Tim Hart

januar">9. januar 1948–24. desember 2009) var ein engelsk visesongar og multi-instrumentalist, mest kjend for å ha vore med å starte opp det britiske folkrockbandet Steeleye Span.

Hart byrja å spele med Maddy Prior i 1966 på forskjellige viseklubbar i England. I 1968 og 1969 spelte duoen inn to album: Folk Songs of Olde England, Volum 1 og 2.

Frå 1970 til 1982 var Hart og Prior ryggrada i Steeleye Span. Her bidrog Hart med musikalsk dugleik på ei rekkje instrument, somme elektriske, som akustisk gitar, dulcimer, orgel, banjo, mandolin, bjøller, tabor og skei, i tillegg til at han song. Hart song nesten berre på dei tradisjonelle songane bandet spelte inn. Steeleye Span nådde størst suksess i 1975. Dei turnerte i USA og Australia og brukte stadig oftare elektriske instrument. Det gjekk nedover med platesalet etter kvart og i 1978 annonserte dei ein farvellturné i Storbritannia. Dei kom derimot saman att i 1980-åra og bandet er framleis aktivt i dag.

Då bandet vart oppløyst nytta Hart høve til å gje ut eit soloalbum, Tim Hart, i 1979. I 1981 spelte Hart inn to album med barnesongar.

Helsa til Hart vart dårleg og i 1988 flytta han til La Gomera, ei lita øy i Kanariøyane. Han gav seg då med musikken og vart forfattar og fotograf. Han skreiv mellom anna e reisehandbok for La Gomera, La Gomera: A Guide to the Unspoiled Canary Island (2004) der han tok alle fotografia sjølv.

I desember 2008 fekk Hart diagnosen lungekreft og vende attende til England for å få medisinsk hjelp. I desember 2009 reiste han heim att til La Gomera, der han døydde i heimen sin på julaftan, 61 år gammal.

Tim Hart and Maddy Prior

• Folk Songs of Olde England Vol. 1 (1968)
• Folk Songs of Olde England Vol. 2 (1968)
• Summer Solstice (1971)

Tim Hart

• Tim Hart (1979) Chrysalis CHR 1218

Tim Hart and Friends

• My Very Favourite Nursery Rhyme Record (1981)
• The Drunken Sailor and other Kids Songs (1983)

• Throbs (1978)
• La Gomera: A Guide to the Unspoiled Canary Island (2004)