Lo silesian (en silesian : ślůnsko godka, ślůnski, e de còps pů našymu - al nòstre (biais)) es un parlar de la Nauta Silèsia, en Polonha e en Republica Chèca, qu'a tanben de locutors en Alemanha, sortits de la Bassa Silèsia annexada per Polonha en 1945.
Al recensament polonés de 2011, 509 000 personas declarèron lo silesian per lenga mairala.
Ślůnsko godka — Ślōnskŏ gŏdka | |
Locutors | 509 000 |
---|---|
Tipologia | SVO Accentuala |
Classificacion lingüistica | Silesian |
Còdis lingüistics | |
ISO 639-3 | szl |
Ethnologue | szl |
Glottolog | sile1253 |
IETF | szl |
Endangered | 8349 |
E mai se la màger part dels lingüistas classifican lo silesian coma un dialècte del polonés, d'autres lo considèran coma una lenga a despart - es aital qu'es classificat per la Bibliotèca del Congrès dels Estats Units.
I a pas d'alfabet silesian oficial, que los parlaires fan generalament servir l'alfabet polonés. Dempuèi 2006, una grafia novèla se met en plaça, qu'es utilizada sus Internet e sus la Wikipèdia en silesian.
Aa Bb Cc Ćć Čč Dd Ee Ff Gg Hh Ii Jj Kk Ll Mm Nn Ńń Oo Pp Rr Řř Ss Śś Šš Tt Uu Ůů Ww Yy Zz Źź Žž
Digrafs : Ch Dz Dź Dž.
Demòra de trabalh a far per la codificacion del silesian literari. L'utilizacion sus Internet de la lenga se fa dins doas variantas dialectalas, la de Catovitse e la de Glivitse. Dempuèi las annadas 1930 i a tanben una microlenga literària sonada lo lac (lašsko) creada per l'escrivan Erwin Goj, conegut jol chafre Óndra Lysohorsky, mas es tròp localizada en Moràvia per representar l'ensems dels parlars silesians.
Balham lo Paire nòstre en silesian, polonés, chèc e occitan
Silesian
Polonés
Chèc
Occitan
This article uses material from the Wikipedia Occitan article Silesian, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.