Lehti on Karjalan vahnimii lehtilöi. Lehten toimitus kuuluu Periodika-julguamoh, kudai on kanzalliskielizien lehtilöin da kirjoin ilmah piästäi julguamo Karjalas Petroskois.
Perustandu
Lehti on perustettu 5. ligakuudu vuvvennu 1920.
Histourii
- Enzi allus lehti piäzi ilmah Karjalan kommuuni –nimel.
- 1923-1937 – Punainen Karjala –nimel.
- Vuvven 1937 lopus Karjalan nevvostotazavallas suomen kieli oli kieletty, heitettih suomen kielen opastandua školis da korgielois školis, lehti oli salvattu.
- Vuvves 1938 lehti rubei piäzemäh ilmah karjalan kielel, sendäh ku vuozinnu 1938-1940 karjalan kieles tuli valdivonkieli ven’an kielen rinnale. Sen nimi oli Sovetskoi Karelija.
- Vuozien 1940-1955 lehtel oli Totuus-nimi. Karjalas-suomelazen nevvostotazavallan perustettuu lehti uvvessah rubei piäzemäh ilmah suomen kielel. Voinuvuozien aigah (1941-1944) lehten toimitus ruadoi evakos Belomorskas.
- Vuozinnu 1955-1957 piäzi ilmah Leniniläinen totuus, kudai oli Leninskaja pravda –lehten kiännöksenny.
- Vuvves 1957-1991 Lehti piäzi ilmah Neuvosto-Karjala-nimel da kuului yhtehizeh Leninskaja pravda- da Neuvosto-Karjala –toimitukseh.
- Vuvves 1991 – lehtel on alalline Karjalan Sanomat -nimi.
Lehten piätomittajat
- 1920-1922 – Juho Komu
- 1923-1924 – Onni Tuomi
- 1923-1924 – Jalmari Virtanen da Niilo Virtanen
- 1924—1926 – Santeri Nuorteva
- 1926—1931 – Lauri Letonmäki
- 1931—1932 – Otto Vilmi
- 1932—1934 – Väinö Lattunen
- 1934—1937 – Kalle Vento
- 1938—1939 – P’otr Saveljev
- 1939—1940 – Ivan Kondratjev
- 1940—1947 – Mihail Melentjev
- 1947—1951 – Jevdokim Jemeljanov
- 1951—1954 – F’oudor Kondratjev
- 1954—1955 – N. Zaharov
- 1955—1957 – F’oudor Trofimov
- 1957—1963 – F’oudor Kondratjev
- 1963—1967 - F’oudor Trofimov
- 1967—1969 – F’oudor Kondratjev
- 1969—1971 – Ivan Petrov
- 1971—1985 – Juho Laitinen
- 1986—1991 - Aleksei Mironov
- 1991—2010 – Robert Manner
- Vuvves 2010 algajen – Mihail Nezvitskii
Tämä päivy
Tänäpäi Karjalan Sanomat piäzöy ilmah kerran nedälis 16 sivul. Vuvves 2016 lehti on kogonah värilline. Toimitus bumuagulehten rinnale luadiu lehten pdf-versiedy. Toimituksel on oma saitu internetas da joukot sotsiualuverkolois.
Tiluandu
Karjalan Sanomat voibi tilata poštan kauti, Karjalan Sanomien toimitukses da saital, Periodika-julguamon saital. Tilavuksii Suomen puolele hommuau Suomes ruadai Ruslania da Karjalan Sivistysseura.
Linkit
This article uses material from the Wikipedia Karjalan article Karjalan Sanomat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.