Jiezos Krėstos

pr. Kr. – 4 m. e. m., pasėmėrė aple 29-33 m.) īr svarbiausis asmou krėkštiuonībie. Īr mėslėjama, ka Jiezos apraiškė o sokūrė krėkštiuonėškaja viera ėr ož anuos skelbėmā bova nuteists smertėis bausmė. Krėkštiuonīs tēpuogė tėkė, ka Jiezos mėrdams atkūrė praeitie prarasta prieteliaus galėmībė ī omžėna gīvenėma so Dievo.

Kāp raša Švėntajam Raštė, Jiezos prasėdiejė ėš Švėntuosės Dūšės ėr gėmė ėš Švt. Marėjės mažiokie Betliejaus tvartė.

Ons bova baisē ėšmėntings: Biblėjuo mėnavuojama istuorėjė, ka Jiezos, būdams 12 metu, sinaguogo rokavuos so fareziejēs ėr anėj baisē dīvījuos Jiezaus ėškalba.

Jiezos mokiejė gīdītė prietelius. Biblėjuo netgė mėnavuojama, ka ons prikielė jau mėrosė mergėlka. Ne ož ėlga pasklėda gandā api dīvos, katros gal padėrbtė Jiezos, vadėnams Mesėjom. Rašta aiškėntuojē fareziejē apkaltėna Jiezu švėntvagīstiem ė, so mėniuos palaikīmo, Jiezos bova pasmerkts žiaurē smertē ont krīžiaus.

Ale vagol krėkštiuoniu viera, Jiezos pu 3 dėinū prisėkielė.