Grigorii Makarov
Grigorii Nikolajevič Makarov (1918—1972) – nevvostoaijan tiedomies, filolougien kandiduattu, etnogruaffu, ven’a-karjalazen da karjal-ven’alazen (livvin murdehen) sanakirjan luadii.
 | Эту страницу предлагается объединить со страницей Makarov, Grigori Nikolajevič. Пояснение причин и обсуждение — на странице обсуждения (Paginat). Обсуждение длится не менее недели c 22.10.2017. Не удаляйте шаблон до подведения итога обсуждения. |
| Grigorii Makarov | |
|---|---|
| Rodivui: | 23. pakkaskuudu 1918 (106 лет) |
Rodivundu
Rodivui 23. pakkaskuudu Sammatuksen kyläs Anuksen piiris karjalazeh pereheh.
Opastundu
Sai korgeiškolan opastuksen, oli enzimäine sammatukselazis, ken sai korgeiškolan opastuksen. Loppi aspirantuuran, väitti filolougien kandiduatakse.
Ruado
Ruadoi opastajannu, kanzalliskielizien lehtilöin ruadojoukkoh kuulumattomannu toimittajannu. Hänen piälimäine ruado oli Karjalan tiedokeskuksen Kielen, literatuuran da histourien instituutas, kus häi enämbän kahtukymmendy vuottu keräi da tutki karjalastu kielimaterjualua, piästi ilmah mondu tiedokirjutustu da kirjua.
Julgavot
- Ven’a-karjalaine sanakniigu. Petroskoi. 1975.
- Karjalan kielen sanakniigu (livvin murdehel). Petroskoi. 1990. Sih kuuluu läs 20 tuhattu sanua. Sanakniigu jullattih Makarovan kuoltuu. Sanakniigu voibi löydiä pdf-formuatas Karjalan tiedokeskuksen Kielen, literatuuran da histourien instituutan saital: http://resources.krc.karelia.ru/illh/doc/redkie/makarov_dict_ocr.pdf
- Karjalazet sananpolvet, sananpiät, arbaitukset. Petroskoi. 1959.
- Karjalazen paginluavun näyttehet. 1969. Tämän kirjan Grigorii Makarov luadi yhtes Vladimir R’agojevanke. Kirjas on saneltu kyläläzien ruadolois, nahkan ruandas, kasken ajandas, pelvahan kazvatandas. Sidä paiči on itkuvirty, suarnua, častuškua, sananpolvie da sananpiädy. Net on kirjutettu liygiläzis.
- Karjalan kieli -kirjutus Nevvostoliiton rahvahien kielet -kniigas. 1966.
- Priäžän lyydiläzet sananpolvet. Kirju piästettih ilmah Suomes vuvvennu 1971 Suomelas-ugrilazen seuran kannatuksel. Kirju on kahtel kielel: suomekse da karjalakse.
Jälles Grigorii Makarovan kuolendua nähtih päivänvalgien vie kolme kniigua, kudamien pohjannu on Makarovan kerätty materjualu.
- Karjalazet sananlaskut da sananpiät. Petroskoi. 2009.
- Karjalazet sananpolvet da sananpiät. Petroskoi. 2011.
- Priäžan lyydilaižed sananpolved. Petroskoi. 2012. Kniigan pohjannu on Suomes ilmah piästetyt Priäžän lyydiläzet sananpolvet -kirjan materjualu.
Linkit
http://illhportal.krc.karelia.ru/section.php?plang=r&id=78
https://web.archive.org/web/20160305133243/http://www.petrozavodsk.ru/news/75753.html
This article uses material from the Wikipedia Karjalan article Grigorii Makarov, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.