Türksoy
TÜRKSOY eller Uluslararası Türk Kültürü Teşkilatı (engelsk International Organization of Turkic Culture, norsk omsetjing Den internasjonale organisasjonen for tyrkisk kultur), tidlegare Türk Kültür ve Sanatları Ortak Yönetimi, er ein internasjonal kulturorganisasjon for stader med ein tyrkisk folkesetnad som talar tyrkiske språk.TÜRKSOY er ei forkorting for det tidlegare namnet på organisasjonen, men òg ei samanseting av dei to orda türk, som tyder «tyrkisk», og soy, som tyder «opphav».
Organisasjonen har hovudkontoret sitt i Ankara i Tyrkia.
| Uluslararası Türk Kültürü Teşkilatı (TÜRKSOY) | |||
 Sjølvstendige (mørkeraud) og andre medlemmer (raud) av TÜRKSOY. | |||
| Skipa | 12. juli 1993 | ||
|---|---|---|---|
| Hovudkontor | Ankara | ||
| Medlemmer | 6 sjølvstendige medlemsland 8 usjølvstendige regionar | ||
| Nettstad | https://www.turksoy.org/  | ||
Historie
I 1992 blei det hald møte i Baku og Istanbul der kulturministrane frå Aserbajdsjan, Kasakhstan, Kirgisistan, Turkmenistan, Tyrkia og Usbekistan var til stades og blei samde om å inngå eit kulturelt samarbeid. 12. juli 1993 blei TÜRKSOY skipa gjennom underskrivinga av ein avtale i Almaty.
I 1996 blei det danna eit offisielt samarbeid med gjensidig dialog og konsultasjon mellom TÜRKSOY og UNESCO. Sidan 2012 har organisasjonen tildelt ein by status som kulturhovudstad i den tyrkiske delen av verda for ein periode på eitt år.
Medlemmar
- Per 2015 har TÜRKSOY seks sjølvstendige medlemsland: Aserbajdsjan, Kasakhstan, Kirgisistan, Turkmenistan, Tyrkia og Usbekistan.
- Åtte ikkje-sjølvstendige regionar har observatørstatus i organisasjonen: Altaj, Basjkortostan, Gagaus, Khakasia, Nord-Kypros, Sakha, Tatarstan og Tyva.
Leiarar
- 1994–2006: Polad Bülbüloğlu (tidlegare kulturminister i Aserbajdsjan)
- 2006–2008: Ad interim
- 2008– : Düysen Kaseyinov
Kjelder
Bakgrunnsstoff
- Offisiell nettstad Arkivert 2014-01-09 ved Wayback Machine.
This article uses material from the Wikipedia Nynorsk article TÜRKSOY, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.