ଅର୍ପିତା ମୁଖାର୍ଜୀ ଜଣେ ଓଡ଼ିଆ, ବଙ୍ଗଳା ଏବଂ ଦକ୍ଷିଣ ଭାରତୀୟ କଥାଚିତ୍ର ଅଭିନେତ୍ରୀ । ଅର୍ପିତା ପଶ୍ଚିମ ବଙ୍ଗରେ ଜନ୍ମଗ୍ରହଣ କରିଥିଲେ । ସେ ଓଡ଼ିଆ କଥାଚିତ୍ର ବନ୍ଦେ ଉତ୍କଳ ଜନନୀ ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଓଡ଼ିଆ କଥାଚିତ୍ର ସହ ଅର୍ପିତା ବଙ୍ଗଳା ଏବଂ ତାମିଲ କଥାଚିତ୍ରରେ ଅଭିନୟ କରିଥିଲେ ।
ଅର୍ପିତା ମୁଖାର୍ଜୀ | |
---|---|
ଜନ୍ମ | ଅର୍ପିତା ମୁଖାର୍ଜୀ |
ବୃତ୍ତି | (ଓଡ଼ିଆ) ଅଭିନେତ୍ରୀ |
ଅର୍ପିତା ମୁଖାର୍ଜୀ ପଶ୍ଚିମ ବଙ୍ଗରେ ଜନ୍ମଗ୍ରହଣ କରିଥିଲେ । ସେ ୨୦୦୮ରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।
୨୦୦୮ ମସିହାରେ ଅର୍ପିତା ଓଡ଼ିଆ କଥାଚିତ୍ର ବନ୍ଦେ ଉତ୍କଳ ଜନନୀ ଜରିଆରେ ଅଭିନୟ ଜଗତରେ ପ୍ରବେଶ କରିଥିଲେ । ଶୁଭେନ୍ଦୁ ସ୍ୱାଇଁଙ୍କ ନିର୍ଦ୍ଦେଶିତ ଶେଷ ଓଡ଼ିଆ କଥାଚିତ୍ର ଥିଲା ବନ୍ଦେ ଉତ୍କଳ ଜନନୀ । ଏହି କଥାଚିତ୍ରଟିରେ ଅର୍ପିତାଙ୍କ ସହ ସବ୍ୟସାଚୀ ମିଶ୍ର, ସିଦ୍ଧାନ୍ତ ମହାପାତ୍ର, ହର ରଥ, ମୀନକେତନ ଆଦି କଳାକାରମାନେ ଅଭିନୟ କରିଥିଲେ । ଏହି ବର୍ଷ ଅର୍ପିତା ବଙ୍ଗଳା କଥାଚିତ୍ର ପାର୍ଟନରରେ ଅଭିନୟ କରିଥିଲେ ।
ଏହାପରେ ୨୦୦୯ରେ ସେ ପ୍ରେମରୋଗୀ ଚଳଚ୍ଚିତ୍ରରେ ଖଳନାୟିକା ଭୂମିକାରେ ଅଭିନୟ କରିଥିଲେ । ଏହି କଥାଚିତ୍ରଟିର ନାୟକ ଥିଲେ ବୁଦ୍ଧାଦିତ୍ୟ ମହାନ୍ତି ଏବଂ ନାୟିକା ଭୂମିକାରେ ବର୍ଷା ପ୍ରିୟଦର୍ଶିନୀ ଅଭିନୟ କରିଥିଲେ । ବବି ମିଶ୍ର, ସିଦ୍ଧାନ୍ତ ମହାପାତ୍ର, ସବ୍ୟସାଚୀ ମିଶ୍ର, ପିଣ୍ଟୁ ନନ୍ଦ ଆଦି କଳାକାରମାନେ ଏହି କଥାଚିତ୍ରଟିରେ ଅଭିନୟ କରିଥିଲେ ।
୨୦୧୦ରେ ସେ ଅନୁଭବ ମହାନ୍ତିଙ୍କ ସହ ମୁଁ କଣ ଏତେ ଖରାପରେ ନାୟିକା ଭାବରେ ଅଭିନୟ କରିଥିଲେ । ଏହି କଥାଚିତ୍ରଟିରେ ମିହିର ଦାସ, ବିଜୟ ମହାନ୍ତି, ସ୍ମିତା ମହାନ୍ତି, ହରିହର ମହାପାତ୍ର ଆଦି କଳାକାରମାନେ ଅଭିନୟ କରିଥିଲେ ।
ଏହାପରେ ଅର୍ପିତା ସବ୍ୟସାଚୀଙ୍କ ସହ ତୋର ମୋର ଯୋଡ଼ି ସୁନ୍ଦର, କେମିତି ଏ ବନ୍ଧନ ଏବଂ ଆକାଶ ଦାସନାୟକଙ୍କ ସହ ରାଜୁ ଆୱାରା କଥାଚିତ୍ରରେ ଅଭିନୟ କରିଥିଲେ । ଏଥିସହ ସେ ଜୋର ଯାର୍ ମୁଲକ୍ ତାର୍, ମାମା ଭାଗନେ ଆଦି ବଙ୍ଗଳା କଥାଚିତ୍ରରେ ଅଭିନୟ କରିଥିଲେ । ଅର୍ପିତା ତାମିଲ କଥାଚିତ୍ର ଚିନ୍ନାମା ଲଭ୍ରେ ଅଭିନୟ କରିଥିଲେ ।
ବର୍ଷ | ଚଳଚ୍ଚିତ୍ର | ଭାଷା | ମନ୍ତବ୍ୟ |
---|---|---|---|
୨୦୦୮ | ବନ୍ଦେ ଉତ୍କଳ ଜନନୀ | ଓଡ଼ିଆ | ପ୍ରଥମ ଓଡ଼ିଆ କଥାଚିତ୍ର |
୨୦୦୮ | ପାର୍ଟନର୍ | ବଙ୍ଗଳା | |
୨୦୦୯ | ପ୍ରେମ ରୋଗୀ | ଓଡ଼ିଆ | ଖଳନାୟିକା |
୨୦୧୦ | ମୁଁ କଣ ଏତେ ଖରାପ | ଓଡ଼ିଆ | |
୨୦୧୦ | ତୋର ମୋର ଯୋଡ଼ି ସୁନ୍ଦର | ଓଡ଼ିଆ | |
୨୦୧୧ | କେମିତି ଏ ବନ୍ଧନ | ଓଡ଼ିଆ | |
୨୦୧୨ | ରାଜୁ ଆୱାରା | ଓଡ଼ିଆ |
This article uses material from the Wikipedia ଓଡ଼ିଆ article ଅର୍ପିତା ମୁଖାର୍ଜୀ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.