Samara (en rus: Сама́ра, AFI: ), conegut entre 1935 e 1991 coma Kuybyshev (Куйбышев; AFI: ), es la novena pus granda vila de Russia e lo centre administratiu de l'Óblast de Samara.
Se situa al sud oèst de Russia al jonhent de Vòlga amb la ribièra Samara, sus la riba èst de Vòlga qu'es lo limit oèst de la vila; de l'autre costat de la ribièra se trapan las montanhas Zhiguli. Lo limit nòrd es format pels puèges de Sokolyi e per las estèpas al sud e a l'èst. La vila cobrís 46 597 ectaras, amb una populacion de 1 164 685 abitants (recensament de 2010); l'airal metropolitan de Samara, Tolyatti e Syzran a una populacion de mai de 3 milions d'abitants. Es a aperaquí 300 quilomètres de Kazan, 410 quilomètres d'Ufa, 340 quilomètres de Saratov e 235 quilomètres d'Oral, en Cazacstan.
Samara Самара | |||||
---|---|---|---|---|---|
| |||||
| |||||
Geografia fisica | |||||
Superfícia | 541,382 km² | ||||
Geografia politica | |||||
País | Russia | ||||
subjècte federal | Óblast de Samara | ||||
Geografia umana | |||||
Populacion (2010) | 1,164,685 ab. | ||||
Autras informacions | |||||
http://city.samara.ru |
Autrecòps vila tancada, Samara es uèi un grand e important centre social, politic, economic, industrial e cultural en Russia e aculhiguèt lo som Union Europèa-Russia en mai de 2007. Son clima continental es caracterizat per d'estius cauds e d'ivèrns freds. La vida dels estatjants de Samara foguèt sempre intrinsecament ligada a Vólga, que serviguèt de principala artèra comerciala de Russia pendent mantun sègles. Las ribas de la ribièra Samara son consideradas coma un dels luòcs de lésers preferits dels estatjants locals e dels toristas.
This article uses material from the Wikipedia Occitan article Samara, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.