ଆନ୍ନା ମଣି (୨୩.୦୮.୧୯୧୮ - ୧୬.୦୮.୨୦୦୧) ଜଣେ ଭାରତୀୟ ପଦାର୍ଥ ବିଜ୍ଞାନବିତ୍ ଓ ପାଣିପାଗ ବିଜ୍ଞାନବିତ୍ ଥିଲେ । ସେ ଭାରତୀୟ ମେଟିଓରୋଲୋଜିକାଲ ଡିପାର୍ଟମେଣ୍ଟରେ ଡେପୁଟି ଡାଇରେକ୍ଟର ପଦବୀରୁ ଅବସର ନେଇଥିଲେ । ସେ ମେଟିଓରୋଲୋଜିକାଲ ଯନ୍ତ୍ରିକରଣରେ ଗୁରୁତ୍ତ୍ୱ୍ଅପୁର୍ଣ୍ଣ ଅବଦାନ ଦେଇଥିଲେ । ସୌର ବିକିରଣ, ଓଜୋନ ଓ ପବନ ଶକ୍ତି ବିଷୟରେ ଗବେଷଣା କରି ଅନେକ ପ୍ରବନ୍ଧ ଲେଖିଥିଲେ ।
ଆନ୍ନା ମଣି അന്ന മാണി | |
---|---|
ଜନ୍ମ | ଟ୍ରାଭାଙ୍କୋର, କେରଳ | ୨୩ ଅଗଷ୍ଟ ୧୯୧୮
ମୃତ୍ୟୁ | ୧୬ ଅଗଷ୍ଟ ୨୦୦୧ ତ୍ରିବେନ୍ଦ୍ରମ, କେରଳ | (ବୟସ ୮୨)
ଜାତୀୟତା | ଭାରତୀୟ |
ବିଜ୍ଞାନୀ ଜୀବନ | |
କ୍ଷେତ୍ର | ପାଣିପାଗ ବିଜ୍ଞାନ, ପଦାର୍ଥ ବିଜ୍ଞାନ |
କର୍ମାନୁଷ୍ଠାନ | ଭାରତୀୟ ମୌସମ ବିଜ୍ଞାନ ବିଭାଗ, ପୁନେ |
ଆନ୍ନା ମଣି ଟ୍ରାଭାଙ୍କୋରର ପିରୁମେଡୁରେ ଜନ୍ମ ଗ୍ରହଣ କରିଥିଲେ । ତାଙ୍କର ପିତା ଜଣେ ସିଭିଲ ଇଞ୍ଜିନିଅର ଥିଲେ । ପିଲା ବେଳେ ସେ ପ୍ରଭୂତ ପାଠକ ଥିଲେ । ଭାଇକୋମ ସତ୍ୟାଗ୍ରହ ବେଳେ ସେ ଗାନ୍ଧୀଙ୍କ କର୍ମ ପନ୍ଥାରେ ଆକୃଷ୍ଟ ହୋଇଥିଲେ । ଜାତୀୟ ଆନ୍ଦୋଳନ ସମୟରେ ସେ କେବଳ ଖଦି ବସ୍ତ୍ର ପିନ୍ଧୁ ଥିଲେ । ସେ ଡାକ୍ତରୀ ବିଦ୍ୟା ପଢିବାକୁ ଇଚ୍ଛା କରୁଥିଲେ ମଧ୍ୟ ପଦାର୍ଥ ବିଜ୍ଞାନ ପ୍ରତି ଆକୃଷ୍ଟ ହୋଇ ପଡ଼ିଲେ । ସେ ୧୯୩୯ ମସିହାରେ ପ୍ରେସିଡେନ୍ସି କଲେଜରୁ ସମ୍ମାନ ସହ ପଦାର୍ଥ ବିଜ୍ଞାନ ଓ ରସାୟନ ବିଜ୍ଞାନରେ ବି. ଏସ. ସି. ପାସ କଲେ ।
ପ୍ରେସିଡେନ୍ସି କଲେଜରୁ ସ୍ନାତକ ହାସଲ କଲା ପରେସେ ପ୍ରଫେସର ସି. ଭି. ରମଣଙ୍କ ଅଧୀନରେ ରୁବି ଓ ହିରାର ଅପ୍ଟିକାଲ ପ୍ରପର୍ଟି ଉପରେ ଗବେଷଣା କଲେ । ସେ ପାଞ୍ଚଟି ଗବେଷଣା ପ୍ରବନ୍ଧ ଲେଖିଥିଲେ ମଧ୍ୟ ଏମ. ଏସ. ସି. ପାସ କରି ନ ଥିବାରୁ ତାଙ୍କୁ ପି. ଏଚ.ଡି. ଦିଆଯାଇ ନ ଥିଲା । ତା ପରେ ସେ ପଦାର୍ଥ ବିଜ୍ଞାନ ପଢିବାକୁ ଇଂଲଣ୍ଡ ଯାଇଥିଲେ କିନ୍ତୁ ଶେଷରେ ଇମ୍ପିରିଆଲ କଲେଜରେ ଅନ୍ତରୀକ୍ଷ ବିଦ୍ୟା ପଢ଼ିଲେ । ସେ ୧୯୪୮ ମସିହାରେ ଭାରତ ଫେରି ଆସି ପୁଣେରେ ଅନ୍ତରୀକ୍ଷ ବିଭାଗରେ ଯୋଗଦାନ କାଲେ । ଅନ୍ତରୀକ୍ଷ ଇନ୍ସ୍ତୃମେଣ୍ଟେସନ ବିଷୟରେ ଅନେକ ପ୍ରବନ୍ଧ ଲେଖିଥିଲେ । ସେ ଡେପୁଟି ଡାଇରେକ୍ଟର ପଦରୁ ଅବସର ଗ୍ରହଣ କରିଥିଲେ । ସେ ଦୁଇଟି ପୁସ୍ତକ ଲେଖିଥିଲେ: The Handbook for Solar Radiation data for India in 1980 and Solar Radiation over India in 1981 । ସେ ୧୯୮୭ ମସିହାରେ କେ. ଆର. ରାମନାଥନ ପଦକ ପାଇଥିଲେ ତାଙ୍କର୧୯୯୪ ମସିହାରେ ଷ୍ଟ୍ରୋକ ହୋଇଥିଲା ଓ ସେ ୧୬.୦୮.୨୦୦୧ ମସିହାରେ ଥିରୁଭନନ୍ତପୁରମରେ ମୃତ୍ୟୁ ବରଣ କରିଥିଲେ ।
This article uses material from the Wikipedia ଓଡ଼ିଆ article ଆନ୍ନା ମଣି, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.