟ ଜୋନ | ଆ.ଏସ.ଟି (ୟୁଟିସି +୫.୩୦) |
| ପରିସୀମା • ସମୁଦ୍ର ପତ୍ତନଠାରୁ ଉଚ୍ଚତା | • 205 metres (673 ft) |
ଭୌଗୋଳିକ ସ୍ଥିତି
ପଦ୍ମପୁର ସହରର ଅବସ୍ଥିତି ହେଲା 21°00′N 83°04′E / 21.0°N 83.07°E. ସମୁଦ୍ରପତ୍ତନଠାରୁ ୬୭୩ ଫୁଟ ଉଚ୍ଛତାରେ ଥିବା ଏହାର ଦୁରତ୍ୱ ରାଜ୍ୟର ରାଜଧାନୀ ଭୁବନେଶ୍ୱରଠାରୁ ପ୍ରାୟ ୪୪୦ କିଲୋମିଟର ଏବଂ ଜିଲା ସଦର ମହକୁମା ବରଗଡଠାରୁ ୮୦ କିଲୋମିଟର । ନିକଟସ୍ଥ ବଲାଙ୍ଗିର ଜିଲ୍ଲା ସଦର ମହକୁମାଠାରୁ ମଧ୍ୟ ଏହା ୮୦ କିଲୋମିଟର ଦୂରତାରେ ରହିଛି । ପଦ୍ମପୁରର ନିକଟସ୍ଥ ରେଳ ଷ୍ଟେସନଗୁଡ଼ିକ ହେଲା ଖରିଆର ( ୭୬ କିଲୋମିଟର ) ଓ ବରଗଡ (୮୦ କିଲୋମିଟର )
ମୁଖ୍ୟତ ବର୍ଷାଜଳ ଉପରେ ନିର୍ଭର ଶୀଳ ପଦ୍ମପୁର ଉପଖଣ୍ଡ ଚିର ମରୁଡି ଗ୍ରସ୍ତ ଆଞ୍ଚଲ ଭାବେ ପରିଚିତ । 'ଅଙ୍ଗ' ନଦୀ , ଯାହା ମହାନଦୀର ଏକ ଉପନଦୀ , ପଦ୍ମପୁର ସହରର ପୂର୍ବକୁ ୨ କିଲୋମିଟର ଦୂରରେ ପ୍ରବାହିତ ହାଉଥିଲେ ମଧ୍ୟ ଏହା ବର୍ଷର ଅନେକ ସମୟରେ ଶୁଖିଲା ହୋଇଯାଏ । ପଦ୍ମପୁରର ଦକ୍ଷିଣ ପୂର୍ବରେ ୪୦ କିଲୋମିଟର ଦୂରରେ ସୁନ୍ଦର ଗନ୍ଧମାର୍ଦନ ପର୍ବତ ଅନବସ୍ଥିତ । ଅଙ୍ଗ ନଦୀରେ ପ୍ରସ୍ତାବିତ ପୂଜାରିପାଳି ବନ୍ଧ ନିର୍ମାଣ ହେଲେ ଏହି ଅଞ୍ଚଳର ମରୁଡି ସମସ୍ଯାର ସମାଧାନ ହୁଅନ୍ତା ।
ଆବାଦି
୨୦୧୧ ଜାତୀୟ ଜନଗଣନା ଅନୁସାରେ ପଦ୍ମପୁରର ଜନସଂଖ୍ୟା ୧୭,୬୨୫ । ପୁରୁଷ ଓ ମହିଳାଙ୍କ ଅନୁପାତ ୧୦୦୦:୯୬୧ ଥିବା ବେଳେ ସାକ୍ଷ୍ୟରତା ପରିମାଣ ୬୯% , ଯାହା କି ଜାତୀୟ ହାର ୭୪.୦୪%ଠାରୁ କମ ।୭୮% ପୁରୁଷ ସାକ୍ଷ୍ୟର ହେଇଥିବା ବେଳେ ମହିଳାଙ୍କ ହାର ୬୦% । ପଦ୍ମପୁର ଉପଖଣ୍ଡ ( Sub-Division)କୁ ହିସାବ କାଲେ ଜନସଂଖ୍ୟା ୮୧,୨୫୯ । ଉପଖଣ୍ଡରେ ୭୧ଟି ଗ୍ରାମ ରହିଛି ।
ଶିକ୍ଷା ବ୍ୟବସ୍ଥା
ପଦ୍ମପୁରରେ ଥିବା ଅଞ୍ଚଲ କଲେଜ ୧୯୬୫ରେ ସ୍ଥାପିତ ହେଇଥିଲା ଆଉ ଏହା ପଶ୍ଚିମ ଓଡ଼ିଶାର ଗୋଟିଏ ସର୍ବପୁରାତନ ସରକାରୀ ଅନୁଦାନପ୍ରପ୍ତ କଲେଜ । ଏହି କଲେଜରେ କଳା , ବିଜ୍ଞାନ ଓ ବାଣିଜ୍ୟ ସ୍ନାତକ ଶ୍ରେଣୀ ପର୍ଯ୍ୟନ୍ତ ରହିଛି । ଏହା ବ୍ୟତୀତ ପଦ୍ମପୁରରେ ୧୯୯୫ରୁ ଏକ ମହିଳା ମହାବିଦ୍ୟାଳୟ ମଧ୍ୟ ରହିଛି । ନିକଟବର୍ତୀ ଇଲାକାରେ କିଛି ଯୁକ୍ତ ୨ କଲେଜ ମାନ ମଧ୍ୟ ରହିଛି ।
ରାଜବୋଡ଼ାସମ୍ବର ହାଇ ସ୍କୁଲ ଓ ଅନ୍ୟ ସ୍କୁଲସବୁ
