ନିୟମାବଳୀ

• ତଳେ ଥିବା ଆଲୋଚନା ଓ ସିଦ୍ଧାନ୍ତ ଓଡ଼ିଆ ଉଇକିପିଡ଼ିଆର ୧୩ ତମ ଜନ୍ମତିଥି ଦିନ କରାଯାଇଥିଲା । ଏହିସବୁ ସିଦ୍ଧାନ୍ତରେ ଉପସ୍ଥିତ ସମସ୍ତେ ସହମତି ପ୍ରକାଶ କରିଥିଲେ ।

• ଦୀର୍ଘ ଦିନ ଧରି (ପ୍ରାୟ ତିନିମାସ/ ନବେ ଦିନ) ଆଧାର ନଥିବା 'ଅତି ଛୋଟ' ପ୍ରସଙ୍ଗଗୁଡ଼ିକୁ ବିନା କୌଣସି ସୂଚନାରେ ଲିଭାଇ ଦିଆଯିବ ।
• ପ୍ରସଙ୍ଗଟିରେ କିଛି ବୁଝିଲାଭଳି ନଥିଲେ କିମ୍ବା ପ୍ରସଙ୍ଗ ନାମ ସହ ଲେଖା ମେଳ ହେଉନଥିଲେ ଏହାକୁ ଲିଭାଇ ଦିଆଯିବ ।
• ସ୍ଥାନ ବାବଦରେ ପ୍ରସଙ୍ଗ ଅନ୍ୟ ଉଇକିରେ ନଥିଲେ ବା ଆଧାର ନଥିଲେ ଲିଭାଇଦିଆଯିବ ।
• ଜୀବନ୍ତ ବ୍ୟକ୍ତିଙ୍କ ଉପରେ ପ୍ରସଙ୍ଗ ବିନା ଆଧାରରେ ଲେଖାଯାଇଥିଲେ, ଲେଖା ଲେଖିଥିବା ବ୍ୟକ୍ତିଙ୍କୁ ଆଧାର ଯୋଡ଼ିବା ପାଇଁ ଅନୁରୋଧ କରି ୭ଦିନ ଅପେକ୍ଷା କରିବାପରେ, ତଥାପି ଆଧାର ନଯୋଡ଼ିଲେ ଲିଭାଇଦିଆଯିବ ।
• କୌଣସି ଜୀବନ୍ତ ବ୍ୟକ୍ତି ନିଜେ ନିଜ ବାବଦରେ ପ୍ରସଙ୍ଗ ଲେଖୁଥିଲେ, ଲିଭାଇ ଦିଆଯିବ ।
• ଅନ୍ୟ ଉଇକିରେ ପ୍ରସଙ୍ଗଟି ଥିଲେ ଏହାକୁ ଭବିଷ୍ୟତରେ ଉନ୍ନତ କରିବା ନିମନ୍ତେ ତିନିମାସ ପର୍ଯ୍ୟନ୍ତ ରଖାଯିବ ।

ପ୍ରସଙ୍ଗରେ କଣ ରହିବା ଉଚିତ?

• ଉପକ୍ରମ (୫ ଟି ବାକ୍ୟ)
• ପାଖାପାଖି ୨୦୪୮ ବାଇଟ
• ଅତି କମରେ ୩ଟି ଆଧାର
  • ଦେଶ-ବିଦେଶରେ ଚର୍ଚ୍ଚିତ ଥିବା ବ୍ୟକ୍ତିତ୍ୱମାନଙ୍କ କ୍ଷେତ୍ରରେ ଅଧିକ ଆଧାର ସୁବିଧାରେ ମିଳେ । କିନ୍ତୁ ଓଡ଼ିଶାର ଅନେକ ଜଣାଶୁଣା ବ୍ୟକ୍ତିତ୍ୱଙ୍କ ବାବଦରେ ଇଣ୍ଟରନେଟରେ ବେଶି ମିଳେନାହିଁ । ଏହି କ୍ଷେତ୍ରରେ ଯଦି ଜଣେ ପୁରୁଖା ଉଇକିଆଳି (୨୦୦ରୁ ଅଧିକ ସମ୍ପାଦନା ଥିବା ଓ ୨ ମାସରୁ ଅଧିକ ସକ୍ରିୟ ଥିବା) ଜଣେ ବ୍ୟକ୍ତିତ୍ୱଙ୍କ ବାବଦରେ ପ୍ରସଙ୍ଗଟିଏ ତିଆରି କଲେ ତହିଁରେ କୌଣସି ଆଧାର ନଥିଲେ ମଧ୍ୟ ତାହା ଲିଭାଯିବ ନାହିଁ । କିନ୍ତୁ ଇଣ୍ଟରନେଟରେ ଉପଲବ୍ଧ ନଥିଲେ ମଧ୍ୟ ଯଦି କୌଣସି ଖବରକାଗଜ ବା ପତ୍ରିକାରେ ତାଙ୍କ ବାବଦରେ ଲେଖାଟିଏ ପ୍ରକାଶିତ ହୋଇଥାଏ ତେବେ ତାହାର ନାମ, ତାରିଖ, ଖବରକାଗଜର ନାମ ସହ ଆଧାର ଦିଆଯାଇପାରିବ ।

