ߛߊ߬ߜߊ ߦߋ߫ ߣߐ߲ߓߐ ߘߏ߫ ߟߋ߬ ߘߴߊߝߙߌߞߌ߬ ߜߙߋ ߞߊ߲߬߸ ߊ߬ ߦߋ߫ ߥߦߏ߬ ߟߊ߫ ߞߊ߬ ߦߟߍ߬ ߦߙߌ ߟߎ߬ ߟߋ߬ ߟߊ߫߸ ߏ߬ ߟߋ ߦߴߊ߬ ߞߍ߫ ߟߴߊ߬ ߖߊ߲߰ߧߊ ߣߴߊ߬ ߛߎ߬ߘߎ߲߬ߧߊ ߦߋ߫ ߓߐ߫ ߟߊ߫ ߦߙߌߖߎ ߟߎ߬ ߞߛߊ߬ߓߌ ߘߐ߫ ߛߐ߲߬.
ߊ߬ ߦߴߊ߬ ߘߋ߲߫ ߠߴߊ߬ ߘߋ߲ ߦߋ߫ ߘߊߥߎ߲߫ ߠߊ߫߸ ߊ߬ ߘߋ߲ ߦߋ߫ ߛߋ߫ ߟߊ߫ ߘߊߥߎ߲ ߡߊ߬ ߞߏ߲ߞߏߘߌ߬ߓߌ ߟߋ߬ ߟߊ߫ ߞߊ߬ ߥߏ߫ ߥߊ߬ߛߌ߬ߥߙߊ ߟߊ߫. ߊ߬ ߦߋ߫ ߞߏ߲ߞߏ߫ ߦߙߌߦߊ ߟߋ߬ ߟߊ߫ ߒ߬ ߠߊ߫ ߖߡߊ߬ߣߊ ߟߎ߬ ߘߐ߫߸ ߏ߬ ߟߋ ߦߴߊ߬ ߞߍ߫ ߟߊ߫ ߕߌ߰ ߕߴߊ߬ߟߋ߬ ߟߊ߫.
ߕߐ߯ ߛߎߘߎ߲ | S. senegalensis |
---|---|
ߛߌߓߟߏߡߊ ߟߐ߲ߞߏ߫ ߕߐ߮ | Saba senegalensis |
ߛߌߓߟߏߡߊ ߛߙߍߘߍ | ߛߌߦߊ |
ߛߌߓߟߏߡߊ ߓߐߛߎ߲ | ߛߊ߬ߜߊ |
ߛߌߓߟߏߡߊ ߝߘߏ߬ߓߊ߬ ߕߐ߮ | Senegal saba |
GRIN URL | https://npgsweb.ars-grin.gov/gringlobal/taxonomydetail.aspx?id=102255 |
ߛߊ߬ߜߊ ߦߋ߫ ߝߍ߲ߘߍ߲ߝߋ߲ߦߊ ߟߴߊߝߙߌߞߌ߬ ߜߙߋ ߝߊ߲߬ߓߊ ߓߍ߯ ߟߋ߬ ߘߐ߫߸ ߞߵߊ߬ ߕߴߊߝߙߌߞߌ߬ ߕߟߋ߬ߓߋ ߞߐ߰ߖߌ߬ߘߊ ߟߎ߬ ߡߊ߬: ߛߙߊ߬ߟߏ߲߬ ߣߌ߫ ߖߌ߬ߣߍ߫ ߣߌ߫ ߖߌ߬ߣߍ߫ ߓߌ߬ߛߊ߬ߥߏ߬ ߟߎ߫ ߡߊ߬߸ ߞߊ߬ ߥߴߊ߬ ߛߌ߰ ߜ߭ߊ߲ߓߌ߫ ߣߌ߫ ߛߣߍ߬ߜ߭ߊߟߌ߫ ߟߎ߫ ߟߊ߫ ߕߟߋ߬ߓߋ ߘߐ߫ ߦߊ߲߬߸ ߞߊ߬ ߥߴߊ߬ ߛߌ߰ ߊߝߙߌߞߌ߬ ߕߊ߲ߓߊ߲ ߠߊ߫ ߞߏ߲߬ߜ߭ߏ߬ ߟߊߡߌߣߌ߲ ߠߎ߬ ߟߊ߫߸ ߞߊ߬ ߥߴߊ߬ ߛߌ߰ ߊߝߙߌߞߌ߬ ߕߟߋ߬ߓߐ ߜߍߞߊ߲ߠߊ ߞߐ߰ߖߌ߬ߘߊ ߟߎ߬ ߟߊ߫ ߤߊ߲߯ ߞߊ߬ ߥߴߊ߬ ߛߌ߰ ߌ߲ߘߌ߫ ߟߌ߲ߓߊ߲ ߘߌ߲߬ߞߌߙߊ ߟߎ߬ ߟߊ߫ ߡߘߊ߬ߜ߭ߊߛߌߞߊߙߌ߫ ߣߌ߫ ߞߡߐߙߌ߬ ߟߎ߫ ߟߊ߫߸ ߛߊ߬ߜߊ ߦߴߏ߬ ߓߍ߯ ߘߐ߫ ߞߐߘߍ߫.