୧୯୪୪ରେ ସ୍ଥାପିତ ଏହି ହାଇ ସ୍କୁଲ ଜିଲ୍ଲାର ଅନ୍ଯତମ ପୁରାତନ ହାଇ ସ୍କୁଲ । ଏକ ଅତ୍ୟନ୍ତ ଉତ୍ତମ ବିଦ୍ୟାନୁଷ୍ଠାନ ଭାବରେ ଏହାର ସୁନାମ ଆଜିଯାଏ ରହିଛି । ଏହା ଛଡା ପଦ୍ମପୁରରେ ସରକାରୀ ବାଳିକା ଉତ୍ଛ ବିଦ୍ୟାଳୟ , ସରସ୍ୱତୀ ଶିଶୁମନ୍ଦିର , ଗୁରୁକୁଳ ପରି ବିଦ୍ୟାଳୟସବୁ ରହିଛି ।
ରାଜନୀତି
ପଦ୍ମପୁର ବିଧାନ ସଭା ମଣ୍ଡଳୀ ପୂର୍ବରୁ ସମ୍ବଲପୁର ଲୋକ ସଭା ଅଞ୍ଚଳ ଅଧୀନରେ ଥିବା ବେଳେ ବର୍ତ୍ତମାନ ନୂତନ ବରଗଡ ଲୋକ ସଭା ମଣ୍ଡଳୀରେ ରହିଛି । ୨୦୧୪ ବିଧାନ ସଭା ନିର୍ବାଚନରେ BJP ଦଳ ପ୍ରାର୍ଥୀ ପ୍ରଦୀପ ପୁରୋହିତ ବିଜୟୀ ହେଇ ଏହି ଅଞ୍ଚଳର ପ୍ରତିନିଧି ଅଛନ୍ତି । ଏହା ପୂର୍ବରୁ BJD ଦଳର ଶ୍ରୀଯୁକ୍ତ ବିଜୟ ସିଂହ ବରିହା ( ପୂର୍ବତନ ପଦ୍ମପୁର ଜମିଦାରଙ୍କ ବଂଶଜ ) ଏହି ନିର୍ବାଚନ ମଣ୍ଡଳୀକୁ ୪ ଥର ପ୍ରତିନିଧିତ୍ୱ କରିଥିଲେ । ତତ ପୂର୍ବରୁ INCର ପ୍ରତିନିଧି ଏହି ଅଞ୍ଚଳର ସଦସ୍ୟ ଥିଲେ ।
ସଂସ୍କୃତି
ପଦ୍ମପୁର ଅଞ୍ଚଳର ଲୋକ ସଂସ୍କୃତି ଖୁବ ଜନପ୍ରିଯ । ଏଠାରେ ନୂଆଖାଇ ପର୍ବ ଖୁବ ଜାକ୍ ଜମକ୍ରେ ପାଳିତ ହୁଏ ଏବଂ ଏହି ସମୟରେ ଏଠାକାର ଲୋକ ନୃତ୍ୟ ଓ ଗୀତାର ଆସର ଖୁବ ଜମେ । ପଦ୍ମପୁରରେ ABCD ଅନୁଷ୍ଠାନ ତରଫରୁ ପ୍ରତିବର୍ଷ ସଂସୃତିକ କାର୍ଯ୍ୟକ୍ରମସବୁ ହୁଏ । ଏଠାରେ ଅଞ୍ଚଳର ସର୍ବ ବୟୋଜେଷ୍ଠ ବ୍ୟକ୍ତିଙ୍କୁ ନୂଆଖାଇ ସମୟରେ ସମ୍ବର୍ଦ୍ଧନା ଦେବାର ଏକ ନିଆରା ପରମ୍ପରା ରହିଛି । (https://sites.google.com/site/abcdpadampur/home/nuakhai-bhetghat Archived 2016-11-17 at the Wayback Machine.).
ସଂସ୍କୃତିକ ଅନୁଷ୍ଠାନ
ଲୂ , ରବୀନ୍ଦ୍ର କଳା ପରିଷଦ , ନଟରାଜ ନୃତ୍ୟ ପରିଷଦ ପରି ସଂସୃତିକ ଅନୁଷ୍ଠାନ ମାନ ସମ୍ବଲପୁରୀ ଭାଷାର ନାଟକ ପରିବେଷଣ କରି ସାରା ଭାରତର ବିଭିନ୍ନ ଅଞ୍ଚଳରେ ପୁରସ୍କୃତ ହେଇଛନ୍ତି ।
ଦର୍ଶନୀୟ ପର୍ଯ୍ୟଟକ ସ୍ଥଳୀ
ପଦ୍ମପୁର ନିକଟରେ ନୃଶିଙ୍ଘନାଥ(୩୫ କିଲୋମିଟର ), ହରିଶଙ୍କର( ୪୫ କିଲୋମିଟର ), ପାଟରା ବନ୍ଧ( ୮୫ କିଲୋମିଟର) କିଙ୍କାରି ବନ୍ଧ(୭୮ କିଲୋମିଟର) ଦେବଦରାହ ( ୨୫ କିଲୋମିଟର )ଆଦି ପ୍ରକୃତିକ ସୌନ୍ଦଜ୍ୟ ଭାରା ପର୍ଯ୍ୟଟନ ସ୍ଥଳୀସବୁ ରହିଛି ।
ଐତିହାସିକ ସ୍ଥାନସବୁ
ଆଧାର
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |
This article uses material from the Wikipedia ଓଡ଼ିଆ article ପଦ୍ମପୁର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.