Gmail iku siji panyumadhia layanan layang èlèktronik (email) gratis duwèké Google kang diluncuraké tanggal 31 Maret 2004.
Gmail nganti saiki isih sajeroning tahap beta.
Gmail nyumadhiakaké kapasitas panyimpanan kang akèhé punjul 2000 megabyte lan terus nabah. Cacah iki punjul kaping papaté gunggung kang ditawakaké déning situs liya, kaya Yahoo! lan Hotmail. Bab iki tegesé para naraguna bisa nyimpen nganti èwon layang èlèktronik.
Gmail uga ngaplikasi teknologi pangluru Google kang nggampangaké para naragunané luru fail utawa liyané. Gmail uga nampilaké iklan kang didhasaraké marang email kang ditampa naraguna. Iklan mau mung dituduhaké marang naraguna Gmail lan ora dikirimaké menyang alamat njaba.
Gmail bisa ngirimaké attachment (lampiran) nganti 10 MB saben email.
Salah siji saka bab anyar kang ditawakaké Gmail ya iku panyortiran email sajeroning wangun "Conversation view". Kanthi cara iki email kang ditampa bakal diurut sajeroning wangun komunikasi, saéngga kabèh walesan lan topik ora misah-misah. Bab iki bisa nggampangaké naraguna ndeleng email kang ditampa. Gmail kadhangkala salah ngira email endi kang kudu diklompokaké dadi siji, nanging bab iki wis arang kadadéan.
Salah siji owah-owahan anyar ya iku kemampuan kanggo nglabeli email. Sawijining email bisa nduwé punjul siji label. Fitur iki migunani kanggo nyortir email miturut label kang ditrapaké, Google uga bisa mènèhi label kanthi otomatis nganggo siji filter.
This article uses material from the Wikipedia Basa Jawa article Gmail, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.