Alan Mathison Turing (23.
kezäkuudu 1912 London, Anglii - 7. kezäkuudu 1954 Wimslow, Anglii) oli britanielaine matematiekku, logikan tutkii, kriptografu. Turing hyvin vaikutti informatiekan kehittämizeh. Häi on Britanien imperien ritarikunnan kavaleru (1945), Londonan kuningasseuran ozanottai (1951). Vuvvennu 1936 keksitty Turingan koneh avvutti tarkastella algoritmua. Tädä konehtu nygöigi käytetäh monis teouriettizis da praktiekallizis. Turingan tiedoruavot pietäh suurennu panoksennu sego informatiekan perustamizeh sego i tegoälyn teourieh.
Alan Mathison Turing | |
---|---|
Roindunimi: | angl. Alan Mathison Turing |
Ammatti: | matematiekku |
Rodivui: | 23. kezäkuudu 1912 |
Roindukohtu: | London, Anglii |
kanzalližus: | |
Kuoli: | 7. kezäkuudu 1954 (41 года) |
Kuolendukohtu: | Wimslow, Anglii |
Tuatto: | Julius Mathison Turing[d] |
Muamo: | Ethel Sara Stoney[d] |
Nimikirjutus: |
Toizen muailmanvoinan aigua Alan Turing ruadoi Kodoin da peittokielen haldivollizes školas, kudai sijoičči Bletči-puistos. Turing keksi mondu murron tabua da teouriettizen ohjelman Bombe-koneheh niškoi, kuduan avul murrettih germuanilazen Enigma-peittokielikirjoituskonehen.
Voinan jälles Turing ruadoi Kanzallizes fiziekkulaboratouries, kus hänen projektan mugah oli luajittu enzimäine tiedokoneh ACE-programmanke. Vuvven 1948 Turing liityi Mančesteran yliopistoh da otti ozua Mančesteran tiedokonehien keksimizes. Sežo Turing tutkii matematiekan biolougii. Vuvvennu 1950 häi keksii empiirine Turingan testu tiedokonehen tegoälyn arvosteluh niškoi.
Turing oli homoseksualu, sendäh händy vaivattih. Vuvvennu 1954 häi luadi ičetapon. Häi on yksi kuulužimis homofobien žertvois Britanies. Turingan kunnivokse on nimitetty muailman arvokkahin palkindo informuatiekan alal.
This article uses material from the Wikipedia Karjalan article Alan Turing, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.