Angkor Wat (Höfuð-borgmusterið) í Kambódíu er best þekkta hofið í Angkor-fornminjagarðinum, sem er eitt mikilvægasta fornleifasvæðið í Suðaustur-Asíu.
Svæðið nær yfir um 400 km2, skógi vaxið svæði, Angkor-garðurinn inniheldur stórkostlegar leifar af mismunandi höfuðborgum Khmer-heimsveldisins sem var við lýði frá 8. til 14. aldar. Fyrir utan áðurnefnt Angkor Wat er hið víðfræga Angkor Thom með 72 turnum sem hver hefur fjögur Búdda-andlit, Bayon-musterið með ótal höggmyndum og áhugaverður skreytingum. Svæðið nýtur nú verndar UNESCO, sem hefur sett upp margþætt verkefni til að vernda það og umhverfi þess
Svæðið í heild er þyrping mustera sem mynda stærstu trúarlegu minnismerki í heimi. Angkor Wat var upphaflega byggt sem hindúahof fyrir Khmer-konungsættina, en Búddastyttur voru settar upp þegar hofið var helgað Mahajana-búddisma við lok 12. aldarinnar. Khmer-konungurinn Suryavarman II lét byggja musterið snemma á 12. öldinni í Yaśodharapura (núverandi Angkor), höfuðborg Khmer konungsættarinnar, sem hof ríkis síns og sitt eigið grafhýsi. Angor Wat var tileinkað Visnjú. Í hofinu nær byggingarstíll Khmera hátindi og það hefur verið notað sem merki landsins og er á fána þess og er vinsælasti áfangastaður landsins meðal ferðamanna.
This article uses material from the Wikipedia Íslenska article Angkor Wat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.