Chucre
Lé chucre ( chucre) est un composé chimique.
Ch't' articl'ye fut c'menchie en Jèrriais |
Dans la scienche nou dit qu'les monosaccharides et les dissaccharides sont des chucres. Dans la tchuîsinne et l'mangi, chein qu'nou fait sèrvi pouor la chucréthie est eune dissaccharide, d'la chucrôse, tch'a nom du chucre.
L's aîtres biologiques font sèrvi des monosaccharides (par exempl'ye, chucrôse, gliucôse et galactose) pouor stôrrer d'l'ênèrgie. Ches chucres sont transportés dans l'sang dans des bêtes pouor abréver l's aîtres.
La chucrôse tch'est du chucre est composée d'deux monosaccharides: la gliucôse et la fructôse. La chucrôse est faite sèrvi dans l'mangi et les bouaissons à seule fîn d'radouochi ou chucrer (ouaithe qu'la fructôse produite dé maïs et d'aut's pliantes est faite sèrvi étout dans la graiethie îndustrielle dé mangi et baithe). Nou graie pustôt l'chucre en crista, mais eune solution d'chucre dans dé l'ieau (un sitho) peut êt' grée étout et la m'lasse est faite sèrvi dans la tchuîsinne.
Dans les chucréthies conmèrciales nou graie du chucre prîncipalement atout du ros à chucre ou d'la betterave à chucre. Lé datchi, l'êrabl'ye et l'sorghum sont faits sèrvi étout par des bords.
D'vant l'întroduction d'chucre, nou faîthait pustôt sèrvi du myi pouor radouochi. Lé myi est pouor les deux-tchièrs un mêlange dé gliucôse et fructôse.
Diton
- nou s'ennyie d'mangi du chucre
This article uses material from the Wikipedia Nouormand/Normaund article Chucre, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.