ବେନାମୀ ନେଟୱାର୍କ ଟର

ଟର ଏକ ମୁକ୍ତ ଏବଂ ଓପନ-ସୋର୍ସ ସଫ୍ଟୱେର । ନେଟୱାର୍କ ନିରୀକ୍ଷଣ (ସର୍ଭେଲାନ୍ସ) କିମ୍ବା ଟ୍ରାଫିକ ବିଶ୍ଳେଷଣ କରୁଥିବା କାହାଠାରୁ ବ୍ୟବହାରକାରୀର ଅବସ୍ଥିତି ଓ ବ୍ୟବହାର ଲୁଚାଇବା ପାଇଁ ସାତ ହଜାରରୁ ଅଧିକ ରିଲେ ଥିବା ଏକ ମୁକ୍ତ, ବିଶ୍ୱବ୍ୟାପୀ, ସ୍ୱେଚ୍ଛାସେବୀ ଓଭରଲେ ନେଟୱାର୍କ ଦେଇ ଇଣ୍ଟରନେଟ ଟ୍ରାଫିକକୁ ନିର୍ଦ୍ଦେଶିତ କରି ଅଜ୍ଞାତ ଯୋଗାଯୋଗକୁ ସଚଳ କରିବା ପାଇଁ ଏହାକୁ ବ୍ୟବହାର କରାଯାଇଥାଏ । ଟର ବ୍ୟବହାର କରିବା ବ୍ୟବହାରକାରୀଙ୍କ ଇଣ୍ଟରନେଟ କାର୍ଯ୍ୟକଳାପକୁ ଖୋଜିବା ପାଇଁ ଅଧିକ କଷ୍ଟକର କରିଥାଏ: ଏହା ମଧ୍ୟରେ ୱେବସାଇଟ, ଅନଲାଇନ ପୋଷ୍ଟ, ଇନଷ୍ଟାଣ୍ଟ ମେସେଜ ଏବଂ ଅନ୍ୟାନ୍ୟ ଯୋଗାଯୋଗ ପଦ୍ଧତି ଅନ୍ତର୍ଭୁକ୍ତ । ଟରର ମୂଳ ଉଦ୍ଦେଶ୍ୟ ଏହାର ବ୍ୟବହାରକାରୀଙ୍କ ବ୍ୟକ୍ତିଗତ ଗୋପନୀୟତା ତଥା ସେମାନଙ୍କର ଇଣ୍ଟରନେଟ କାର୍ଯ୍ୟକଳାପକୁ ନିରୀକ୍ଷଣ ନକରି ଗୋପନୀୟ ଯୋଗାଯୋଗ କରିବାର ସ୍ୱାଧୀନତା ଏବଂ କ୍ଷମତାକୁ ରକ୍ଷା କରିବା ।