ଆଲାବାମାର ସମ୍ବିଧାନ

ଆଲାବାମା ରାଜ୍ଯର ସମ୍ବିଧାନ
ବିସ୍ତାର	ଆଲାବାମା, ଯୁକ୍ତରାଷ୍ଟ୍ର
ଗୃହୀତ	21 ନଭେମ୍ବର 1901; 122 years ago (1901-୧୧-21)
ପ୍ରଣୟିତ	28 ନଭେମ୍ବର 1901; 122 years ago (1901-୧୧-28)
ସଂଶୋଧନ	୯୪୮

୩,୧୦,୨୯୬ ଶବ୍ଦ ସହିତ, ଏହି ନଥିପତ୍ରଟି ହାରାହାରି ରାଜ୍ଯ ସମ୍ବିଧାନଠାରୁ ୧୨ ଗୁଣ ଦୀର୍ଘ ଏବଂ ଯୁକ୍ତରାଷ୍ଟ୍ର ସମ୍ବିଧାନଠାରୁ ୪୪ ଗୁଣ ଦୀର୍ଘ । ଏହା ବିଶ୍ୱର ଦୀର୍ଘତମ ଏବଂ ସର୍ବାଧିକ ସଂଶୋଧିତ କାର୍ଯ୍ୟକାରୀ ସମ୍ବିଧାନ । ବିଶ୍ୱର ଦୀର୍ଘତମ ରାଷ୍ଟ୍ରୀୟ ସମ୍ବିଧାନ, ଭାରତୀୟ ସମ୍ବିଧାନର ଇଂରାଜୀ ରୂପର ଶବ୍ଦ ସଂଖ୍ଯା ୧,୪୫,୦୦୦ ଅଟେ ଯାହାକି ଆଲାବାମାର ସମ୍ବିଧାନର ଅଧାଅଧି ଅଟେ ।

ଏହାର ପ୍ରାୟ ଶତକଡା ୯୦ ଭାଗ, ୯୪୮ଟି ସମ୍ବିଧାନ ସଂଶୋଧନରେ ରହିଛି (ତୁଳନା ପାଇଁ, ଭାରତର ୧୦୪ ସଂଶୋଧନ ସମ୍ବିଧାନର ଅଂଶ ହୋଇ ନ ରହି ସମ୍ବିଧାନରେ ହିଁ ପରିବର୍ତ୍ତନ ଆଣନ୍ତି) । ପ୍ରାୟ ୭୫ ଭାଗ ସଂଶୋଧନ ଐକିକ ଜିଲ୍ଲା ଓ ସହର ପାଇଁ ପ୍ରଯୁଜ୍ୟ ଏବଂ କେତେକ କେବଳ ବିଶେଷ ଅଧିକାରୀମାନଙ୍କ ଦରମା ସହ ସମ୍ବନ୍ଧିତ ଉଦାହରଣ ସ୍ୱରୂପ ୪୮୦ ସଂଶୋଧନ) । ଫଳ ସ୍ବରୂପ, ଆଲାବାମାର ଅଧିକ ସଂଖ୍ଯକ ସାମ୍ବିଧାନିକ ଅଧିକାରୀ ଅଛନ୍ତି । ତାଛଡା ଏହାର ସମ୍ବିଧାନ ବିଭିନ୍ନ ଜିଲ୍ଲାରେ ରହୁଥିବା ବାସିନ୍ଦାଙ୍କୁ ନିଜ ସମସ୍ଯା ସମାଧାନ କରିବାରେ ମଧ୍ଯ ଅନେକ ଅସୁବିଧା ହୁଏ ।

