Tamara Ščerbakova: Karjalankieline kirjuttai, runoilii
Tamara Vasiljevna Ščerbakova (ven.
Тамара Васильевна Щербакова; Tuuksan kylä, Anuksen aloveh, Ven’a) on karjalankieline kirjuttai, runoilii.
| Tamara Ščerbakova | |
|---|---|
 | |
| Ammatti: | писательница, учительница |
| Rodivui: | 4. tuhukuudu 1944 |
| Roindukohtu: | |
| Kuoli: | 5. sulakuudu 2018 (74 года) |
| Kuolendukohtu: | |
Eloskerdu
Tamara Ščerbakova rodivui 4. tuhukuudu vuvvennu 1944 Anuksen alovehen Tuuksen kyläs suures karjalazes perehes. Häi loppi Karjalan pedagougizen instituutan. Instituutan jälles Tamara Vasiljevna tuli opastajakse školah, da algoi ruadua Sändämän školas. Häi ruadoi opastajannu 44 vuottu. Opasti matematiekkua, ven’an da karjalan kieldy. Juuri nämmil vuozil jatkoi kerdomiksien da runoloin kirjuttamistu karjalan kielel. Hänen lapset voidih hyvin paista, lugie runoloi da kerdomuksii karjalan kielel. Kaksi vuottu Tamara Vasiljevna lapsienke viettih karjalan kielen urokkoi Karjalan TV:n ohjelmois. Sidä puaksuh mustellah vahnembat rahvas da kerrotah kui mustoiteltih muaman kieldy, ku se oli puolelleh unohtettu.
Tamara Ščerbakova kuoli 5. sulakuudu vuvvennu 2018.
Luomisruado
Tamara Ščerbakovan kerdomuksien piäaihiennu ollah lapset, luondo, elätit da kylän elaigu. Sežo Tamara Vasiljevnal on kerdomuksii aiguizihgi niškoi. Häi on kiändänyh Mihail Prišvinan Päiväzen aittu -kerdomuksen. Ščerbakovan kerdomuksii da runoloi lapsile algoi ilmestyö lehdistös 1990-luvun puolivälis. Vuozinnu 1996-2004 Oma mua -lehti piästi ilmoih 18 kerdomustu. Ščerbakovan tuoteh on ilmestynyh Kipinä -žurnualasgi. Ščerbakovan enzimäine kniigu on "Pajun kukkazet -keviän viestit" (1999). Vuvennu 2002 ilmestyi kniigu "Malittusana" karjalan livvin murdehel. Ščerbakovan tuotehtu ilmestyi karjalankielizen kirjalližuon antalougies.
Vuvvennu 2014 Ščerbakova sai Brendojevan palkindon Brendojevan festivualis.
Bibliogruafii
- Pajun kukkazet - keviän viestit. Petroskoi: Periodika, 1999.
- Enne Rastavua. Petroskoi: Periodika, 2000.
- Armahile bunukoile: kerdomukset karjalan kielel. Petroskoi: Periodoka, 2002.
- Kačo da vardoiče. Petroskoi: Periodika, 2006.
- Armahile bunukoile. Petroskoi: Verso, 2010.
- Marjuškan ilot/Tamara Ščerbakova, Marjukka Patrakka. Petroskoi: Verso, 2010.
- Seiččie eriväristy vihmuvarjie/Tamara Ščerbakova, Marjukka Patrakka. Petroskoi: Verso, 2012.
- Minun enzimäzet ruavot. Petroskoi: Verso, 2014.
This article uses material from the Wikipedia Karjalan article Tamara Ščerbakova, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.