Trent er ei av dei største elvane i England.
Ho spring ut i Staffordshire, mellom Biddulph og Biddulph Moor, og renn gjennom Midlands inntil ho ved Trent Falls renn saman med Ouse og dannar Humber, som renn derfrå austover til Nordsjøen. Elva er 298 kilometer lang. Ho renn nordover, noko som er uvanleg for engelske elver.
Trent | |||
elv | |||
Trent Bridge med Nottingham i bakgrunnen | |||
Land | England | ||
---|---|---|---|
Grevskap | Staffordshire, Derbyshire, Leicestershire, Nottinghamshire, Lincolnshire, Yorkshire | ||
Tilløp | |||
- venstre | Dove | ||
- høgre | Mease | ||
Byar | Stoke-on-Trent | ||
Lengd | 298 km | ||
Middelvassføring | 85 m³/s | ||
Kjelde | |||
- stad | Biddulph Moor i Staffordshire, England | ||
- høgd | 275 moh. | ||
- koordinatar | 53°7′4.840″N 2°8′35.952″W / 53.11801111°N 2.14332000°W | ||
Munning | |||
- høgd | 0 moh. | ||
Trent 53°42′N 0°42′W / 53.7°N 0.7°W | |||
Nedslagsfeltet til Trent | |||
Wiki Commons: River Trent | |||
Trent renn forbi fleire byar, blant anna Stoke-on-Trent, Burton-upon-Trent, Derby, Nottingham, Newark og Scunthorpe.
Dei største sideelvane er Idle, Devon, Erewash, Soar, Derwent, Dove, Mease og Tame.
Trent markerer grensa mellom dei to engelske herolda Norroy og Clarenceaux. «Nord for Trent» er difor ein av fleire definisjonar på avgrensningen mellom Nord- og Sør-England.
På visse tider på året kan det på dei nedre, tidvasspåverka delane av Trent finnast ei middels stor tidvassbølgje (opp til 1,5 meter høg), som er kjent som «Trent Aegir». Aegir finst når ein høg springflo møter vasstraumen frå elva, som går i motsett retning. Traktforma på elvemunningen forsterkar denne effekten, og skapar ei stor bølgje som kan merkast så langt oppstraums som til Gainsborough, og nokre gonger endå lengre. Men bølgja kan ikkje gå særleg langt forbi Gainsborough sidan forma på elva reduserer han til ikkje stort meir enn ei krusing. Nord for Newark-on-Trent i Nottinghamshire ligg tersklar i elva som stoppar bølgja fullt.
This article uses material from the Wikipedia Nynorsk article Trent, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.