Pohnpei: Estat de Micronesia

Estat de Pohnpei Pohnpei State
País	Estats federats de Micronesia
Capitala	Kolonia
Superfícia	334 km²
Lengas oficialas	pohnpeian, anglés
Populacion	36 193 (recensament de 2010)
Latitud	6° 53′ N
Longitud	158° 14′ E
Creacion	1986

La capitala n'es Kolonia.

Pohnpei es situada dins las Illas Senyavin, un archipèla situat dins las illas Carolinas. Es constituït de Pohnpei e de dos atòls pichons, Ant e Pakin.

L'estat de Pohnpei, compren dins son territòri qualques atòls mai alunhats, Pingelap, Mokil, Ngatik, Nukuoro, Oroluk, e Kapingamarangi.

L'illa còmpta dos centres urbans importants, Kolonia, la capitala del estat de Pohnpei e Palikir, aquèla dels estas federats de Micronesia.

La lenga de l'illa es lo pohnpeian, una lenga oceaniana que fa partida de las lengas micronesianas. L'anglés es vengut una lenga d'usança a Pohnpei, que lo territòri foguèt american de 1947 a 1986.

L'illa foguèt descobèrta per los navegadors espanhòls al sègle XVI. Amb sa desfacha en 1898, dins la guèrra de las Filipinas, Espanha vendèt Pohnpei a Alemanha. Après la primièra guèrra mondiala, l'illa passèt dins las mans de Japon, jos mandat internacional. La segonda guèrra mondiala veguèt la fin de l'empèri colonial alemand en Pacific. Pohnpei foguèt integrat dins los territòris jos tutèla americana. En 1986, venguèt, un dels quatre estats dels Estats federats de Micronesia.