ଗୋପାଳବଲ୍ଲଭ ଦାସ: ଭାରତୀୟ ଓଡ଼ିଆ-ଭାଷୀ ଲେଖକ
ଗୋପାଳବଲ୍ଲଭ ଦାସ (୨୩ ଡିସେମ୍ବର ୧୮୬୦ - ୧୯୧୪) ଜଣେ ଭାରତୀୟ ଓଡ଼ିଆ ସାହିତ୍ୟିକ ଏବଂ ବ୍ରିଟିଶ ଶାସନ ସମୟରେ ଓଡ଼ିଶା କମିଶନରଙ୍କର ସହାୟକ, ଡେପୁଟି ମାଜିଷ୍ଟେଟ ଓ ଗଡ଼ଜାତ ସମୂହର ସହାୟକ ସୁପୁରିଣ୍ଟେଣ୍ଡେଣ୍ଟ ଥିଲେ । ସେ ପ୍ରଧାନତଃ ଓଡ଼ିଆ ଉପନ୍ୟାସ, କବିତା ଓ ଅନୁବାଦ ସାହିତ୍ୟ ରଚନା କରିଥିଲେ । ତାଙ୍କ ରଚିତ ଉପନ୍ୟାସ ଭୀମା ଭୂଇଁଆ ଥିଲା ଓଡ଼ିଆରେ ଲିଖିତ ପ୍ରଥମ ଜନଜାତି ଉପନ୍ୟାସ ।
ଗୋପାଳବଲ୍ଲଭ ଦାସ | |
|---|---|
.jpg) | |
| ଜନ୍ମ | ୨୩ ଡିସେମ୍ବର ୧୮୬୦ |
| ମୃତ୍ୟୁ | ୧୯୧୪ |
| ଜାତୀୟତା | ଭାରତୀୟ |
| ଜାତୀୟତା | ଭାରତୀୟ |
| ବୈବାହିକ-ସାଥୀ | ବସନ୍ତ କୁମାରୀ ଦେବୀ |
| ସନ୍ତାନ | ରମାଦେବୀ ଚୌଧୁରୀ, ଉମାଦେବୀ ଚୌଧୁରୀ |
| ସମ୍ପର୍କୀୟ | ମଧୁସୂଦନ ଦାସ (ଭାଇ) |
ଜୀବନୀ
ବ୍ୟକ୍ତିଗତ ଜୀବନ
ଗୋପାଳବଲ୍ଲଭ ଦାସ ୧୮୬୦ ମସିହାର ଡିସେମ୍ବର ୨୩ ତାରିଖରେ ଓଡ଼ିଶାର କଟକ ଜିଲ୍ଲାସ୍ଥିତ ସତ୍ୟଭାମାପୁରଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଥିଲା ଚୌଧୁରୀ ରଘୁନାଥ ଦାସ ଓ ମାତାଙ୍କ ନାମ ପାର୍ବତୀ ଦେବୀ । ସେ ଉତ୍କଳଗୌରବ ମଧୁସୂଦନ ଦାସଙ୍କର ସାନ ଭାଇ ଥିଲେ । ସେ ବସନ୍ତ କୁମାରୀ ଦେବୀଙ୍କୁ ବିବାହ କରିଥିଲେ । ତାଙ୍କର ଉମାଦେବୀ ଓ ରମାଦେବୀ ନାମରେ ଦୁଇଜଣ ଝିଅ ଥିଲେ ।
ଶିକ୍ଷା
ଗୋପାଳବଲ୍ଲଭ ଦାସ କଲିକତା ବିଶ୍ୱବିଦ୍ୟାଳୟରୁ ଏମଏ ପାସ କରିଥିଲେ ।
ବୃତ୍ତି
ସେ ବ୍ରିଟିଶ ଶାସନ ସରକାରଙ୍କ ଡେପୁଟି ମାଜିଷ୍ଟେଟ ଭାବେ ନିଯୁକ୍ତ ହୋଇଥିଲେ । ପରେ ସେ ଓଡ଼ିଶା କମିଶନରଙ୍କର ସହାୟକ ଓ ଗଡ଼ଜାତ ସମୂହର ସହାୟକ ସୁପୁରିଣ୍ଟେଣ୍ଡେଣ୍ଟ ହୋଇଥିଲେ । ସେ କେନ୍ଦୁଝର ଗଡ଼ଜାତ ରାଜ୍ୟର ସୁପୁରିଣ୍ଟେଣ୍ଡେଣ୍ଟ ଭାବରେ ମଧ୍ୟ କାର୍ଯ୍ୟ କରିଥିଲେ ।
ରଚନାବଳୀ
- ଭୀମା ଭୂଇଁଆ - ୧୯୦୮
- ପ୍ରୀତି ସୁଧାକର - ୧୯୦୬
- ଆତ୍ମବତ ସର୍ବ ଭୂତେଷୁ - ୧୮୮୮
- କବିତା ମଞ୍ଜରୀ - ୧୮୯୫
- ଭକ୍ତି ରସାବଳୀ - ୧୯୦୦
- ରାୟବାହାଦୁର ନନ୍ଦକିଶୋର ଦାସ ଜୀବନୀ
- ରମେଶ ଚନ୍ଦ୍ର ଦତ୍ତ ଜୀବନୀ ଅନୁବାଦ
ଆଧାର
This article uses material from the Wikipedia ଓଡ଼ିଆ article ଗୋପାଳବଲ୍ଲଭ ଦାସ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.