Anna Astrid Emilia Lindgren (omua suguu Ericsson; 14.
kylmykuudu">14. kylmykuudu 1907 Vimmerby, Ruočči – 28. pakkaskuudu 2002, Stokgol'mu) oli muailmankuulužu ruoččilaine lapsienkirjuttai. Hänen kirjoi on kiännetty 99 kielele. Lindgrenan luadimii hahmoloi ollah Peppi Pitkysukku, Emil i Lönneberga, Ronja Rövardotter da Karlson på taket. Tunnettuloi kniigoi ollah sežo Mio, min Mio da Bröderna Lejonhjärta.
Astrid Lindgren | |
---|---|
Roindunimi: | ruoč. Astrid Anna Emilia Ericsson |
Ammatti: | kirjuttai |
Rodivui: | 14. kylmykuudu 1907 |
Roindukohtu: | Vimmerby, Ruočči |
kanzalližus: | |
Kuoli: | 28. pakkaskuudu 2002 (94 года) |
Kuolendukohtu: | Stokgol'mu, Ruočči |
Tuatto: | Samuel August Ericsson[d] |
Muamo: | Hanna Ericsson[d] |
Ukko / akku: | Sture Lindgren[d] |
Lapset: | Lars Lindgren[d] и Karin Nyman[d] |
Nimikirjutus: |
Astrid Lingren kazvoi Näs-fermal lähäl Vimmerbyn hieruu Smålandas. Vanhembat oldih Samuel August Ericsson da Hanna Jonsson. Hänel oli kaksi sizärdy, Stina da Ingegerd, dai vahnembi velli Gunnar. Häi algoi školan Vimmerbys sygyzyl 1914.
Školan loppiettuu Lindgren rubei ruadamah harjaittelijannu Vimmerby tidning -lehtes. Häi rodih kohtuine. Lapsen tuatto oli lehten piätoimittai Reinhold Blomberg, ga Lindgren ei tahtonuh mennä hänele miehele. Häi muutti Stokgol’mah da 19-vuodehizennu rodih muamokse. Häi andoi omassah lapsen, Larsan, sijahispereheh Kopengagenah.
Lindgren ruadoi sekretarinnu Kungliga Automobilkubbenas da meni miehele Sture Lindgrenale vuvvennu 1931, 23-vuodehizennu. Lindgrenan lapsi tuli elämäh heijänke, da kolmen vuvves peräs rodivui toine lapsi Karin. Vuvvennu 1941 pereh muutti Dalagatanal olijah fatierah, kudamas Lindgren eli kuolemassah.
Toizen muailmanvoinan aigua Lindgren ruadoi cenzuriiruiččijannu tiijustelusluužbas. Hänen enzimäine kniigu Britt-Marie lättar sitt hjärta sai toizen palkindon Rabén & Sjögren -ilmahpiästämön kirjutuskilvas da piäzi ilmah vuvvennu 1944. Vuvven peräs häi voitti uvven kilvan omassah kirjal Pippi Långstrump. Paiči omua kirjutandua, vuvves 1945 lähtijen häi ruadoi ilmahpiästämös lastenkirjoin redaktorannu 25 vuottu.
Lindgren kuoli grippah 94-vuodehizennu vuvvennu 2002. Vuonnu 2018 Monis mualois muisteltih suurdu kirjuttajua, ku häi olis täyttänyh 110 vuottu. Mennyt vuon ilmoile piäzi Astrid Lingrenin Peppi pitkä tossu kniigan karjalankieline kiännös, kudai sai nimekse Peppi pitkä sukku. Kiännöksen oldih luajittu karjalaine lapsienkirjuttai Tamara Ščerbakova da Suomen puolel kiändäjänny oli Aleksi Ruuskanen.
This article uses material from the Wikipedia Karjalan article Astrid Lindgren, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Syväindö on käytös licenzien CC BY-SA 4.0 mugah, ei lienne toizin mainittu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Karjalan (DUHOCTRUNGQUOC.VN) is an independent company and has no affiliation with Wiki Foundation.