Ostau Arroset

L'Ostau Arroset (en castelhan la Casa Rosada ; reg.

Ostau Arròse, Ostal Ròse o Ostau Ròse) qu'ei lo sèti deu poder executiu argentin. Que's troba a Buenos Aires suber la plaça de Mayo (costejada tanben per la catedrau e lo cabildo) suu lòc exacte qu'ocupava autes còp la hortalessa e on e s'estava lo vicerei deu temps de la vicereiautat de l'arriu de la Plata e on, après l'independéncia, los purmèrs caps d'Estat be gavidèn lo país.

Ostau Arroset
L'Ostau Arroset
Ostau Arroset
La hortalessa de Buenos Aires de cap a 1852

Après la caduda de Juan Manuel de Rosas, la hortalessa, qui èra estada abandonada au prohèit de l'ostau de Rosas (conegut com quinta de Rosas) que ho en grana partida destrusida entà poder bastir la Doana Nava. En 1873, dejus la presidéncia de Domingo Faustino Sarmiento lo Palais deu corrièr, òbra de l'arquitècte suedés K. Kihlberg, que ho au son torn bastit suber ua partida deu terren liberada per la destruccion de la hortalessa e au ras de çò qui'n remanava qui ho pintrat en arròset en mesclar la pintrura blanca dab sang de bueu, utilizada ad aquesta epòca per las soas proprietats estabilizatritz e idrofòbas.

Ostau Arroset
L'ostau deu govèrn au ras deu palais deu corrièr abans la loa juntada

Lo president Julio Argentina Roca que he espandir lo sèti deu govèrn en seguir lo projècte de l'arquitècte E. Aberg en destrusent tot çò qui demorava de l'anciana hortalessa puish, lo president Luis Sáenz Peña que decidí d'unificar l'Ostau Arroset e lo palais deu corrièr en omogeneitzan los lors estils en qui hidar lo prjècte a l'arquitècte Francisco Tamburini.

Lo bastiment, dens lo son estat actuau que ho inaugurat en 1898, deu temps deu segond mandat presidenciau de Roca.

Uei lo dia, a despart de la soa activitat politica, lo bastiment qu'ei tanben un musèu on e son expausats objèctes pertanhent aus ancians presidents (com los lors barròts presidenciaus) e on se pòt vesitar los espacis sosterranhs de l'anciana hortalessa, tornar trobats arron de recercas arqueologicas vadudas possiblas mercés a la destruccion de la Doana Nava.

Tags:

ArgentinaArriu de la PlataBuenos AiresCabildo de Buenos AiresCatedrau Metropolitana de Buenos AiresHortalessa de Buenos AiresPlaça de Mayo

🔥 Trending searches on Wiki Occitan:

MarçInternetLingòtDròtDemostracion matematicaSent Sebastian (Guipuscoa)BarcelonaGenesisLibiaParisòt (Tarn e Garona)FirefoxAzuritaDictaturaMónegueBaia de ChesapeakeScatman JohnBrueissariáNana MouskouriLetòniaSedàsPedro Cieza de LeónHoratio NelsonIraqBandièra LGBTXârâgurèFelidaeLista dels païses per superfíciaAlain DelonBoris JohnsonThe TimesChrétien de TroyesProduch interior brutAlexandre de VilleneuveAna KasparianLista dels presidents de Veneçuèla1r de julhetEmpèri SongaiAchunTolosaEstat d'urgénciaVladímir PótinLiga 1Ramon VI de TolosaRaumàsAntòni de BorbonGdańskMont EverestJòcs Olimpics d'estiu de 1980Acid carminicISO 3166-1Intelligéncia artificialaArèsLaurasiaBasilica de Sant SarninComunautat de comunas deu Grand CubzaguésJoan Francés BlancSant Joan de GardonencaWorld Wide WebMichael SchumacherRainnevilleSaint-Aubert (Nòrd)MexicJòcs Olimpics d'Ivèrn de 2014Renat NelliStar Wars14 de genièrTatarstan17971963PrensaMelissa BlackComunautat de comunas del Causse de La Bastida FortunièraMassielFebrièrFrederic X de Danemarc🡆 More