Lev Jašin

Lev Ivanovič Jašin (22.

ligakuudu 1929 – 20. kevätkuudu 1990) oli nevvostolaine jalgumiäččyh kižuajua, vratari, kudai kižai Moskovan Dinamos da Nevvostoliiton joukkovehes. Jašin oli vuvven 1956 Olimpiadukižoin čempion da vuvven 1960 Jevroupan kilvoin voittai, viizi kerdua oli Nevvostoliiton čempionannu. Sportumies oli Nevvostoliiton arvostettu sportumuasteri (1957), Sotsialistizen ruavon urhoi (1990), polkovniekku, vuvves 1958 kuului Nevvostoliiton kommunistoin puoloveheh.

Lev Jašin
Portriettu
Ammatti: jalkapalloilija, jiäkur’oihkižuaju
Rodivui: 21. ligakuudu 1929(1929-10-21) или 22. ligakuudu 1929(1929-10-22)
Roindukohtu:
kanzalližus:
Kuoli: 20. kevätkuudu 1990(1990-03-20) (60 года)
Kuolendukohtu:

Jašin on XX vuozisuan paras vratari FIFA:n, MFFIIS:n, World Soccer:n, France Football:n da Placar:n mugah. Häi kuului XX vuozisuan parahien kižuajien joukkoh Venerdi:n, Guerin Sportivo:n, Planet Foot:n da Voetbal International:n mugah. On ainavo vratari muailmas, ken sai “Kuldazen miäčyn”. Jašinua pietäh muailmas enzimäzenny vratarinnu, ken nerovui kižuandas vorotoispäi lähtijes da kaikel štruaffulagevuksel.

Eloskerdu

Jašin rodivui Moskovah. Taloin lapset, kus eli Jašin, ainos kižattih jalgumiäččyh. Kižattih keviäl, kezäl, sygyzyl, kaiken siän aigua, pimiessäh. Nämmis kižois Jašin sai enzimäzet nerot. Talvel lapset iče luajittih luistelikon da kižattih jiäkur’oih miäčynke. Sidä paiči hyö suvaittih laptuu da hyppie suksil hyppymägilöis, hyppymägilöinny heil oldih saruat. Jašin musteli: ”Pakuimmo, sattavuimmo, saimmo suurdu siništymiä rungale, ga sentäh opastuimmo lujah pyzymäh jalloilleh, ei varuamah korgevuttu da valloittamah omua rungua”.

Ižänmuallizen voinan algupäivinny 11-vuodine Lev oli Podol’skan lohkol omahizilluo gostis. Sinne vahnembat työttih händy huogavumah. Ligakuul puolistuszavodu, kudaml ruadoi hänen tuattah, työttih evakkoh Uljanovskah, sinne muutti kai perehgi. Sille zavodale lähti ruadamahgi brihačču, keviäl 1943 häi hrodih slesarin opastujakse. Jo 16-vuodizennu Lev Jašin sai oman enzimäzen palkindon – medalin Urhakos ruavos Suuren Ižänmuallizen voinan vuozien 1941-1945 aigua.

Sportuelos

Jašinat tuldih järilleh Moskovah vuvvennu 1944. Lev jatkoi ruadua zavodal, joudoaigua kižai jalgumiäččyh, oli Tušinan joukon vratarinnu. Armies häi oli Moskovas, sit händy huomai Dinamon harjaittelii A. Černišov, kudai kučui Jašinua kluuban nuorižojoukkoh. Keviäl 1949 Jašin jo rodih piäjoukon kolmandennu vratarinnu. Sit aijas lähtijen Jašin kižai vaiku täs kluubas ihan sportukarjieran loppussah vuodessah 1971.

Allus Jašin vie kižai jiäkur’oih (1950-1953). Vuvvennu 1953 häi rodih jiäkur’ois Nevvostoliiton sportumal’l’an omistajakse da sai bronzumedalin Nevvostoliiton kilvois, kus sežo oli vratarinnu. Vuvven 1954 Muailman jiäkur’oin kilboi enne häi oli kandiduatannu Nevvostoliiton joukkoveheh, ga piätti syvendyö jalgumiäččyh.

