ଅଦିତ ଅଶୋକ (ଜନ୍ମ ୨୯ ମାର୍ଚ୍ଚ ୧୯୯୮) ଜଣେ ଭାରତୀୟ ପେଶାଦାର ଗଲ୍ଫ ଖେଳାଳି । ସେ ୨୦୧୬ ଗ୍ରୀଷ୍ମ ଅଲିମ୍ପିକ୍ସ ଓ ୨୦୨୦ ଟୋକିଓ ଅଲିମ୍ପିକରେ ଭାରତକୁ ପ୍ରତିନିଧିତ୍ୱ କରିଥିଲେ । ୨୦୨୦ ଟୋକିଓ ଅଲିମ୍ପିକରେ ସେ ୪ର୍ଥ ସ୍ଥାନରେ ରହିଥିଲେ । ସେ ୟୁରୋପରେ ଅନୁଷ୍ଠିତ ହେଉଥିବା ମହିଳା ୟୁରୋପିୟାନ ଟୁର ଓ ଆମେରିକାର ଲେଡିଜ ପ୍ରଫେସନାଲ ଗଲ୍ପ ଟୁର ଭାଗ ନିଅନ୍ତି ।
ଅଦିତି ଅଶୋକ | |
---|---|
ବ୍ୟକ୍ତିଗତ ତଥ୍ୟ | |
ଜନ୍ମ | ବାଙ୍ଗାଲୋର, ଭାରତ | ୨୯ ମାର୍ଚ୍ଚ ୧୯୯୮
ଉଚ୍ଚତା | ୧.୭୩ ମି |
ଜାତୀୟତା | ଭାରତ |
ଘର | ବାଙ୍ଗାଲୋର, ଭାରତ |
ଖେଳ ଜୀବନ | |
ପେଶାଦାର ଖେଳ ଆରମ୍ଭ | ୨୦୧୬ |
ବର୍ତ୍ତମାନର ଟୁର | ମହିଳା ୟୁରୋପୀୟ ଟୁର୍ ଏଲ୍ପିଜିଏ ଟୁର୍ |
ପେଶାଦାର ବିଜୟ | ୫ |
Number of wins by tour | |
Ladies European Tour | ୩ |
Other | ୨ |
Best results in LPGA major championships | |
ANA Inspiration | T42: 2017 |
Women's PGA C'ship | T29: 2017 |
U.S. Women's Open | CUT: 2017 |
Women's British Open | CUT: 2016, 2017 |
Evian Championship | CUT: 2017 |
Achievements and awards | |
ଏଲ୍ଇଟି ରୁକି ଅଫ୍ ଦି ଇଅର୍ | ୨୦୧୬ |
ଅଦିତି ୧୯୯୮ ମସିହାରେ ବେଙ୍ଗାଳୁରୁଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ପଣ୍ଡିତ ଗୁଡ୍ଲମଣି ଅଶୋକ ଓ ମାତାଙ୍କ ନାମ ଗୁଡ୍ଲମଣି ମହେଶ୍ୱରୀ । ୨୦୧୬ ମସିହାରେ ସେ ବେଙ୍ଗାଳୁରୁର ଫ୍ରାଙ୍କ ଆନ୍ଥୋନୀ ପବ୍ଲିକ ସ୍କୁଲରୁ ନିଜ ବିଦ୍ୟାଳୟ ଶିକ୍ଷା ସମାପ୍ତ କରିଥିଲେ । ୫ ବର୍ଷ ବୟସରୁ ସେ ଗଲ୍ଫ ଖେଳ ପ୍ରତି ଆଗ୍ରହ ଦେଖାଇଥିଲେ ଓ ତାଙ୍କ ପିତା ତାଙ୍କୁ କର୍ଣ୍ଣାଟକ ଗଲ୍ପ ଆସୋସିଏସନକୁ ନେଇ ତାଙ୍କର ପ୍ରଶିକ୍ଷଣ ଆରମ୍ଭ କରାଇଥିଲେ । ୨୦୧୬ ରିଓ ଅଲିମ୍ପିକରେ ତାଙ୍କ ପିତା ଓ ୨୦୨୦ ଟୋକିଓ ଅଲିମ୍ପିକରେ ତାଙ୍କ ମାତା ତାଙ୍କର କ୍ୟାଡି ରହିଥିଲେ ।
