Martîn Luthèr: Théologien Allemand

Y'a d's églyises dites Luthèrannes tchi sièvent chein qu'Luthèr avait prêchi.

I' fit eune vèrsion d'la Bibl'ye en Allemand.

Luthèr fut né dans la ville d'Eisleben en Saxe-Anhalt, mais sa fanmil'ye èrmuit à Mansfeld en 1484. San péthe voulit qu'i' d'veinge un houmme d'affaithes et i' s'en fut à l'unnivèrsité d'Èrfort en 1501 à seule fîn d'êtudier la louai. Un êpart l'tapit d'près lé 2 d'Juilet 1505 et i' fit sèrment dé dév'nîn un mouaine.

 

La vie du monastéthe 'tait duthe mais Luthèr n'tait pon convaîntchu qu'la vie l'amendait. I' d'vînt entchéthinné pouor la théologie et c'menchit à ensîngni. En 1507 i' d'vînt prêtre et c'menchit à ensîngni à l'unnivèrsité d'Ouittembèrg en 1508. I' dêv'loppit coumme tchi qu'i' comprannait l's êcrituthes et l'întèrprétâtion d'la grâce et du salut duthant l's années tchi siévaient.

L'églyise soulait vendre des îndulgences, ch'est en tchi l'pécheux tchu paiethait tchiques hèrpîns à l'églyise es'sait pardonné. Lé grand couôtage d'l'èrbâtithie d'la Basilique dé Saint Pièrre à Rome avait êmoûtchi eune grande vendue d'îndulgences ès fidèles. Lé 31 d'Octobre 1517 Luthèr envyit un protêt contre chutte vendue d'îndulgences à l'Archêvêque dé Mainz et Magdébouorg et chu jour-là i' cliouit ches 95 Thèses à l'hus d'l'églyise du châté d'Ouittembèrg. S'lon l'idée d'Luthèr, lé pape n'avait pon d'pouvé à pardonner chein tch'est au Bouôn Dgieu d'jugi. Lé mannuscrit à Luthèr fut traduit du Latîn et împrînmé; d'chutte manniéthe les propos d'Luthèr êtrueûlîtent lé travèrs dé l'Ûrope.

• Martin Luther – Viyiz eune Biblliographie en alemaund

 

Y a co' de quei à vei' ou à ouï' entou'
Martîn Luthèr
sus les Coumuns à Viquipédie

 

Ch't' articl'ye-chîn est eune choutchette - Ajouôtez et amendez!