Lo querosèn es una mèscla d'idrocarburs contenent d'alcans (CnH2n+2) de formula quimica anant de C10H22 a C14H30.
Eissit de rafinatge del petròli, resulta del sostiratge pendent la distillacion d'una copa amb un punt inicial (PI) de distillacion comprés entre 150 150 °C e 180 180 °C, e un punt final (PF) de distillacion entre 225 225 °C e 250 250 °C. Deu èsser levat de sofre.
Al Sègle X, lo sabent pèrsa Muhammad Al-Razi descriu la distillacion del petròli permetent d'obténer del petròli d'esclairatge dins son Libre dels secrets. En Euròpa, es lo fisician e geològ canadian Abraham Pineo Gesner (1797-1864) que presntèt en 1846 la primièra demonstracion publica d'un liquid d'esclairatge que nomena « querosèn ». D'enprimièr obtengut a partir de carbon, puèi de petròli, lo querosèn es un liquid economic, que remplacèt l'òli de balena dins las lampas d'òli; se nomenava tanben petròli lampant. S'agís de la « primièra font de lutz eficaç, abondanta e pas cara que jamai aviá possedat l'umanitat ». Aquel usatge foguèt abandonat amb l'avèniment de las ampolas electricas.
Son usatge en aviacion es degut subretot a son fòrt poder calorific de 43,15 MJ⋅kg-1 pel Jet A1, qu'autoriza una mai granda autonomia a massa embarcada egala, o, en d'autres tèrmes, que permet d'aleugiar la massa totala a emportar a autonomia de contunh.
Coma carburant per l'aviction, lo querosèn deu emplir de condicions particularas, per exemple al nivèl de sas proprietats fisicas. Lo carburant per avion es un querosèn particular avent sovent un punt de congelation fòrça bas (−47 °C pet Jet A1), que a 11 000 mètres d'altitud, la temperatura extèrne es pròche de −56,5 °C.
Lo querosèn es una mèscla d'idrocarburs obtenguts per rafinatge del petròli. Segon lo nivèl de rafinatge es classificat en categorias que la mai cenegudas son:
Lo coeficient de dilatacion volumica de querosèn es de 0,0007 K-1.
Lo querosèn es un idrocarbura saturat de primièr tipe o alcan. Sa formula mejana es C10H22. L'oxidacion del querosèn per l'oxigèn dona de la vapor d'aiga e del gas carbonic en liberant de calor. Lo poder calorific inferior d'aquela combustion es de 10 300 kcal per quilograma de carburant.
Lo poder calorific inferior d'una reaccion quimica exotermica es la quantitat de calor cedida a l'exterior quand se tornèt los produchs de la reaccion dins lor estat vapor sens prene lor calor latenta de vaporizacion.
L'equacion quimica de la reaccion s'escriu:
2 C10H22 + 31 O2 → 20 CO2 + 22 H2O
Se definís la riquesa en carburant de la mèscla carburant/oxigèn al respècte de la massa de carburant a la massa d'oxidant. Dins lo cas de la reaccion complèta equilibrada, se dich d'aquela riquesa qu'es estequiometrica
Dins lo cas du turboreactor, la combustion del querosèn se fa dins l'aire e non pas dins l'oxigèn pur; l'equacion de la reaction es alara la seguenta:
2 C10H22 + 31 (O2 + 4 N2) → 20 CO2 + 22 H2O + 124 N2
La temperatura de fin de combustion de la mèscla carburada (querosèn/aire) es donada per l'equacion seguenta: Cp × (T2-T1) = Alpha × Pceff amb:
Los bioquerosèns son d'alternativas al querosèn, produchs a partir de la biomassa. En octobre de 2014, la sociatat Air France comencèt a utilizar un bioquerosèn eissit de la fermentacion del sucre de cana per de vols entre Tolosa e París.
This article uses material from the Wikipedia Occitan article Querosèn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.