Bomban Taloi
Bomban karjalaiskylä on karjalastu rakendus- da syömiskul'tuurua sego perindölöi ozuttelii kohteh Nurmekses Suomen Pohjas-Karjalas.
Bomban alovehen yhtevyös on sežo spa-hoteli da kezäteatru. Karjalaiskylän keskus on Bomban taloi, kudai on vuozinnu 1977–1978 nostettu suuri karjaistaloi.
Karjalaiskylän nähtävykset
Bomban taloi
.JPG)
Bomban taloi on koupii vuvvennu 1855 Jegor Bombin -nimizen miehen poijalleh Dmitri Jegorovičile Suojärvel nostetus talois. Alguperäzes talois eli Bombinien suurpereh, da ku Dmitri vuvvennu 1915 kuoli, muat juattih hänen viijen poijan kesken. Vuvvennu 1934 taloi riičittih, parret pandih viideh tukkuh da jogahine velli sai oman tukun.
Vuvvennu 1960 rodih enzimäizen kerran duumavo taloin uvvellehnostamizes. Projektan enzisijaizennu vedäjänny oli Suojärven Pitäjäseura. Vuvvennu 1976 projektah tuli kerale Karjalan Liitto, da projektu leveni kogonazen karjalaiskylän nostamizekse. Bomban taloi da kylä roittih valmehet 1. elokuudu 1978. Bomban taloin planiruittih alguperästaloin pohjal Vilho Suonmaa da Jarmo Santala.
Pyhän Sergei da Herman Valamolaizien časounu
Suojärven pitäjäseura zavodi časounan nostamizen Bomban karjalaiskyläh alovehen toizien nostamisruadoloin yhtevykses. Časounan ezukuvannu oli Suomen menetetyle alovehele jiänyh Ägläjärven časounu da sen piirdi arhitektu Erkki Helasvuo.
Kačo sežo
Parppeinvuara
Aihies muijal
This article uses material from the Wikipedia Karjalan article Bomban taloi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.