"ଆଲାବାମାରେ ସଙ୍ଘୀୟ ସମ୍ବିଧାନଦ୍ୱାରା ନିର୍ଦ୍ଧାରିତ ସୀମା ମଧ୍ଯରେ ଶ୍ୱେତ ପ୍ରଭୂତ୍ବ ସ୍ଥାପନ କରିବା" ଉଦ୍ଦେଶ୍ଯରେ, ରାଜ୍ଯର ଡେମୋକ୍ରାଟମାନେ ସାମ୍ବିଧାନିକ ସମ୍ମୀଳନୀ ଡକାଇଲେ । ଏହାର ପ୍ରାବଧାନଗୁଡ଼ିକ ମୁଖ୍ଯତଃ ଆଫ୍ରିକୀୟ ଆମେରିକୀୟ ତଥା ଦରିଦ୍ର ଶ୍ୱେତାଙ୍ଗମାନଙ୍କୁ ମତବ୍ୟକ୍ତ କରିବାରୁ ବଞ୍ଚିତ କରୁଥିଲା, ଯେଉଁମାନେ ୧୯୬୫ ପର୍ଯ୍ୟନ୍ତ ବାସନ୍ଦ ରହିଲେ । ଏହି ସମ୍ବିଧାନ ଆଲାବାମା ବିଧାୟିକାକୁ ଆଲାବାମାର ଅଧିକାଂଶ ଜିଲ୍ଲାକୁ ସିଧାସଳଖ ଶାସନ କରିବା ପାଇଁ କ୍ଷମତା ଦେଇଅଛି ।

ଏହାର ପ୍ରସ୍ତାବନା କହେ:

ଆମ୍ଭେ, ଆଲାବାମା ରାଜ୍ଯର ଲୋକମାନେ, ନ୍ଯାୟ ସ୍ଥାପନ, ପାରିବାରିକ ଶାନ୍ତି ବଜାୟ ତଥା ନିଜକୁ ଓ ଭବିଷ୍ଯତ ବଂଶଧରମାନଙ୍କୁ ସ୍ୱତନ୍ତ୍ରତାର ଆଶୀର୍ବାଦ ପ୍ରାପ୍ତ କରାଇବା ପାଇଁ, ସର୍ବଶକ୍ତିମାନ ଈଶ୍ବରଙ୍କ ଅନୁଗ୍ରହ ଓ ଦିଗ୍ଦର୍ଶନର କାମନା ସହ, ଏହି ସମ୍ବିଧାନ ଓ ପ୍ରଶାସନିକ ସ୍ୱରୂପକୁ ଆଲାବାମା ରାଜ୍ଯ ପାଇଁ ଅଙ୍ଗୀକୃତ ଓ ପ୍ରଣୟିତ କରୁଅଛୁ ।

ଆଲାବାମାର ଏପର୍ଯ୍ୟନ୍ତ ଛଅଟି ସମ୍ବିଧାନ ହୋଇସାରିଛି, ସମସ୍ତେ ରାଜ୍ଯ ସମ୍ମୀଳନୀଦ୍ୱାରା ସ୍ଥାପିତ:   ୧୮୧୯ (ଆଲାବାମା ଅଞ୍ଚଳକୁ ଏକ ରାଜ୍ଯରେ ରୂପାନ୍ତରିତ କରି), ୧୮୬୧ (ବିଚ୍ଛିନ୍ନକରଣ), ୧୮୬୫ (ପୁନର୍ଗଠନ), ୧୮୬୮ (ପୁନର୍ଗଠନ), ୧୮୭୫ (ପୁନର୍ଗଠନ ଅନ୍ତକରଣ), ଏବଂ, ୧୯୦୧ରୁ , ବର୍ତ୍ତମାନର ସମ୍ବିଧାନ ।

ଆଲାବାମା ସମ୍ବିଧାନ, ଅନ୍ୟାନ୍ୟ ରାଜ୍ଯ ସମ୍ବିଧାନ ପରି, କ୍ଷମତାର ବଣ୍ଟନ କରିଥାଏ । କାର୍ଯ୍ୟପାଳିକା କ୍ଷମତା ରାଜ୍ଯର ରାଜ୍ଯପାଳଙ୍କ ଉପରେ, ବିଧାୟିକା କ୍ଷମତା ଆଲାବାମା ରାଜ୍ଯ ବିଧାୟିକା ଉପରେ ଏବଂ ନ୍ୟାୟିକ କ୍ଷମତା ଆଲାବାମାର ନ୍ୟାୟତନ୍ତ୍ରଉପରେ ନ୍ୟସ୍ତ କରାଯାଇଛି । ପ୍ରଶାସନର ସମସ୍ତ ଶାଖା ପାଇଁ ପ୍ରତ୍ୟକ୍ଷ, ଦଳୀୟ, ଗୁପ୍ତ ଏବଂ ମୁକ୍ତ ନିର୍ବାଚନର ବ୍ଯବସ୍ଥା କରାଯାଇଛି ।