ߞߊ߬ ߓߍ߲߬ ߘߌ߲߬ߞߌߙߊ ߟߎ߬ ߓߐ߫ ߢߐ߲߯ ߡߊ߬ ߣߌ߫ ߥߎߟߊ ߟߎ߬ ߟߊ߫ ߖߊ߲߰ߧߊ ߟߎ߬ ߡߊ߬߸ ߊ߬ߟߎ߬ ߟߊ߫ ߞߏ ߟߎ߬ ߓߐߣߍ߲߫ ߘߌ߫ ߞߍ߫ ߢߐ߲߯ ߡߊ߬ ߣߍ߲߯ߞߍ߫ ߥߟߊ߫ ߓߊߞߍ߫߸ ߊ߬ ߞߏ߬ߣߌ߲ ߓߍ߯ ߝߌߘߊ ߣߴߊ߬ߟߎ߬ ߝߙߋ ߟߎ߬ ߦߋ߫ ߞߋߟߋ߲߫߸ ߕߐ߯ ߛߌߦߊߡߊ߲߫ ߝߣߊ߫ ߘߌ߫ ߣߊ߬ ߞߴߊ߬ ߟߊ߫ ߝߣߊ߫.
ߞߟߌ߫ (ߥߟߋ߫) ߢߊ߫ ߛߌߦߊߡߊ߲߫ ߠߋ߬ ߦߴߊ߬ ߟߊ߫ ߞߊ߬ ߓߍ߲߬ ߊߝߙߌߞߌ߬ ߛߌߦߊ ߟߎ߬ ߣߴߊ߬ ߕߌ߲߬ߞߎߘߎ߲ ߠߎ߬ ߡߊ߬.
ߊߝߙߌߞߌ߬ ߕߟߋ߬ߓߋ
ߛߊ߬ߜߊ߸ (ߓߡ) ߖ߭ߊ߬ߓߊ߸ (ߝߌߟߊ ߣߌ߫ ߛߏ߬ߛߏ) ߟߊ߯ߙߍ߬߸ (ߥߟߐߝߐ) ߡߊ߯ߘ߸ (ߡߐ߰ߛߌ) ߥߍ߯ߘߊ߫߸ (ߡߊ߬ߖߊ߰ߞߋ) ߒߞߏ߲ߞߊ߯ߙ.
ߛߊ߬ߜߊ ߦߋ߫ ߝߙߋߞߏߥߙߍ ߟߋ߬ ߘߌ߫ ߡߍ߲ ߦߴߊ߬ ߝߙߋ߫ ߟߊ߫ ߛߊ߲߭ ߞߎ߲߬ߕߊ߮ ߛߌߦߊߡߊ߲߫ ߞߘߐ߫߸ ߒ߬ߞߵߊ߬ ߟߊ߫ ߝߙߋߟߌ ߝߊ߲߬ߓߊ ߦߋ߫ ߞߍ߫ ߟߊ߫ ߖߌߜߍ߫ ߟߊ߫ ߛߌߓߏ ߟߋ߬ ߘߌ߫߸ ߓߴߊ߬ ߝߊ߲߬ߓߊ ߕߍ߫ ߞߍ߫ ߟߊ߫ ߘߋ߲߫ ߘߌ߫. ߛߊ߬ߜߊ ߝߙߋ ߡߍ߲ ߦߋ߫ ߞߍ߫ ߟߴߊ߬ ߘߋ߲ ߘߌ߫߸ ߊ߬ ߦߴߏ߬ ߞߍ߫ ߟߴߊ߬ ߟߊ߫ ߓߌ߲ߠߊߥߎߟߋ߲ ߣߌ߫ ߞߏ߲ߞߏߜߍ ߟߋ߬ ߟߊ߫ ߛߐ߲߬߸ ߞߊ߬ ߞߐ߯ ߞߏ߲ߞߏߘߌ߬ߓߌ ߣߌ߫ ߘߓߊ߬ߕߊ ߟߎ߬ ߟߊ߫. ߞߏ߬ߣߌ߲߬ ߛߜߊ߬ ߝߊ߬ߙߊ߲߬ߝߊ߬ߙߊ߲߬ߠߊ ߘߏ߫ ߟߎ߫ ߦߋ߫ ߦߋ߲߬߸ ߏ߬ ߟߎ߬ ߦߴߊ߬ߟߎ߫ ߘߋ߲߫ ߠߊ߫ ߛߋ߲߬ߧߊ߫ ߝߌ߬ߟߊ߫ ߟߋ߬ ߛߊ߲߭ ߞߘߐ߫ ߒ߬ ߓߘߊ߫ ߊߝߙߌߞߌ߬ ߕߟߋ߬ߓߋ ߟߌ߬ߤߟߊ ߟߋ߬ ߞߏ߫ ߦߋ߫߸ ߊ߬ ߘߋ߲߫ ߝߌߟߊߣߊ߲ ߏ߬ ߦߋ߫ ߡߐ߬ ߟߊ߫ ߞߏ߲ߞߏߜߍ ߟߊ߫ ߛߐ߲߬.
