ოპერაციული სისტემა
ოპერაციული სისტემა ვარდა საოპერაციო სისტემა — სპეციალური კომპიუტერული პროგრამა, ნამუთ მართენს ურთიართობას შხვადოშხვა ომახვარებე პროგრამულ პაკეტეფს (software), თაშნეშე კომპიუტერიშ სისტემაშ აკმადგინალ მონწყილობას (hardware) დო თე სისტემაშ მახვარებუშ შქას.
ირნერ ოპერაციული სისტემაშ ნერჩი რე გვირზილი (Kernel), software-აშ მაართა ფა, ნამუთ კომპიუტერიშ შვენას იხარგუ სისტემაშ ჩართებაშ მომენტის. გვირზილი უკული არძენს კილას შხვადოშხვა ჯინჯიერ სერვისეფს არძა დოსქილადირ სისტემეფს დო ომახვარებე პროგრამულ პაკეტეფწკჷმა. ოპერაციული სისტემა ქინიხარგუ კომპიუტერიშ ჩართებაშ ბორჯის დო თინა მახვარებუს არძენს მოხუჯურ ინტერფეისის. ინტერფეისი შილებე ორდას პროგრამული დო ომახვარებე. პროგრამული ინტერფეისი — თენა გჷმმაკოროცხალი სისტემაშ ფარგალეფს მონწყილობეფიშ დო პროგრამეფიშ ურთიართქიმინჯალაშ უნარღელჸოფაშ საშუალებეფიშ ართობურობა რე.
ომახვარებე ინტერფეისი — კომპიუტერწკჷმა ვარდა პროგრამაწკჷმა მახვარებუშ ურთიართქიმინჯალაშ პროგრამული დო აპარატული საშუალებეფი რე.
რესურსეფი ინტერნეტის
- ოპერაციული სისტემა Archived 2014-04-04 ვებ-ხასჷლას Wayback Machine. (ინგლისური)
This article uses material from the Wikipedia მარგალური (Margaluri) article ოპერაციული სისტემა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.