estatuts Dels Utilizaires

S'agís de poders tecnics e non pas decisionals. Coma editors, totes los participants son egals (a l'excepcion de cèrts vòtes ont se pòt exigir un nombre minimum de contribucions).

Los estatuts oficials son desliurats per la comunautat; astrenhon a de devers e donan de dreches suplementaris als utilizaires que los recebon. Se'n pòt destriar dos tipes : los estatuts oficials tecnics que balhan de foncionalitats novèlas e los estatuts oficials non tecnics que son d'engatjaments que necessitan pas d'espleches especials.

Estatuts tecnics

Las listas d'utilizaires per estatut tecnic son disponiblas a partir de la pagina especiala : Special:Listusers. Cada estatut se pòt seleccionar en modificant lo menut desrotlant situat en naut de la pagina.

  L'utilizaire anonim

Per utilizaire anonim, s'entend una persona modificant una pagina de Wikipèdia sens aver de compte d'utilizaire. Pòt crear las paginas, modificar las paginas e plan segur consultar l'enciclopèdia, seguir los debats, etc. Los vòtes son en general reservats als utilizaires inscriches ; çaquelà la participacion constructiva es totjorn benvenguda en pagina de discussion.

Contràriament als utilizaires inscriches dempuèi mai de 4 jorns, l'utilizaire anonim pòt pas modificar las paginas semiprotegidas.

Anonimat : l'utilizaire "anonim" daissa son IP sus totas sas contribucions e se pòt doncas identificar aisidament, alara que l'utilizaire enregistrat daissa solament son pseudo. Per aquò, l'utilizaire anonim es mens «anonim» qu'un utilizaire enregistrat. Notem çaquelà que l’IP d’un utilizaire enregistrat es ela tanben enregistrada. Çaquelà, sola una ponhada de wikipedians (los checkusers) pòt aver accès a aquesta informacion.

  L'utilizaire enregistrat

En mai d'editor anonim, l'utilizaire que s'es enregistrat (o inscrich, "logat", etc.) pòt renomenar las paginas, cargar de fichièrs, dispausa d'una lista de seguit, d'una pagina a sa liura disposicion e d'una pagina de discussion. Accedís a de foncions suplementàrias (amagar las modificacions menoras, amagar las modifs dels utilizaires enregistrats, etc.). La màger part dels vòtes son reservats als utilizaires inscriches, de còps amb de condicions suplementàrias coma un nombre minimal de contribucions suls articles.

  L'administrator (o sysop)

En mai de l'utilizaire logat, pòt protegir/desprotegir de paginas, blocar/desblocar d'utilizaires, suprimir/restablir de paginas e d'imatges. S'agís d'un ròtle permanent, que l'administrator es elegit per la comunautat.

  Lo burocrata

Pòt cambiar l'estatut d'un utilizaire normal per ne far un administrator o balhar l'estatut burocrata a un administrator, mas a drech d'o far solament aprèp una presa de decision collectiva ont totes los Wikipedians sens excepcion son convidats a venir s'exprimir. Vejatz Wikipèdia:Administrator.

En revenge, pòt pas levar aquestes dreches.

Lo steward

Pòt balhar, modificar o levar totes los estatuts als utilizaires de totes los projèctes Wikimedia. Per respècte de la neutralitat, en principi interven pas dins sa comunautat d'origina m:Stewards. Executa pas los prètzfaches qu'un burocrata local pòt complir.

  Lo bòt

L'estatut de bòt (abreviacion de robòt) fa que las modificacions efectuadas per un utilizaire qu'a aqueste estatut apareisson pas per defaut dins la lista dels darrièrs cambiaments. Cal clicar sus 'mostrar robòts' per veire aquestas modificacions. Coma un robòt pòt far de modificacions nombrosas per minuta, aquesta opcion permet de pas embarrassar la lista dels darrièrs cambiaments.

Se deu declarar e autorizar : vejatz Wikipèdia:Bòt. S'utilizan per corregir de ligams en massa o de fautas d'ortografia.

