Victoria Av The Kinks
«Victoria» er ein song av The Kinks skriven av Ray Davies.
| Victoria Singel av The Kinks frå albumet Arthur (Or the Decline and Fall of the British Empire) | ||
| B-side |
| |
|---|---|---|
| Utgjeve |
| |
| Innspelt | Mai-juni 1969 | |
| Studio | Pye (nr. 2), London | |
| Sjanger | Rock | |
| Lengd | 3:37 | |
| Selskap | ||
| Tekstforfattar | Ray Davies | |
| Låtskrivar(ar) | Ray Davies | |
| Produsent | Ray Davies | |
| Britisk Kinks-kronologi | ||
| Shangri-La (1969) | Victoria | Lola (1970) |
| Amerikansk Kinks-kronologi | ||
| The Village Green Preservation Society (1968) | Victoria | Lola (1970) |
Han er opningsspor på konseptalbumet deira Arthur (Or the Decline and Fall of the British Empire) frå 1969.
Songen har ein satirisk stil som Ray Davis hadde vorte kjend for med hitten «Dedicated Follower of Fashion» i 1966. Teksten set formyndarmentaliteten i Det britiske imperiet i viktoriatida, «Land of my Victoria/Land of hope and gloria», side om side med det barske livet i Storbritannia på 1800-talet, «Sex was bad and obscene/And the rich were so mean» og uttrykker korleis arbeidarklassen i landet smiska med dronninga, «Though I am poor, I am free/When I grow I shall fight/For this land I shall die».
Musikalsk startar songen med eit enkelt bluesriff og bygger seg opp til eit livleg klimaks med blåsarar og strykarar på «Land of hope and gloria»-mellomspelet. Avsluttinga består av blåsarar, tung rockegitar og korvokal frå Dave Davies og ein «psykedelisk» effekt med ei indiskliknande sekkepipe, som på singelen deira «See My Friends» frå 1965.
Singelen klarte ikkje å nå Topp 40 i USA, men nådde Topp 40 både i Storbritannia og Canada, og nådde Topp 10 i Sverige.
Andre utgåver
Ei utgåve av The Fall gjekk inn på Topp 40 i Storbritannia i 1988. Andre som har spelt songen er Cracker, Nomeansno og Sonic Youth.
Kjelder
Bakgrunnsstoff
This article uses material from the Wikipedia Nynorsk article Victoria av The Kinks, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.