Lo naira (simbòl : ₦) es la moneda de Nigèria dempuei 1973.
Creat per remplaçar la liura nigeriana, es gerit per la Banca Centrala de Nigèria e se subdevesís en 100 kobos (b). Es una moneda importanta dins lo sistèma monetari african en despiech de la baissa quasi continua de sa valor e de projèctes per o remplaçar per una moneda comuna a plusors país d'Africa de l'Oèst.
Creat lo 1èr de genier de 1973 durant lei crisis petrolieras, lo naira s'impausèt rapidament coma una moneda importanta amb un taus d'escambis de 2 nairas per un dolar. Pasmens, en causa dei problemas de l'economia nigeriana (corrupcion, feblessa de l'investiment locau, dependéncia ais exportacions d'idrocarburs, inflacion...), s'es pauc a cha pauc afeblit. En novembre de 2011, sa valor èra ansin de 160 nairas per un dolar e de bilhets de valor faciala mai e mai importanta son estats més en circulacion. Aquel afebliment s'agravèt dins lo corrent deis annadas seguentas e, en 2023, la valor dau naira s'afondrèt entraïnant una crisi economica grèva.
This article uses material from the Wikipedia Occitan article Naira, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.