Famas

Intrèt en servici au sen de l'armada francesa en 1973 per remplaçar lo fusiu MAS 49 e lo pistolet mitralhaire MAT 49.

L'objectiu de França èra de desvolopar una arma novèla capabla de rivalizar ambé lei fusius d'origina sovietica AK-47 qu'èran superiors ais armas francesas adoptadas après la Segonda Guèrra Mondiala. En fàcia d'aqueu retard tecnologic inquietant, lo govèrn francés reüniguèt donc una importanta còla d'engenhaires e de scienfitics per concebre una arma modèrna que siegue poderosa, d'encombrament reduch, d'utilizacion simpla e d'entretenença aisada. Pasmens, en despiech de sei performàncias, son entretenença es complèxa e son pes es tròp important. Ansin, lo FAMAS foguèt pauc adoptat franc de França e de seis aliats pròches.