Pohjanmeri
Pohjanmeri on Atlantiekan valdumeren madal reunumeri, kuduan rannal on Pohjas-Jevrouppu.
Se on sijoitunnuh Jevroupan mannerjalustal Brituanien suarien välis – päivänlaskupuoles, Jutlandien, Skandinuavien niemimualoin välis – päivännouzupuoles. Meren randumualoinnu ollah: Norviegii, Danii, Germuanii, Alangomuat, Bel'gii, Frantsii da Suuri-Brituanii.
Pohjanmeren pinduala on 750 tuhattu km². Suurin syvys on 725 m. Meren suurembas ozas on läs 100 m syvytty, sen suviozas on luodokohtii (Dogger-Banka da toizet). Pohjanmereh langetah suuret jovet: El'ba, Vezer, Rein, Temza. Piäportat ollah: Rotterdam, Amsterdam, Antverpen, London, Hamburg, Oslo, Bergen.
Pohjanmeri andau energiivarua (kudamien joukos ollah nefti da luonnonguazugi) Norviegiele, Suuri-Brituaniele, Alangomualoile sego äijile toizile Jevroupan liiton mualoile.
This article uses material from the Wikipedia Karjalan article Pohjanmeri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.