Filme D'orror

Entre lei filmes d'orror mai coneissuts, es possible de citar : Frankenstein de James Whale, Dracula de Tod Browning, The Exorcist (L'Exorcista) de William Friedkin, Halloween de John Carpenter, Friday the 13th (Divendres lo 13) de Sean S. Cunningham, The Hills Have Eyes (Lei Còlas An d'Uelhs), A Nightmare on Elm Street (Lo Marrit Pantais d'Elm Street), Scream (Udolar) de Wes Craven, la saga dei Resident Evil de Paul W.S. Anderson, la saga dei Living Dead (Lei Mòrts Vius) de George A. Romero, Jaws (Lei Maissèlas) de Steven Spielberg, The Shining (Lo Lusent) de Stanley Kubrick, Alien (L'Extraterrèstre) de Ridley Scott, Hellraiser de Clive Barker, Carrie de Brian de Palma, Child's Play (Juec d'Enfant) de Don Mancini, The Amityville Horror (L'Orror d'Amityville) de Stuart Rosenberg, Saw (La Sèrra) de James Wan, Ringu (L'Anèu) d'Hideo Nakata, The Grudge (La Rancuna) de Takashi Shimizu.

Lo filme d'orror dins son esséncia es de dissociar dau genre thriller que correspònde mai a-n un genre destinat a portar una tension certana en l'espectator, o encara dau filme fantastic que pòrta una nocion de subrenaturau per tant sensa aver per tòca de provocar la paur. De mai, entre lei subdivisions possiblas, lo slasher es sensa dobte un dei mai reconeissuts ambé de personatges de referéncia coma Freddy Krueger (A Nightmare on Elm Street - Lo Marrit Pantais d'Elm Street) o encara Jason Voorhees (Friday the 13th - Divendres lo 13). Aquelei filmes dei pichoi budgets monte l'istòria dei personatges principaus impòrta gaire si bastisson a l'entorn d'un scenari destinat unicament a-n explicitar lo biais que lo boogeyman s'aplica per laurar sei victimas. Lei filmes qu'implican de zombis, de vampiris, de fantaumas, lei fòrças demoniacas o encara d'òmes lops còmptan tanben entre lei classics dau genre.