ଓଣମ: କେରଳର ଏକ ପ୍ରମୁଖ ପର୍ବ
ଓଣମ (ମାଲୟାଲମ: ഓണം) ହେଉଛି କେରଳ ରାଜ୍ୟରେ ପାଳିତ ହେଉଥିବା ଏକ ପର୍ବ। ଏହା ଭଗବାନ ବିଷ୍ଣୁଙ୍କର ବାମନ ଅବତାର ଓ ମହାବଳୀର ସ୍ମୃତି ବହନ କରୁଥିବା ପର୍ବ । ଏହା ଚିଙ୍ଗମ (ଅଗଷ୍ଟ-ସେପ୍ଟେମ୍ବର) ମାସରେ ଦଶଦିନ ବ୍ୟାପି ପାଳନ କରାଯାଏ । ଏଇ ପର୍ବଦିନମାନଙ୍କରେ ମହିଳା ଓ ଝିଅମାନେ ନାଚ ଗୀତରେ ମଗ୍ନ ଥିଲାବେଳେ ପୁରୁଷମାନେ ପହଁରିବା ଓ ନୈକାଚାଳନା ପ୍ରତିଯୋଗିତା କରିଥାନ୍ତି। ଏହି ପର୍ବଟି କେରଳରେ ଓ ସାରା ଭାରତରେ ବିଶେଷ କରି ମାଳାୟାଳୀମାନଙ୍କଦ୍ୱାରା ପାଳିତ ହୋଇଥାଏ। କୁହାଯାଏ ମହାରାଜା ବଳୀ ଏଇଦିନ କେରଳୀମାନଙ୍କୁ ଆଶୀର୍ବାଦ ଦେବାପାଇଁ ପାତାଳପୁରରୁ ଆସିଥାନ୍ତି। ଏଇ ପର୍ବ ଅବସରରେ ଘର ଓ ଅଗଣାକୁ ବିଭିନ୍ନ ପ୍ରକାର ମୁରୁଜ ଓ ଫୁଲରେ ସଜାଯାଇଥାଏ ।
| ଓଣମ | |
|---|---|
 ସୁସଜ୍ଜିତ ପୁକଳମ୍ | |
| ନାମ | ମାଲୟାଲମ: ഓണം |
| ପାଳନକାରୀ | କେରଳର ହିନ୍ଦୁ ଓ ସମସ୍ତ ମାଳାୟାଳୀ |
| ପ୍ରକାର | ଫସଲ ଅମଳ ସମୟର ପର୍ବ, ଛୁଟିଦିନ, ଭାରତୀୟ ପର୍ବ |
| ବିଶେଷତା | ଥିରୁଭୋଣମ |
| ପର୍ବ ପାଳନ | ସଦ୍ୟ, ଥିରୁବାଥିର କାଳି, ପୁଳି କାଳି, ପୁକଳମ, ଓଣଥାଲ୍ଲୁ, ଥ୍ରିକ୍କାକୋରୟାପ୍ପାନ, ଓଣପୋଟ୍ଟାନ, ଥୁମ୍ବିଥୁଲ୍ଲାଲ, ଓଣଭିଲ୍ଲୁ, ଗୁରୁଭାୟୁରରେ କାଜଚାକ୍କୁଳା, ଥ୍ରିପୁନିଥୁରାର ଆଠଚମୟମ ଓ ଭଲ୍ଲମ କାଳି (ନାବ ପ୍ରତିଯୋଗିତା) |
| ତାରିଖ | ସିଂହ ମାସର ଶ୍ରବଣା (ଥିରୁଭୋଣମ) ନକ୍ଷତ୍ର |
| ୨୦୨୪ ତାରିଖ | |
ଓଣମପାଇଁ ଠାଏ ଠାଏ କେରଳର ପାରମ୍ପରିକ ନାଚ କଥାକଳି ଓ ପୁଳିକଳି ବା କାଡ଼ୁବକଳିର ଆୟୋଜନ କରାଯାଏ । ନାନା ପ୍ରକାର ସ୍ୱାଦିଷ୍ଠ ଭୋଜନ ମଧ୍ୟ ଏଇ ସମୟରେ ପ୍ରସ୍ତୁତ କରାଯାଏ । ସେଥି ମଧ୍ୟରୁ ଘିଅ ଭାତ, ଡାଲି, ପାମ୍ପଡ଼, ସମ୍ବର (ଓଲାଣ), ରସମ, ଥୋରନ, ଅବୟିଲ, ପଚଡ଼ି ମସଲାଯୁକ୍ତ ଘୋଳଦହି ଓ ଚାଉଳ ତିଆରି ବିଭିନ୍ନ ପ୍ରକାର ବ୍ୟଂଜନ ପ୍ରସ୍ତୁତ କରାଯାଏ ।
କିଛି ଛବି
-
ମହାରାଜା ବଳୀଙ୍କ ଦରବାରରେ ଭିକ୍ଷୁ ବାମନ -
ଓଣମ ପୁକ୍କଳମ -
ଏକ ବିଶିଷ୍ଟ ଓଣମ ସଦ୍ୟ (ବ୍ୟଂଜନ)
ଆଧାର
This article uses material from the Wikipedia ଓଡ଼ିଆ article ଓଣମ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.