• ଜଣାଶୁଣା ବ୍ୟକ୍ତିଙ୍କ ନାମରେ "ବ୍ୟବହାରକାରୀନାମ" ରହିପାରିବ ଯଥା ଜଣଙ୍କ ବ୍ୟବହାରକାରୀ ନାମ "ବ୍ୟବହାରକାରୀ:ଅକ୍ଷୟ ମହାନ୍ତି" ହେଲେ କିଛି ଆପତ୍ତି ନାହିଁ ।
• କୌଣସି ବ୍ୟବସାୟ ବା ବାକି କୌଣସି ପ୍ରକାରର ବିଜ୍ଞାପନ ପାଇଁ ଉଦ୍ଦିଷ୍ଟ ବ୍ୟବହାରକାରୀ ନାମକୁ ଅଟକାଯିବ ।

• ଯଦି କୌଣସି ବ୍ୟକ୍ତିବିଶେଷଙ୍କ ବାବଦରେ ପ୍ରସଙ୍ଗଟିଏ ରହିଛି ତାହେଲେ ସେ ନିଜେ ସେ ପ୍ରସଙ୍ଗର ସମ୍ପାଦନା କରିପାରିବେ ନାହିଁ ।

• ଜୀବିତ ବ୍ୟକ୍ତିଙ୍କ ବାବଦରେ ଥିବା ଲେଖାରେ ଯଥାସମ୍ଭବ ଅଧିକ ଆଧାର ଦେବା ପାଇଁ ଚେଷ୍ଟା କରିବେ ।

• ଓଡ଼ିଆରେ ସର୍ବପ୍ରଚଳିତ ନାମକୁ ଅଗ୍ରାଧିକାର ଦିଆଯିବ । ଯଥା "ଇଣ୍ଡିଆ" ବଦଳରେ ଭାରତ, "ଲିଭର" ବଦଳରେ ଯକୃତ ଓ "ଅନ୍ତର୍ଜାଲ" ବଦଳରେ ଇଣ୍ଟରନେଟ ।
• ନାମର ବନାନ ବା ନାମକୁ ନେଇ ଦ୍ୱନ୍ଦ ହେଲେ ଖବରକାଗଜରେ ପ୍ରକାଶିତ ନାମକୁ ମାନକ ଭାବେ ନିଆଯାଇପାରିବ ନାହିଁ ।
• ପ୍ରଥମେ ସକ୍ରିୟ ଉଇକିଆଳିଙ୍କୁ ନେଇ ପ୍ରସଙ୍ଗର "ଆଲୋଚନା" ପୃଷ୍ଠାରେ ମତାମତ ନିଆଯିବ ।
  • ୭ ଦିନ ଭିତରେ କେହି ମତ ନ ଦେଲେ ପୁରୁଣା ନାମଟି ରହିବ ।
  • ମତାମତ ଦେଲା ପରେ ଅଧିକ   ସମର୍ଥନ (ସହମତି) ମିଳିଥିବା ନାମଟି ଚୂଡ଼ାନ୍ତ ନାମ ଭାବେ ରଖାଯିବ । ଯଦି କୌଣସି ଦ୍ୱନ୍ଦ ଉପୁଜିଲା ବର୍ଷେ ପାଇଁ ଆଗରୁ ଥିବା ନାମକୁ ରଖାଯିବ ।

• କୌଣସି ଅପ୍ରାସଙ୍ଗିକ ବଦଳ ଦିନଭିତରେ ୩ଥର ପଛକୁ ଫେରାଯାଇପାରିବ ।

ଇନଫୋବକ୍ସ ଲେଖାର ଡାହାଣ ପାଖେ ଏକ ବାକ୍ସ ଭଳି ହୋଇ ରହିଥାଏ । ସମ୍ପାଦନା କଲେ ଏହା ସଭା ଉପରେ ଦେଖିବାକୁ ମିଳେ ।

