Գերի Կոուլման
Գերի Ուեյն Կոուլման (անգլ.՝ Gary Wayne Coleman, փետրվարի 8, 1968(1968-02-08), Zion, Լեյք շրջան, Իլինոյս, ԱՄՆ - մայիսի 28, 2010(2010-05-28), Պրովո, Յուտա, ԱՄՆ), ամերիկացի դերասան, առավել հայտնի Առնոլդ Ջեքսոնի դերով Տարբեր քայլեր սիթքոմում։
 անգլ.՝ Gary Wayne Coleman | |
|---|---|
 | |
| Ծնվել է | փետրվարի 8, 1968 |
| Ծննդավայր | Zion, Լեյք շրջան, Իլինոյս, ԱՄՆ |
| Մահացել է | մայիսի 28, 2010 (42 տարեկան) |
| Մահվան վայր | Պրովո, Յուտա, ԱՄՆ |
| Կրթություն | Crossroads School? |
| Քաղաքացիություն |  ԱՄՆ |
| Մասնագիտություն | դերասան, կինոռեժիսոր, հեռուստառեժիսոր, կինոպրոդյուսեր, սցենարիստ, երգիչ, հնչյունավորող, կատակերգու և հեռուստատեսային դերասան |
Վաղ տարիներ
Գերի Կոուլմանը ծնվել է 1968 թվականին Զիոնում, որը գտնվում էր Իլինոյս նահանգում։ ՆրաՆ որդեգրել էին Էդմոն Սյուն և Վիլ Կոուլմանը։ Մանկուց ԳԵրին տառապել է երիկամների հիվանդությամբ, այդ պատճառով էլ նա վաղ էր դադարել աճել և կարճահասակ էր մնացել՝ 1մ 42սմ։ Նրա երիկամները երկու անգամ փոխպատվաստել են՝ 1973 և 1984 թվականներին։ Նրան նաև ամենօրյա դիալիզի անհրաժեշտություն է եղել։
Գործունեություն
Կոուլմանը իր դերասանական կարիերայի սկզբին նկարահանվել է այնպիսի սերիալներում, ինչպիսիք էին Ջեֆերսոններ և Բարի ժամանակներ։ Սակայն նրան առավել հանրահայտ է դարձրել Տարբեր քայլեր սիթքոմում անգլ.՝ Diff'rent Strokes Առնոլդ Ջեքսոնի դերը։ Այդ սիթքոմը հեռարձակվել է 1978- 1985 թվականներին ՆԲՍ NBC և ԱԲՑ ABC հեռուստաալիքներով։ Սերիալում նա խաղացել է աֆրոամերիկացի երկու եղբայրներից մեկին, որոնց որդեգրել էր հարուստ սպիտակ այրին։ Երբ նա արդեն հանրահայտ դերասան էր, մեկ դրվագի համար ստանում էր 70,000 դոլլար։ 1980-ական թվականներին Կոուլմանը նկարահանվել է մի շարք նոր հեռուստասերիալներում, ինչպես նաև մասնակցել Գերի Կոուլմանի շոու անիմացիոն շարքի ստեղծմանը։
Ֆինանսական խնդիրներ
Կոուլմանը 1989 թվականին դատական հայց է ներկայացրել իր ծնողների և նախկին մենեջերի դեմ, որոնց նա մեղադրել է 3,8 միլիոն դոլլար յուրացնելու մեջ։ 1993 թվականին նա կարողացել է դատարանով վերցնել 1,28 միլիոն դոլլար։ Սակայն 1999 թվականին ճանաչվել է անվճարունակ։ Կոուլմանը ստիպված է եղել աշխատել խանությում՝ որպես անվտանգության աշխատակից։ 1993 թվականին իր հարցազրույցներից մեկում նա խոստովանել է, որ երկու անգամ փորձել է ինքնասպան լինել՝ դեղահաբերի մեծ չափաբաժին ընդունելով։
Հետագա տարիներ
Կոուլմանը 2003 թվականին առաջադրվել է Կալիֆոռնիայի նահանգապետի պաշտոնում։ Նա զբաղեցրել է 135-ից 8-րդ տեղը և հավաքել 14,242 ձայն։ 2003 թվականին պարոդիայի է ենթարկվել Կյուի պողոտա հիթ երաժշտական երգում և արժանացել է 2004 թվականի Թոնի մրցանակին։ Նաև 2003 թվականին պատկերել է և բարձրաձայնել իրեն փոստային 2 համակարգչային խաղում։ 2005 թվականին անգլ.՝ VH1 հեռուստաալիքի հանդիսատեսը կազմել է հայտնի մարդկանց լավագույն երեխաներին, որոնցում Կոուլմանը զբաղեցրել է առաջին տեղը։ 2007 թվականի օգոստոսին նա ամուսնացել է Շենոն Փրայսի հետ, ում հետ հանդիպել է Եկեղեցու բասկետբոլ ֆիլմի նկարահանման ժամանակ, սակայն մեկ տարի անց բաժանվել է։
Մահ
Կոուլմանը 2010 թվականի մայիսի 26-ին գլխի լուրջ վնասվածքով հոսպիտալացվել է Յուտա նահանգի հիվանդանոցներից մեկում։ Երկու օր անց՝ 2010 թվականի մայիսի 28-ին մահացել է ուղեղի արյունահոսությունից։
Ընտրված կինոգրաֆիա
- 2008 թվական, Նորաստեղծ ամերիկացի
- 2007 թվական, Չափից շատ Սուրբ ծնունդ
- 2007 թվական, Մեծ Բաք Հովարդ
- 2004 թվական, Դրեյկը և Ջոշը, դրվագ, Գարի Գրիլ անգլ.՝ The Gary Grill
- 2003 թվական, Դիկի Ռոբերտը, Աստղային երեխա
- 2003 թվական, Հարություն
- 2002 թվական, Ֆրենկ Մակլասկի ապահովագրական խուզարկու
- 1999—2000 թվականներ Սիմփսոնները 2 դրվագներում անգլ.՝ A Tale of Two Springfields, անգլ.՝ Grift of the Magi
- 1998 թվական, Կեղտոտ աշխատանք
- 1996 թվական, Բևերլի Հիլզի արքայազնը, դրվագ, անգլ.՝ Done: Part 2
- 1994 թվական, ճապոնացի ոստիկանը
Ծանոթագրություններ
Արտաքին հղումներ
- «Gary Coleman». IMDb. Վերցված է 2021 թ․ օգոստոսի 12-ին.
- «Gary Coleman (1968-2010) - Find A Grave Memorial». www.findagrave.com (անգլերեն). Վերցված է 2021 թ․ օգոստոսի 12-ին.
- «Photography». Washington Post (անգլերեն). Վերցված է 2021 թ․ օգոստոսի 12-ին.
 | Վիքիպահեստն ունի նյութեր, որոնք վերաբերում են «Գերի Կոուլման» հոդվածին։ |
This article uses material from the Wikipedia Հայերեն article Գերի Կոուլման, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.