Adriaan Willaert (Rumbeke, circa 1488 – Venetië, 7 december 1562) was een Vlamsche componist, dirigent, muzieklêroare en kapelmêester.
Adriaan Willaert krêeg zyn ipleidienge in Parys by de componist Jean Mouton. In 1515 trokt ’n noar Itoalië, lik vele mêesters uut de Lêge Landn in die periode. In 1522 wast ‘n in Rome en van 1522 tout 1527 an de hofkapelln van Ferrara en Milaan. In 1527 wierd ‘n benoemd tout kapelmêester van de San-Marco-basilieke in Venetië, woa dat ’n blêef tout an zyn dôod in 1562.
Je was één van de mêest veelzydige componistn uut de Renaissance, en vanuut zyn positie in Venetië ad ‘n een grôte muzikoaln invloed in Europa. Willaert wordt anzien als de groundlegger van de Venetioansche Schole, die een sterkn invloed ad ip de vroege Barokmuziek.
Van Willaert zyn d’r vele werkn gekend lik messn, psalmn, motettn, madrigoaln, canzones en instrumentoale werkn.
This article uses material from the Wikipedia West-Vlams article Adriaan Willaert, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.