ߛߊ߬ߜߊ ߘߋ߲ ߦߋ߫ ߘߊߥߎ߲߫ ߠߊ߫ ߢߊ߫ ߡߊߟߐ߲ߣߍ߲߫ ߝߌ߬ߟߊ߫ ߟߋ߬ ߡߊ߬ ߛߐ߲߬ ߒ߬ ߓߘߊ߫ ߡߊ߲߬ߘߋ߲߬ ߖߡߊߣߊ ߟߎ߬ ߘߐ߫: ߏ߬ ߟߎ߬ ߘߏ߫ ߟߋ߬ ߦߴߊ߬ ߞߟߏ ߟߊߞߎ߬ߣߎ߲ ߘߌ߫߸ ߘߏ߫ ߟߎ߫ ߝߣߊ߫ ߦߴߊ߬ ߟߏ߯ߟߏ߫ ߟߊ߫ ߞߵߊ߬ ߞߟߏ ߟߊߝߟߌ߬; ߞߏ߬ߣߌ߲߬ ߥߊ߯ߕߌ ߘߏ߫ ߟߎ߫ ߟߊ߫߸ ߘߋߣߍ߲ ߠߎ߬ ߦߴߊ߬ ߖߌ ߘߐߓߌߘߌ߲߫ ߠߊ߫ ߞߵߊ߬ ߖߌ ߞߴߊ߬ ߖߍ߬ߘߍ ߝߊ߬ߘߊ ߘߐ߫ ߞߊ߬ ߓߎ߰ߘߌ߬ߜߍ ߘߏ߯ߣߍ߲߫ ߞߴߊ߬ ߟߊ߫߸ ߏ߬ ߓߊ߯ ߞߴߊ߬ ߘߌ߫ ߥߙߌ߬߸ ߥߌ߬ߙߌ ߏ߬ ߓߊ߯ ߟߐ߬߸ ߏ߬ ߦߴߊ߬ ߕߘߍ߬ ߟߊ߫ ߟߋ߬ ߊ߬ ߞߎ߬ߡߎ߲ ߓߍ߯ ߓߘߊ߫ ߕߍ߰ ߞߵߊ߬ ߞߍ߫ ߦߏ߫ ߛߎߞߙߊ ߟߋ߬ ߞߍߣߍ߲߫ ߦߴߊ߬ ߟߊ߫.
ߓߊߟߏߘߐ ߢߌ߲߬ ߠߎ߫ ߟߋ߬ ߞߊߛߌߦߴߊ߬ ߟߊ߫: ߓߊߟߏߙߋ߲߫ ߌ (ߝ߭ߌߕߊߡߌ߲ߣ ߛߋ «vitamine c»)߸ ߓߊߟߏߙߋ߲߫ ߋ߁߭ (ߝ߭ߌߕߊߡߌ߲ߣ ߓߋ߭߁߭ «thiamine»)߸ ߓߊߟߏߙߋ߲߫ ߋ߂߲ (ߝ߭ߌߕߊߡߌ߲ߣ ߓߋ ߂߲ «riboflavine»)߸ ߓߊߟߏߙߋ߲߫ ߋ ߃߲ (ߝ߭ߌߕߊߡߌ߲ߣ ߓߋ ߃߲ «niacine»)߸ ߊ߬ ߣߌ߫ ߓߊߟߏߙߋ߲߫ ߋ ߆߲ (ߝ߭ߌߕߊߡߌ߲ߣ ߓߋ ߆߲ «pyridoxine»)߸ ߏ߬ ߟߎ߬ ߓߍ߯ ߦߴߊ߬ ߟߊ߫ ߞߐߘߍ߫.
This article uses material from the Wikipedia ߒߞߏ article ߛߊ߬ߜߊ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.