Chatgpt

'GPT' i namnet er akronym for det engelske generative pre-trained transformer og er ei nemning for ei gruppe av språkmodellar. Dette er ein trent språkmodell utvikla av OpenAI. Han er ein samtalerobot som bruker overvakt læring og forsterkande læring, med menneskelege trenarar som speler begge sider av samtalen. Modellen vart trent på Microsoft Azure infrastruktur i samarbeid med Microsoft.

ChatGPT
Skapar	OpenAI
Utviklar	OpenAI
Utgjevar	Amazon Appstore, App Store, Google Play
Utgjeve	30. november 2022
Nyaste versjon	ChatGPT January 10 Version (10. januar 2024)
Plattform	nettlesar, programmeringsgrensesnitt, iOS, Android
Skrevet i	Python
Type	tekstgenerering, Maskinomsetjing, AI-generert tekst
Lisens	proprietær lisens
Nettstad	https://chat.openai.com/

ChatGPT kan etterlikne menneskeleg samtale, skrive dataprogram, svare på testspørsmål, skrive poesi, spele spel og meir. Han kan brukast til kreativ skriving og omsetting av språk, mellom anna kan ChatGPT gjenkjenne nynorsk. Han hugsar også tidlegare meldingar i ein samtale og har høvet til å tilpasse svara sine. OpenAI erkjenner likevel at ChatGPT nokre gonger kan gje feilaktige eller useriøse svar. Modellen har også avgrensa kunnskap om hendingar etter 2021 og har ikkje lov til å gje uttrykk for politiske meiningar. Modellen har òg avgrensingar i treningsdata, inkludert skeivskap i algoritmar og har preferanse for lengre svar.