ଓଡ଼ିଶା ରାଜ୍ୟ ସଂଗ୍ରହାଳୟ
ଓଡ଼ିଶା ରାଜ୍ୟ ସଂଗ୍ରହାଳୟ ଓଡ଼ିଶାର ଭୁବନେଶ୍ୱରରେ ଥିବା ଏକ ସଂଗ୍ରହାଳୟ । ଏହା ୧୯୩୨ରେ ସ୍ଥାପିତ ହୋଇଥିଲା ଓ ପରେ ୧୯୬୦ରେ ନୂତନ ସୌଧକୁ ସ୍ଥାନାନ୍ତରିତ ହୋଇଥିଲା । ସଂଗ୍ରହାଳୟଟି ୧୧ଟି ଭାଗରେ ବିଭକ୍ତ ଯଥା : ପ୍ରତ୍ନତତ୍ୱ, ସୂତ୍ରଲିପି ଉତ୍କିରଣବିଦ୍ୟା, ମୁଦ୍ରାଶାସ୍ତ୍ର, ଶସ୍ତ୍ରାଗାର, ଖନନ ଓ ଭୂବିଜ୍ଞାନ, ପ୍ରାକୃତିକ ଇତିହାସ ବିଜ୍ଞାନ, କଳା ଓ ଶିଳ୍ପ, ସମକାଳୀନ କଳା, ପଟ୍ଟଚିତ୍ର, ନୃବିଦ୍ୟା ଓ ତାଳପତ୍ର ପୋଥି ଆଦି । ସଂଗ୍ରହାଳୟଟି ଜଣେ ସୁପରିଣ୍ଟେଣ୍ଡେଣ୍ଟଙ୍କଦ୍ୱାରା ପରିଚାଳିତ ଓ ଓଡ଼ିଶା ସରକାରଙ୍କ ସଂସ୍କୃତି ବିଭାଗ ଏହାର ପ୍ରଶାସନିକ ପରିଚାଳିତ ହେଉଛି। ।
 ଓଡ଼ିଶା ରାଜ୍ୟ ସଂଗ୍ରହାଳୟର ପ୍ରବେଶ ଦ୍ୱାର | |
| ସ୍ଥାପିତ | ୧୯୩୨ |
|---|---|
| ଅବସ୍ଥାନ | ବିଜେବି ନଗର, ଭୁବନେଶ୍ୱର, ଓଡ଼ିଶା |
| ନିର୍ଦେଶକ | ଜୟନ୍ତୀ ରଥ |
| ସ୍ୱତ୍ୱାଧିକାରୀ | ଓଡ଼ିଶା ସରକାର |
| ୱେବସାଇଟ | http://orissamuseum.nic.in/ |
ଇତିହାସ
ଏହି ସଂଗ୍ରହାଳୟଟି ୧୯୩୨ରେ ଉଇଲିଅମ ଜୋନ୍ସ,, ଘନଶ୍ୟାମ ଦାସ, ଏନ. ସି. ବାନାର୍ଜୀ, ହରେକୃଷ୍ଣ ମହତାବ ଆଦି ଗବେଷକ ଓ ଐତିହାସିକଙ୍କ ଉଦ୍ୟମରେ ରେଭେନ୍ସା କଲେଜ ପରିସରରେ ଆରମ୍ଭ ହୋଇଥିଲା । ୧୯୪୫ -୪୬ ବେଳେ ଓଡ଼ିଶା ସରକାରଙ୍କଦ୍ୱାରା ଏହାକୁ ପୁରୁଣା ଭୁବନେଶ୍ୱରର ବ୍ରହ୍ମାନନ୍ଦ କୋଠାରେ ପ୍ରତିଷ୍ଠା କରି ରାଜ୍ୟ ସଂଗ୍ରହାଳୟର ମାନ୍ୟତା ଦିଆଗଲା । ପରେ ଏହା ୧୯୫୦ ମସିହାରେ ପଟେଲ ହଲ ଭିତରକୁ ଘୁଞ୍ଚା ଯାଇଥିଲା । ୧୯୫୭ରେ ପୁଣିଥରେ ଏହାକୁ ଇଉନିଟ ୧ରେ ଏକ କୋଠା ମଧ୍ୟକୁ ଘୁଞ୍ଚାଯାଇଥିଲା ଓ ତତ୍କାଳୀନ ରାଷ୍ଟ୍ରପତି ରାଜେନ୍ଦ୍ର ପ୍ରସାଦଙ୍କଦ୍ୱାରା ୧୯୬୦ରେ ଏବେକାର ପରିସରରେ ଉଦ୍ଘାଟିତ ହୋଇଥିଲା ।
ଗ୍ୟାଲେରି
_-_Oct_2010.jpg)
- ପ୍ରତ୍ନତତ୍ୱ
- ସୂତ୍ରଲିପି ଉତ୍କିରଣବିଦ୍ୟା
- ମୁଦ୍ରାଶାସ୍ତ୍ର
- ଶସ୍ତ୍ରାଗାର
- ଖନନ ଓ ଭୂବିଜ୍ଞାନ
- ପ୍ରାକୃତିକ ଇତିହାସ ବିଜ୍ଞାନ
- କଳା ଓ ଶିଳ୍ପ
- ସମକାଳୀନ କଳା
- ପଟ୍ଟଚିତ୍ର
- ନୃବିଦ୍ୟା ଓ ତାଳପତ୍ର ପୋଥି
ଆଧାର
ବାହାର ଲିଙ୍କ
- ସରକାରୀ ୱେବସାଇଟ Archived 2013-03-14 at the Wayback Machine.
This article uses material from the Wikipedia ଓଡ଼ିଆ article ଓଡ଼ିଶା ରାଜ୍ୟ ସଂଗ୍ରହାଳୟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.