Thévenin-Ekvivalent

Ekvivalentkrinsen er tufta på Thévenins teorem, som seier at ein vilkårleg lineær krins med ei eller fleire spenningskjelder, straumkilder og motstandar er ekvivalent til ei ideell spenningskjelde i serie med ein motstand. Med open utgang er utgangsspenninga ${\displaystyle u_{ut}=u_{Th}}$.

At ein vilkårleg krins kan omformast til ein ekvivalent krins med berre to komponentar forenklar i mange samanhengar analysen mykje. Thévenin-motstanden ${\displaystyle R_{Th}}$ og lastmotstanden ${\displaystyle R_{L}}$ dannar ein spenningsdelar, så når Thévenin-spenninga ${\displaystyle u_{Th}}$, Thévenin-motstanden ${\displaystyle R_{Th}}$ og lastmotstanden ${\displaystyle R_{L}}$ er kjede kan ein finna spenninga over lasten som

${\displaystyle u_{L}=u_{Th}\left({\frac {R_{L}}{R_{L}+R_{Th}}}\right)}$.

For å få størst muleg spenning over lasten må Thévenin-mostatanden vera liten i høve til lastmotstanden: ${\displaystyle R_{Th}\ll R_{L}}$.

Ein audioeffektforsterkar med ein Thévenin-motstand, òg kalla «utgangsmotstand» eller «indre motstand», på 100 m${\displaystyle \Omega }$ , er kopla til ein høgtalar med nominell impedans på 5 ${\displaystyle \Omega }$ . Om effektforsterkaren genererer ei Thévenin-spenning på 10 V, vil spenninga over høgtalaren vera på 9,8 V. Om lastmotstanden hadde vore på 1 ${\displaystyle \Omega }$  ville spenninga over lasten vorte redusert til 9,1 V. Vi finn Thévenin-ekvivalenten til forsterkaren ein gong for all, men kan endra lastmotstanden for å studera den resulterande spenninga over han.

• Norton-ekvivalent