La batalha de Budapèst se debanèt dau 29 de decembre de 1944 au 13 de febrier de 1945 dins lo corrent de la Segonda Guèrra Mondiala.
Opausèt lei fòrças de l'Axe (Alemanha e Ongria) ai tropas sovieticas e romanesas. S'acabèt per una victòria sovietica malaisada après un sètge fòrça saunós de la capitala ongresa. D'efèct, Adolf Hitler aviá ordenat de defendre la vila per gardar Ongria dins son camp e i concentrèt de tropas importantas e experimentadas qu'opausèron una resisténcia dura ais ofensivas de l'Armada Roja. De mai, dins lo corrent de genier, lei Sovietics deguèron replegar unei còntra-ofensivas alemandas e ongresas destinadas a rompre lo sètge. Pasmens, lo 27, l'enceuclament venguèt definitiu e la garnison de Budaèst foguèt totalament isolada dins Buda. Enfin, lo 13, foguèt obligada de capitular.
Leis Alemands e leis Ongrés perdiguèron entre 100 000 e 150 000 tuats e presoniers e lei Sovietics e lei Romanés entre 70 000 e 160 000.
This article uses material from the Wikipedia Occitan article Batalha de Budapèst, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.