Eune gâzette ( gâzette; Guernésiais : gazaette) oubyin jouônâ est eune publyicâtion rédguliéthe pouor donner les dreines nouvelles.
Ch't' articl'ye fut c'menchie en Jèrriais |
Dé couôteunme eune gâzette est împrînmée sus des fielles dé papi tchi sont pus grandes et d'pus bâsse qualité qu'les pages d'un magâsîn. Y'a des gâzettes tch'appathaîssent touos les jours ou eune fais par s'maine, mais y'en a tch'appathaîssent pus qu'eune fais par s'maine ou ofûche eune fais par mais.
Ouaithe qu'les gâzettes (nou les mênomme étout les papièrs) saient publiées pouor annonchi les nouvelles, i' contcheinnent étout ofûche des commentaithes, des portraits, d's avis, des sornettes en portraits, d's annonches et d'aut's articl'yes d'întéthêt. Les gâzettes peuvent cont'nîn d'la littéthatuthe étout.
Les gâzettes les pus populaithes du monde sont les cheinnes du Japon - Asahi Shimbun (dans les 12 millions d'lecteurs), Mainichi Shimbun (dans les 5 millions d'lecteurs) et Yomiuri Shimbun (dans les 14 millions d'lecteurs).
La gâzette la pus populaithe en Ûrope est Bild-Zeitung en Allémangne tch'a d'vièrs 4 millions d'lecteurs.
D'pis 1959 la seule gâzette rédguliéthe a 'té la Gâzette du Sé (Jersey Evening Post). Y'a ieu tchiques compétiteurs tchi fûtent lanchis mais tchi n'pouvaient pon sténer la compétition.
La preunmié gâzette en Jèrri fut Le Magasin de Jersey (1784).
This article uses material from the Wikipedia Nouormand/Normaund article Gâzette, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.