  Lo desvolopaire

A accès a la basa de donadas de Wikipèdia (es a dire a l'ensemble de las informacions), pòt far tot e qué que siá. Aqueste estatut a per tòca d'autorizar la mantenença de la basa de donadas sens passar per l'interfàcia de Wikipèdia.

Nòta : Confondre pas amb l'administrator desvolopaire.

  L'administrator desvolopaire

En mai de l'administrator, pòt blocar lo site entièr en cas de vandalisme major. Urosament, aquesta opcion encara a pas jamai servit.

Nòta : Confondre pas amb los desvolopaires del logicial de Wikipèdia.

  Lo verificator d'adreças IP (checkuser)

Pòt metre en relacion los comptes enregistrats (pseudonims) e las adreças IP de lor ordinator. Aqueste estatut es pas dirèctament ligat a la wikipèdia occitanòfona ; los stewards pòdon i aver e ne balhar l'accès. Las règlas pertocant aqueste estatut son encara en cors d'elaboracion.

L'utilizaire fòrabandit

Es pas pus un utilizaire ; a perdut de biais permanent lo drech de crear e modificar las paginas. S'agís d'una decision excepcionala.

Estatuts non tecnics

  L'arbitre

Fa partida del comitat d'arbitrage. Elegit pels contributors regulars amb d'autres arbitres cada sièis meses, pren de decisions en comitat per reglar los conflictes entre editors, per exemple l'interdiccion d'editar cèrts articles per una durada determinada.

Lo mediator

Existís pas encara sus la Wikipèdia occitanòfona

Fa partida del mediation committee. Nomenat per Jimbo Wales. Ensaja d'ajudar dins los conflictes. Anthere fa partida del comitat anglofòn.

Les estatuts seguents son causits pels utilizaires ; cadun es liure de s'inscriure dins una d'aquestas categorias. Se tròba atal :

• D'utilizaires prèst a ajudar, en particular per respondre a las questions dels novèls.
• De Wikipompièrs qu'ensajan de resòlvre los conflictes.
• De patrolhaires de modificacions recentas, luchant contra lo vandalisme.
• De wikitraductors, de wikigrafistas, de wikifotografs...

Mas tanben de Dinòs, de Wikilovers, lo comitat antisinistròsi, e mai los participants als divèrs projèctes.

• Lo fòrabandiment es definitiu, senon quant de temps dura ?
  • La durada es pas precisada. L'utilizaire pòt tornar jos una identitat novèla. E se genèra de conflictes novèls es fòrça probable que siá desmascat e blocat tornarmai, mas se respècta d'ara enavant las règlas de Wikipèdia pòt fòrt plan reïntegrar incognito lo projècte. En efièch lo fòrabandiment, coma totas las sancions, visa pas a estigmatisar una persona mas a far desparéisser un compòrtament problematic.

• Es unicament jos son identitat d'utilizaire logat que la persona es fòrabandida ? O son identitat civila ?
  • Jos son identitat d'utilizaire logat, e mai jos totas las identitats de fals nas que pareisson evidentas a la comunautat (ie, de biais arbitrari, similituds dins las accions reprensiblas). Lo fòrabandiment a de valor unicament sus la wikipèdia considerada.

• Que devenon sa pagina, sas contribucions, sos dreches d'autor ?
  • Siá la pagina personala es blanquida e protegida, siá conservada en l'estat e protegida. Es utila per referenciar d'eveniments, e las discussions e vòtes qu'an menat al fòrabandiment, contribucions de l'utilizaire en question, faches reprochats e lista de sock puppets consideradas coma talas. Las contribucions respectant los principis de Wikipèdia fachas abans lo fòrabandiment son pas suprimidas a posteriori ; los dreches d'autor son evidentament conservats.

• Qual blòca las IP vandalas, segon quina procedura ? Fòrabandiment e blocatge, es pas al fons la meteissa causa ?
  • Los administrators blòcan las IP vandalas en cas de recidiva unicament. Lo blocatge es d'una durada compresa entre qualques oras e 3 jorns, e pòt èsser una decision unilaterala ; lo fòrabandiment es una decision collectiva qu'a un efièch a tèrme long.

• m:status (en particular, la lista dels desvolopaires sus m:developer)