• ଏଥିରେ ଥିବା ସମସ୍ତ ତଥ୍ୟ ପ୍ରସଙ୍ଗରେ ମଧ୍ୟ ରହିବ ।
• ଉପକ୍ରମରେ ଯାହା ସଂଖେପରେ ଲେଖାଯିବ ତାହା ଉପଯୁକ୍ତ ବିଭାଗରେ ତଳେ ରହିବ ।

{{ଲିଭାନ୍ତୁ}} ଛାଞ୍ଚ ସାଧାରଣତଃ ପ୍ରସଙ୍ଗଟିଏ ଉଇକିପିଡ଼ିଆରେ ଲେଖାଯୋଗ୍ୟ ହୋଇନଥିଲେ କିମ୍ବା ୧-୨ଟି ବାକ୍ୟଯୁକ୍ତ ହୋଇ ବିନା ଆଧାରରେ ଲେଖାଯାଇଥିଲେ ପୁରୁଖା ଉଇକିଆଳିମାନେ ପକାଇଥାନ୍ତି । ଯଦି ଆପଣ ତିଆରି କରିଥିବା/ସମ୍ପାଦନା କରିଥିବା ଲେଖାରେ ଏହି ଭଳି ଛାଞ୍ଚଟିଏ କେହି ପକେଇଦିଅନ୍ତି ତାହେଲେ ସିଧାସଳଖ ଛାଞ୍ଚଟିକୁ କାଢ଼ନ୍ତୁ ନାହିଁ । ବରଂ ଲେଖାଟିକୁ ଧୀରେ ଧୀରେ ସୁଧାରି ସେଥିରେ ଅଧିକ ତଥ୍ୟ ଯୋଡ଼ନ୍ତୁ ଓ ବିଭିନ୍ନ ବିଶ୍ୱସନୀୟ ଆଧାର (ପ୍ରକାଶିତ ଜଣାଶୁଣା ବହି ଆଦି‌) ସେଥିରେ ଆଣି ଯୋଡ଼ନ୍ତୁ । ପରିଚାଳକମାନେ ଲିଭାଇବା ଆଗରୁ ସବୁବେଳେ ଲେଖାଟିକୁ ଦେଖି ସିଦ୍ଧାନ୍ତ ନେବେ । ଆଉ ଆପଣଙ୍କ ଲେଖାରେ ଦରକାରୀ ତଥ୍ୟ ଓ ଆଧାର ଥିଲେ {{ଲିଭାନ୍ତୁ}} ଛାଞ୍ଚ ପଡ଼ିଥିଲେ ମଧ୍ୟ ଲିଭାଇବେ ନାହିଁ ।

ନୂଆ ଲେଖାଟିଏ ଲେଖିବା ବେଳେ ସେହି ଭଳି ଆଉ କେତୋଟି ଲେଖାରୁ ଲେଖିବା ଶୈଳୀ ଆହରି ପାରିବେ । ଯଥା କୌଣସି କ୍ରୀଡ଼ାବିଦଙ୍କ ବାବଦରେ ଲେଖିବା ବେଳେ ଆଉ ଜଣେ କ୍ରୀଡ଼ାବିଦଙ୍କ ଉପରେ ଲେଖା ପ୍ରସଙ୍ଗର ଲିଖନ ଶୈଳୀ ଆହରି ପାରିବେ । ତେବେ ଯେଉଁ ପ୍ରସଙ୍ଗକୁ ନିଜ ଛାଞ୍ଚ ଭାବେ ବ୍ୟବହାର କରୁଛନ୍ତି ତାହା ଭଲ ଭାବେ ଲେଖା କି ନାହିଁ ପରଖିନିଅନ୍ତୁ । ତଳେ କିଛି ପ୍ରସଙ୍ଗରେ ସିଧା ସଳଖ ବ୍ୟବହାର କରାଯାଇପାରିବା ଭଳି ଛାଞ୍ଚ-ପ୍ରସଙ୍ଗ ଦିଆଯାଇଛି । ସେସବୁକୁ ବ୍ୟବହାର କରି ଅପେକ୍ଷାକୃତ ଭଲ ମାନର ପ୍ରସଙ୍ଗ ତିଆରି କରାଯାଇପାରିବ ।

• ରନ୍ଧା ଖାଦ୍ୟ ଛାଞ୍ଚ

• ଆଦର୍ଶ ଟିପ୍ପଣୀ ଓ ଚିଠା ନମୁନା ପୁସ୍ତକ. ଭୁବନେଶ୍ୱର. ଓଡ଼ିଆ ଭାଷା ପ୍ରତିଷ୍ଠାନ. ଅପ୍ରେଲ ୨୦୧୨. Retrieved ୧୯ ଜାନୁଆରୀ ୨୦୨୨.