ଅଦିତି ୧୨ବର୍ଷ ବୟସରେ ଏସିଆ ପାସିଫିକ ଇନଭାଇଟେସନ ଟୁର୍ଣ୍ଣାମେଣ୍ଟ ଖେଳିଥିଲେ । ୧୩ ବର୍ଷ ବୟସରେ ସେ ଗୋଟିଏ ପ୍ରତିଯୋଗିତାରେ ପ୍ରଥମ ଥର ପାଇଁ ବିଜୟୀ ହୋଇଥିଲେ । ୨୦୧୨,୨୦୧୩ ଓ ୨୦୧୪ ବର୍ଷ ପାଇଁ ସେ କ୍ରମାଗତ ଭାବରେ ଭାରତର ଜୁନିୟର ଗଲ୍ଫ ଚାମ୍ପିୟନ ହୋଇଥିଲେ । ୨୦୧୬ରେ ସେ ଜଣେ ପେଶାଦାର ଗଲ୍ଫ ଖେଳାଳିରେ ପରିଗଣିତ ହୋଇଥିଲେ ।
୨୦୧୬ ମସିହାରେ ଅଦିତି ପ୍ରଥମ ଭାରତୀୟ ଭାବରେ ଲାଲା ଆଇଚା ସ୍କୁଲ ଟୁର ପ୍ରତିଯୋଗିତା ଜିତିବା ପରେ ଲେଡିଜ ୟୁରୋପିୟାନ ଟୁର ପାଇଁ ଯୋଗ୍ୟତା ଅର୍ଜନ କରିଥିଲେ । ଲେଡିଜ ୟୁରୋପିୟାନ ଟୁରରେ ତାଙ୍କୁ ରୁକି ଅଫ ଦ ଇଅର ସମ୍ମାନ ପ୍ରାପ୍ତ ହୋଇଥିଲା । ୨୦୧୬ରେ ହିଁ ସେ ହିରୋ ଓମେନ୍ସ ଇଣ୍ଡିଆନ ଓପନ ଓ କତାର ଲେଡିଜ ଓପନ ପ୍ରତିଯୋଗିତାରେ ବିଜୟୀ ହୋଇଥିଲେ । ୨୦୧୭ରେ ସେ ପ୍ରଥମ ଭାରତୀୟ ଭାବରେ ଲେଡିଜ ପ୍ରଫେସନାଲ ଗଲ୍ପ ଟୁରରେ ଅଂଶଗ୍ରହଣ କରି ପାରିଥିଲେ । ୨୦୧୮ରେ ସେ ଦୁଇଟି ଟୁରରେ ଶ୍ରେଷ୍ଠ ୧୦ଜଣଙ୍କ ମଧ୍ୟରେ ରହିଥିଲେ । ୨୦୧୯ରେ ମଧ୍ୟ ଲେଡିଜ ୟୁରୋପିୟାନ ଟୁରରେ ସେ ଶ୍ରେଷ୍ଠ ୨ଜଣଙ୍କ ମଧ୍ୟରେ ରହିଥିଲେ ।
୨୦୨୦ ଟୋକିଓ ଅଲିମ୍ପିକରେ ସେ ୪ଥ ସ୍ଥାନରେ ରହି, ଅଳ୍ପକେ ବ୍ରୋଞ୍ଜ ମେଡ଼ାଲରୁ ବଞ୍ଚିତ ହୋଇଥିଲେ । କିନ୍ତୁ ବିଶ୍ୱ ରାଙ୍କ ୨୦୦ରେ ଥାଇ ଅଲିମ୍ପିକରେ ୪ଥ ସ୍ଥାନରେ ରହିଥିବାରୁ ସେ ପ୍ରଂଶସିତ ହୋଇଥିଲେ ।
This article uses material from the Wikipedia ଓଡ଼ିଆ article ଅଦିତି ଅଶୋକ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.