Vuvves 1953 Jašin oli jo Dinamon enzimäine vratari. Yhtes kluubanke häi viizi kerdua (1954, 1955, 1957, 1959 da 1963) oli Nevvostoliiton čempionannu da kolme kerdua voitti Nevvostoliiton sportumal’l’an jalgumiäčys.

Vuvves 1954 Jašin oli Nevvostoliiton joukkovehen vratarinnu, joukkovehen puoles häi kižai 78 kižas. Yhtes joukkovehenke Jašin voitti Olimpiadukižois Melburnas da sai Jevroupan sportumal’l’an vuvvennu 1960.

Vuvvennu 1963 ligakuun 23. päivänny Londonas Jašin kižai Muailman joukos Anglien joukkuo vastah. Se kiža oli omistettu anglielazen jalgumiäčyn 100-vuozipäiväle. Silloi voitettih anglielazet 2:1. Jašin ei andanuh potkie ni yhty miäččyy omih vorotoih, kaksi miäččy työttih niilöih, konzu händy vaihtoi kižan toizes ozas jugosluavu Milutin Šoškič.

Muailmas Jašinua sanottih Mustakse panterakse (ku häi ainos oli mustis sovis, hänen liikkuhuos da akrobatiekkuhyppävyksis) libo Mustakse hämähäkikse (pitkis kai tabuajis käzis).

Vuvvennu 1963 Jašin sai Jevroupan parahan jalgumiččyhkižuajan palkindon – Kuldazen miäčyn.

Vuvvennu 1971 oraskuun 27. päivänny Moskovas Leninan nimizel keskusstadional, kus oli 103 tuhattu kaččojua, oli jälgimäine Jašinan mačču.

Jälgimäzet vuvvet

Jälles 50 vuottu Jašinal oli huruan jallan gangreenu. Suonet jallas liigua kurindua oldih pahat. Vuvvennu 1984 hänele leikattih jalgu. Jälles leikkavustu häi yksikai jatkoi kurindua.

Vuvvennu 1990 kevätkuun 18. päivänny hänele annettih Sotsialistizen ruavon urhoi -arvonimi. Tämän jälgeh häi ehtii eliä vaiku kaksi päiviä, kuoli 20. kevätkuudu.

Suavutukset Nevvostoliiton joukkovehes

  • Jašin on vuvven 1956 Olimpiadukižoin čempion.
  • Vuvven 1960 Jevroupan sportumal’l’an omistai.
  • Jevroupan sportumal’l’an kilvois hobjumedalin suannuh (1964).
  • Vuvvennu 1966 Londonas Muailman jalgumiäččyhkižuajien kilvois bronzumedalin suannuh (nelländes sijas).

Tags:

Lev Jašin EloskerduLev Jašin SportuelosLev Jašin Jälgimäzet vuvvetLev Jašin Suavutukset Nevvostoliiton joukkovehesLev Jašin1929199020. kevätkuudu22. ligakuuduJevrouppuOlimpiadukižat

🔥 Trending searches on Wiki Karjalan:

1810-lugu vuvvetAkkalansaamen kieli30. kylmykuudu19261962KoiruStokgol'muOraskuuLadva-VetkaPääjärvi15. heinykuuduKirjuKuuLivanuČili23. kylmykuuduKonoi Kyöttinen1814Stokan19. talvikuudu1800Kuikku6. talvikuuduRyttyUiveloPaavo HaavikkoUkrainan kieliLyydin kieliMerilohiEtnine joukkoLatviiJevrouppu14. tuhukuuduMatematiekkuVärtin2. heinykuuduPohjas-Pohjanmuan muakunduPol'šuTuliÄijypäivyHaapalampiVen'an kieliČeehii6. oraskuuduPin'oit193317. syvyskuuduPeruVol'framuPikkutelkyNikolai IMansin kieli1953NorviegiiUNESCOTuomipihl’aiZenitKylmykuuAkseli Gallen-KallelaPetroskoi131829. heinykuuduXVI vuozisadaDmitrii BubrihPäiväzensistiemu1781Orapihl’ailiipukkuIndien valdumeri1986Male🡆 More