Jesus Christus
Jesus Christus (vun Greeksch Ἰησοῦς , dat is sien Naam op Greeksch, un Χριστός ), dat heet „salvt“) is na den Gloven vun de meisten christlichen Karken de Herr, de in'n Himmel an Gott siene Sieten regeern deit.
In düssen Artikel steiht, wat de Karken vun Jesus gloven deit, un woans he in jemehr Dogma to den Messias maakt wurrn is. Wat över den Minschen Jesus bekannt is un woans he wohrschienlich leevt hett warrt in den Artikel Jesus vun Nazaret behannelt.
De Christen glöövt, dat he en histoorsche Persoon weer, de so vun ca. 6-2 v. Chr. bet ca. 29-33 n. Chr. leevt hett. Un ok de Mehrtall vun de Wetenschopler glöövt dat.
Na dat, wat us de Bibel vertellt, hett Jesus in Galiläa un Judäa predigt, un de Römers hebbt em achterna an't Krüüz slaan. Un an den dritten Dag is he dann vun den Doden opstahn.
Dat, wat Jesus daan un lehrt hett, is för de Christen dat Fundament vun dat Christendom. Jesus hett sik süms de "Minschensöhn" nömmt. Dat is en Woort ut dat Book Daniel ut dat Ole Testament. Dat bedütt, datt he dacht hett, he is en ganz besunnerer Minsch, eegentlich man mehr as en Minsch. "Minschensöhn" bedütt mehr as en Minsch, anunförsik en Gottminsch, de Kraft un Macht hett, allens to bestimmen.
This article uses material from the Wikipedia Plattdüütsch article Jesus Christus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.