ଊନବିଂଶ ଶତାବ୍ଦୀର ଶେଷାର୍ଦ୍ଧରେ ଯେତେବେଳେ ଶ୍ୱେତ ଡେମୋକ୍ରାଟମାନେ ରାଜ୍ଯ ପ୍ରଶାସନରେ ଅଧିକାର ସ୍ଥାପନ କରିଥିଲେ ସେତେବେଳେ ସେମାନେ ରାଜ୍ଯ ପ୍ରଶାସନରେ କ୍ଷମତାର କେନ୍ଦ୍ରୀୟକରଣ ପାଇଁ ଚେଷ୍ଟାରତ ଥିଲେ । ଫଳରେ ବର୍ତ୍ତମାନର ସମ୍ବିଧାନ ଅଧିକ ଦୈର୍ଘ୍ୟବିଶିଷ୍ଟ ଓ ବିଶୃଙ୍ଖଳୀୟ ପ୍ରକୃତିର ହୋଇଗଲା ।

ତା ସହିତ, ୧୮୯୨ରୁ ୧୮୯୪ ପର୍ଯ୍ୟନ୍ତ ନିର୍ବାଚନରେ ଲୋକପ୍ରିୟମାନେ ନିଜ ଶ୍ୱତ ସର୍ବୋଚ୍ଚତାର ଆଦର୍ଶ ଯୋଗୁଁ ୟେଓମେନ କୃଷକମାନଙ୍କର ସମର୍ଥନ ପ୍ରାପ୍ତ କରିଥିଲେ । ନିଜର ପ୍ରଭୂତ୍ବ ବଞ୍ଚେଇବା ପାଇଁ ଡେମୋକ୍ରାଟମାନେ ମତାଧିକାର କମେଇବାର ଯୋଜନା କଲେ ଫଳରେ ସେମାନେ ୟେଓମେନ କୃଷକମାନଙ୍କର ସମର୍ଥନ ପ୍ରାପ୍ତ କଲେ ।

ଡେମୋକ୍ରାଟମାନେ "ନେଗ୍ରୋ ସମସ୍ୟା" ଉଠାଇଲେ ଓ "କୌଣସି ଶ୍ୱେତାଙ୍ଗ ମତାଧିକାର ହରେଇବ ନାହିଁ" ବୋଲି ପ୍ରତିଜ୍ଞା କଲେ । କିନ୍ତୁ ଆଲାବାମାର ନୂଆ ସମ୍ବିଧାନ "ଭୋଟର ପଞ୍ଜୀକରଣ ସୂଚୀରୁ ଅଶିକ୍ଷିତ, ଅସଙ୍ଗଠିତ, ଅତ୍ଯଧିକ ପଛୁଆ ବର୍ଗର ଶ୍ୱେତାଙ୍ଗମାନଙ୍କୁ ମଧ୍ଯ ବହିଷ୍କାର କରିବ ଏବଂ ଦକ୍ଷିଣରେ ଏକ ଦଳୀୟ ଗଣତାନ୍ତ୍ରିକ ଶାସନ ପ୍ରତିଷ୍ଠା କରିବ ।" ଗ୍ଲେନ୍ନ ଫେଲ୍ଡମାନଙ୍କ ଭାଷାରେ, ଏହି ସମ୍ବିଧାନ ଅଧିନରେ, କୃଷ୍ଣକାୟଙ୍କଠାରୁ ଅଧିକ ଶ୍ୱେତାଙ୍ଗମାନେ ମତାଧିକାର ହରାଇଲେ ।